1 Timote 4:1 - Nyanmien nde Ufle

¹ Nyanmien Wawe'n ken i wéiin ke, tyen wié lélé ke men'n koh i bué nuan'n, swran wié'm bé su lafi'a Nyanmien su kun, béh fah liké nga mmusu bo bé laka swran'n bé klé'n su.

NYANMIƐN NDƐ'N 1998

¹ Nyanmiɛn Wawɛ'n kɛn i weiin kɛ, cɛn wie lele kɛ mɛn'n ´kɔ i bue nuan'n, sran wie'm be su lafi-man Nyanmiɛn su kun, be ´fa like nga mmusu bɔ be laka sran'n be kle'n su.

1 Timote 4:1 ပူးပေါင်းရင်းမြစ်များ

Matthieu 18:7

Men'n b'o man swran'm bé satyi'n, i yakô! Afin liké ng'o man swran'm bé ti nun satyi'n, san béh yôh, sannge swran ng'o yô i so sa lie'n, i yakô!

JÉSUS-CHRIST I DYASIN FE'N BO LUC KLELI'N 17:1

Ye Jésus séé i sonnzonfue'm bé ke: Liké ng'o man swran'm bé ti nun satyi'n, san béh yôh, sannge swran ng'o yô i so liké lie'n, i yakô!

Jean 16:13

Ke Nyanmien Wawe'n b'o ti Nanwlefue'n kô ba'n, oh kléh amun sa kwlaa ng'o ti nanwle'n, afin nde nga oh kanh'n, o su kpe'e i ti nun ye oh kaanh, sannge nde kwlaa ng'o tili'n ye oh kaanh, ye oh bôh sa nga bé wa ba'n su klé amun.

Sa nga bé yôli'n 13:2

Lé kun ke béh kpeh sre nun bo béh yôh asonun'n, Nyanmien Wawe'n séé bé ke: Anh fa Barnabas nin Saul man min, man bé di dyunman nga ti ye n flee bé'n.

Sa nga bé yôli'n 17:18

Fluwa sifue dandan wié'm bo bé fle bé épicurefue nin stoïquefue'n bé nin Paul kaan nde. Bé wié'm bé sé ke: ?Fiaifue nga i wannze? Ye wié'm bé sé ke: O su kan nvlé wié'm bé amuen nde. Sa ti bo bé ken i so'n yele ke o kan Jésus nde nin swran'm bé tyenle nde.

Sa nga bé yôli'n 20:23

Sannge klo kwlaa nga n dyu su'n, Nyanmien Wawe'n bô su klé n ke, se n dyu lo'n béh wlah n sua, nh wunh nyrennen.

Sa nga bé yôli'n 21:11

O faa Paul bô kplô'n, o fa tyii i bobo i dya nin i sa ye o sé ke: Nyanmien Wawe'n waan: Swran ng'o le kplô nga'n, ke Juif'm bé wa tyi ke nga sa Jérusalem lo, ye béh feh man bé bo bé ti'a Juif'n.

Sa nga bé yôli'n 28:25

Ke bé nuan a seman bo bé wa sanndi'n, o man Paul kan nde kpole kun ékun kléé bé, o sé ke: Nde nga Nyanmien Wawe'n man Nyanmien nuan idyofue Ésaïe kan kléé amun nannan mun'n, o ti nanwle,

1 Korɛntfuɛ Mun 10:20

Bé ti'a liké fi. Nanwle, nun nga bé fa so amuen'n, mmusu mun ye bé fa so béo, nanh Nyanmien ye bé fa so io. I so'n ti, n klô'a ke amun nin mmusu mun di.

1 Korɛntfuɛ Mun 11:19

afin san amun wun nun bubule so'n nun ye éh wunh swran nga bé ti kpa sakpa nion.

1 Korɛntfuɛ Mun 12:11

Wawe kunngba'n ye o fa liké so'n man bé kwlaa ke i klun klô'n sa ye man bé yôo.

