1 Timote 4:4 - Nyanmien nde Ufle

⁴ Liké kwlaa nga Nyanmien yii bé'n, bé ti kpa, nanh man bé yi wié fi asé, sannge man bé so nun bé le i asé,

NYANMIƐN NDƐ'N 1998

⁴ Like nga Nyanmiɛn yili be'n, be kwlaa be ti kpa, nán man be yi wie fi ase, sanngɛ man be sɔ nun be lɛ i ase,

1 Timote 4:4 ပူးပေါင်းရင်းမြစ်များ

Sa nga bé yôli'n 10:15

Ye o tii nen so'n i kpe nnyon su, o sé i ke: Liké nga Nyanmien bu i ke o ti kpa'n, nanh bu i ke o ti kain.

Sa nga bé yôli'n 15:29

yele ke nanh an di amuen su, o nin nnen mmôdya, o nin nnen ng'o wu i sa su'n, ye nanh an kunnde bla b'o ti'a amun yi annze bian b'o ti'a amun wun'n. Se an nian amun wun sa so'm bé lika'n, o ti kpa. Man Nyanmien nian amun su.

Sa nga bé yôli'n 21:25

Sannge bé bo bé ti'a Juif'n bo ba lafi Jésus su'n bé lie'n, é buu sa nga bé yôô o ti kpa'n i akunndan, nan ya kle bé fluwa ke, nanh man bé di amuen su, nanh man bé di nnen mmôdya, ye nanh man bé di nnen ng'o wu i sa su'n, nanh man bé kunnde bla b'o ti'a bé yi'n, annze bian b'o ti'a bé wun'n.

Rɔmfuɛ Mun 14:14

Swran wunmuan bo min nin é Min Jésus é ti'n ti, n si wéiin kpa ke liké kwlaa nga bé ô le'n, bé wié fi ti'a liké te, sannge se swran kun bu liké kun ke o ti'a kpa'n, wuun o ti'a kpa i nyrun.

Rɔmfuɛ Mun 14:20

Nanh man é satyi liké nga Nyanmien yôli'n liké bo é di'n ti. Nanwle, liké kwlaa nga bé di'n ti kpa, sannge se swran kun di liké nan o satyi i niaan'n, wuun wa yô'a sa kpa.

Rɔmfuɛ Mun 14:6

Swran ng'o sié tyen kun man é Min'n, é Min'n i akunndan b'o bu'n ti ye o sié i soo. Ye swran ng'o di liké'n kwlaa'n, é Min'n i akunndan b'o bu'n ti ye o dio, afin o la Nyanmien asé. Swran ng'o di'a liké ngba'n é Min'n i akunndan b'o bu'n ti ye o yôé soo, i kusu la Nyanmien asé.

1 Korɛntfuɛ Mun 10:23

É kwla sa'n kwlaa yô, sannge liké ngba yô'a é wun sa yé, é kwla sa'n kwlaa yô, sannge nenh i ngba ye man swran yô swraan.

1 Korɛntfuɛ Mun 10:25

Liké kwlaa nga bé yô i ate guabô lo'n, an di, nanh an wusa nun, nan amun klun a titi'a amun,

1 Korɛntfuɛ Mun 10:26

afin é Min'n lie yele asie'n nin i su ninngé'n kwlaa.

1 Korɛntfuɛ Mun 10:30

?Se liké nga n di bo n si ke o fin Nyanmien'n, bo i ti n le i asé'n, nzu ti ye bé satyi n dunmaan?

1 Timote 4:3

Bé sé ke, nanh man bé dya bla nin bian, nanh man bé di liké nga Nyanmien yii bé, bo i waan, bé nga bé lafi i su bo bé si nanwle'n, bé le i asé nan bé di'n, bé ngba.