1 Timote 3:7 - Nyanmien nde Ufle

⁷ Mon o yô swran bo bé nga bé ti'a Christfue'n bé bô i dunman kpa nan ba ke'en i wun nde, nan wa to'a aya nga mmusu'm bé si Satan'n suali'n nun.

NYANMIƐN NDƐ'N 1998

⁷ Man ɔ yo sran bɔ be nga be ti-man Kristfuɛ'n be bo i dunman kpa nan b'a kɛn-mɛn i wun ndɛ, nan ɔ'a tɔ-man aya nga mmusu'm bé si Satan'n suali'n nun.

1 Timote 3:7 ပူးပေါင်းရင်းမြစ်များ

Marc 4:11

O sé bé ke: Amun ye bé yi Nyanmien siéle'n i wun akunndan bo swran wu'en i wle'n, i nglô kléé amuon, sannge bé nga bé ti'a é lie'n, bé lie'n kwlaa sin nyanndra nun

Sa nga bé yôli'n 10:22

Bé sé i ke: Nyanmien i ange kun séé Corneille sôndya ya sukpen'n b'o ô Césarée lo'n ke o fle o, nan a bla, a wa kan nde wié kléé. O ti swran nanwlefue b'o srô Nyanmien, Juif nvlé'n kwlaa nun bé bô i dunman kpa.

Sa nga bé yôli'n 22:12

Bian kun ô klo so'n su, bé fle i Ananias, o srô Nyanmien kpa, o fa mmla'n su, Juif kwlaa nga bé ô le'n bé bô i dunman kpa.

Sa nga bé yôli'n 6:3

I so'n ti, nnya mun, anh kpa amun nun swran nsô bo bé bô bé dunman kpa, bo Nyanmien Wawe'n sié bé, bo bé si ngwlele kpa'n, man é fa dyunman so'n man bé.

1 Korɛntfuɛ Mun 10:32

Nanh an satyi Grec nin Juif min, nin Nyanmien i Asonun'n.

1 Korɛntfuɛ Mun 5:12

?O yô se ye min nde kô tran bé bo bé nin é ti'a kun'n bé nde nuon? ?Nanh bé bo bé nin é ti kun'n ye amun nde tran bé nde nun nion?

2 Korɛntfuɛ Mun 6:3

É klô'a ke swran fi kan é dyunman'n i wun nde, i so'n ti, é yô'a sa fi b'o satyi swran ti nuon.

2 Korɛntfuɛ Mun 8:21

Nanh liké nga é Min'n i nyrun o ti nanwle'n i ngunmin ye é yôo, sannge é yô ng'o ti nanwle swran'm bé nyrun'n kusu wié.

Kolɔsfuɛ Mun 4:5

Liké nga an yô man bé bo bé ti'a Christfue'n, anh fa ngwlele yô. Ke amuan nyan amun ti'n, nanh an tran le ngben, anh yô liké ng'o yô sa yé'n.

1 Tɛsalonikfuɛ Mun 4:12

Se an yô so'n, bé nga bé ti'a Christfue'n béh buh amun swran ye liké fi su mia'an amun sa.

1 Tɛsalonikfuɛ Mun 5:22

anh nian amun wun sa tete'n kwlaa bé lika.

1 Timote 3:6

Nanh mon o yô swran b'o fe i wun man Nyanmien o nian tyeman, se o yô so'n, o tyeman nan wa tu i wun, nan fo bule kunngba nga bé buu mmusu'm bé si Satan'n ba bu i wié.

1 Timote 5:14

I so'n ti, man bé nga bé te yô talua'n bé dya bian, bé wu ba, bé nian bé awlô'n su, nan é kpofue'm bé kwla satyi a é wun.

1 Timote 6:9

Sannge bé nga bé klô ke béh nyanh bé wun'n, lakafue'n laka bé. Ninngé ngbenngben bo bé kônvi so bé'n nin bé nyin b'o blô ninngé tete kpanngban b'o satyi swran b'o man bé agualie'n gua'a bé kpa'n, bé su'n, o katyi ke aya sa, bé to nun o tra bé.

2 Timote 2:26

O man bé nyin tih, béh flôh aya nga mmusu'm bé si Satan suali b'o traa bé b'o man bé yô i klun sa'n nun.

Tite 2:5

bé yô sa i nuan su, nanh man bé yô sa sukusuku, man bé yô awlô bla kpa, man bé yô klun-ufuéfue, nanh man bé fa bé nyin wlawla bé wun mun, man bé bu bé swran, nan swran fi a sé'a ke Nyanmien nde'n ti'a kpa.

Tite 2:8

Kan nde ng'o ti kpa'n nan swran fi a sé'a ke nde nga a kan'n ti te, nan o kpofue'm bé nyin gua asé, afin bé su wu'an é wun nde fi kanman.

3 Jean 1:12

Swran'n kwlaa bé bô Démétrius dunman kpa, kannze swran a kenmen bobo'n, bé wun ke o ti nanwlefue. É kusu é bô i dunman kpa, ye a si ke i nde nga é kan'n ti nanwle.