1 Korɛntfuɛ Mun 2:10

É lie'n, Nyanmien man i Wawe'n yi liké so'n nglô kléli yé. Afin ke Nyanmien Wawe'n kunnde sa'n kwlaa bô'n, o si Nyanmien bobo i akunndan'n.

2 Korɛntfuɛ Mun 11:3

Sre kun min ke bé wa satyi amun ti nun, o man an su fa'a amun wla'n kwlaa gue'e Christ su kun, ke wuô i gble'n ti o laka Ève b'o nyenniin'n sa.

Kolɔsfuɛ Mun 2:18

Nanh man swran b'o klô ke bé bu i aénvuefue'n, b'o kôtô ange'm bé bô, b'o fe i aôlia nun ninngé b'o wunnin bé'n di i nuan'n, o dé amun liké kpa nga an nyenniin'n. Swran so'n ke o bu liké nga o si'n i akunndan'n o tu i wun, i wun tule so'n ti ngben.

2 Timote 3:13

Sannge swran nga bé klun yô wi bo bé ti gblefue'n, bé sa te nga bé yô'n i te'n oh trah laa lie'n, béh lakah swran mun ye béh lakah bé bobo bé wun.

2 Timote 4:4

Bé su sié'a bé su nanwle'n su kun, béh siéh bé su nde nga bé ti ke ngôwa sa'n bé su.

Jacques 3:15

I so ngwlele lie'n fi'an nyanmien su, o ti asie'n su wa lie, o ti klo swran lie, o fin mmusu'm bé si Satan.

1 Piɛr 1:20

Nyanmien dun mmua fe siéli i sin nan wa yi men'n, ye amun ti, ke ya dyu men'n i bué nuan'n, wa yii nglô.

2 Piɛr 2:1

Ke bé nga bé ton bé wun suen ke bé ti Nyanmien nuan idyofue'n bé traan swran'm bé nun'n, bé nga bé ton bé wun suen ke bé ti liké kléfue'n ke bé wa tran amun nun soo. Béh kléh amun liké nga bé ti atô, b'o satyi swran'n gble nun. Ke bé bu'a bé Min'n b'o kpo bé ti'n liké kun'n, o man béh kah le mlin.

2 Piɛr 3:3

Man an si kpa ke, tyen wié lélé ke men'n oh koh i bué nuan'n, swran wié'm béh bah, béh yôh sa nga bé klun klô'n, béh dih amun to,

1 Jean 2:18

Ba kanngan mun, ya dyu men'n i bué nuan. An tii i ke Christ Kpofue'n oh bah. Christ kpofue kpanngban ba ba, o man é si ke ya dyu men'n i bué nuan.

1 Jean 4:6

É lie'n é ti Nyanmien lie, o man swran ng'o si Nyanmien'n, o sié i su é nde'n su, sannge swran ng'o ti'e i lie'n, o sié'e i su é nde'n su. I so'n nun ye éh sih Nyanmien Wawe'n i nde'n b'o ti nanwle'n, nin nde ng'o ti'a nanwle nion.

Jude 1:18

Bé séé amun ke: Tyen wié lélé ke men'n oh koh i bué nuan'n, swran wié'm béh bah, béh dih amun to, Nyanmien bo bé srômen'n ti, béh yôh sa nga bé klun klô'n.

Jude 1:4

Afin swran wié mun bo bé srô'a Nyanmien'n ba'a wlu é nun blelele. Bé fa yé nga Nyanmien yôô bé'n kata bé nyin yô sa tete'n kwlaa, bé bu'a Jésus-Christ bo i kunngba ye o ti é Min'n nin é Liké Kléfue'n i liké fi. Swran so'm bé fo bule nde'n bé kle siéé le lalaa.

Sa nglô yile 13:14

O fa ayre nga bé man o yi bé nnen klikli lie'n i nyrun le'n, laka asie'n sufue mun. O sé bé ke bé yô nnen bo bé bô i kaka b'o dyasôli'n, i wunsu.

Sa nglô yile 16:14

Liké so'm bé ti asie usu, bé yi ayre. Bé ko asie'n su famien'n kwlaa bé sin, ke bé yia nan bé kun ale Nyanmien Kpli'n i tyen dan'n nun.

Sa nglô yile 18:2

O kpan sé ke: Babylone klo dan'n, wa satyi, wa satyi! Wa katyi asie usu'm bé tranwle, wa katyi mmusu nin anunman tété bo swran'm bé kpo bé'n bé sua,

Sa nglô yile 18:23

bé su wu'an ke kannin kpadya lo kun. Bé su ti'a bian nin bla bo bé su dya bé wun'n bé nen lo kun. Afin i su aata difue mun ye bé ti asie'n su aata difue dandan nion. I su baéfue'm bé lakalaka nvlénvlé'n kwlaa.

Sa nglô yile 19:20

Bé traa nnen'n, nin swran ng'o ton i wun suen ke o ti Nyanmien nuan idyofue b'o yii atre nnen'n i nyrun'n. I atre so'n ye o fa laka bé bo nnen'n i nzolie'n wô bé wun'n, nin bé nga bé kôtô nnen'n i wunsu bo bé yôli'n i bô nion. Bé traa bé nnyon'n bé gua bé sin dan bo soufre (*f26*) ô nun, b'o dyué'n nun.

Sa nglô yile 2:11

Swran ng'o si fa sié'n, mon o tié nde nga Nyanmien Wawe'n kan klé asonun mun'n! Swran ng'o kwla'n, o su wu'a kpe nnyon wié.

Sa nglô yile 2:17

Swran ng'o si fa sié'n, mon o tié nde nga Nyanmien Wawe'n kan klé asonun mun'n! Swran ng'o kwla'n, nh fah manne (*f29*) bo bé wunmen'n men. Ye nh fah yebue ufué kun bo bé klee dunman ufle kun su'n men. Swran fi si'a dunman so'n, san swran nga bé fa men'n ye o si io.

Sa nglô yile 2:29

Swran ng'o si fa sié'n, mon o tié nde nga Nyanmien Wawe'n kan klé asonun mun'n!

Sa nglô yile 2:7

Swran ng'o si fa sié'n, mon o tié nde nga Nyanmien Wawe'n kan klé asonun mun'n. Swran ng'o kwla'n, m man oh dih waka b'o man nguan b'o ô Nyanmien fié'n su lo'n i mma.

Sa nglô yile 20:10

Bé tôô mmusu'm bé si Satan b'o lakalaka bé'n yii sin dan nin soufre (*f26*), bo nnen dan'n nin swran ng'o ton i wun suen ke o ti Nyanmien nuan idyofue'n bé ô lo'n, nun. Béh wunh bé nyrun wia nun nin kongue tititi.

Sa nglô yile 20:8

Oh kôh lakalaka nvlénvlé'n kwlaa, oh yiayiah bé kwlaa ke bé wa kun ale. Bé fle bé Gog nin Magog, bé soon ke dyénvié aunnyan'n sa.

Sa nglô yile 3:13

Swran ng'o si fa sié'n, mon o tié nde nga Nyanmien Wawe'n kan klé asonun mun'n!

Sa nglô yile 3:22

Swran ng'o si fa sié'n, mon o tié nde nga Nyanmien Wawe'n kan klé asonun mun'n!

Sa nglô yile 3:6

Swran ng'o si fa sié'n, mon o tié nde nga Nyanmien Wawe'n kan klé asonun mun'n!

Sa nglô yile 9:20

Swran nga liké srôésrôé so'n ba ku'an bé'n, ba katyi'a bé nzuen'n, ba yatyi'a liké nga bé bobo bé yôli'n bé sole. Bé so mmusu, nin amuen bo bé fa sika okwle, nin dyete ufué, nin aaba, nin yebue, nin waka bé fa yô'n. Liké so'n bé wu'an asé, bé ti'a sa, bé kwla nantiman.