1 Timote 3:16 - Nyanmien nde Ufle

¹⁶ Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

NYANMIƐN NDƐ'N 1998

¹⁶ Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

1 Timote 3:16 ပူးပေါင်းရင်းမြစ်များ

Matthieu 1:23

«Anh nian, talua b'o nian si'a bian'n o wa wunnze, oh wu ba yasua, Béh tonh i dunman Emmanuel,» bo i bô klé ke Nyanmien nin é ô nun.

Matthieu 13:11

Jésus sé bé ke: Amun ye bé yi Nyanmien siéle'n i wun akunndan bo swran wu'en i wle'n, i nglô kléé amuon, sannge bé nga'm bé lie'n, ba sié'e so.

Matthieu 28:2

Kpekuun asie'n kédyéé dan kpa, afin é Min Nyanmien i ange kun fin nyanmien su lo dyrali, o kôndôô yebue bo bé fa nyin ndia i anuan'n, o traan su.

Matthieu 3:16

Ke bé yôô Jésus baptême b'o fin nzué'n nun fitéé tye'n, kpekuun nyanmien su lo su ti muaan, o wuun Nyanmien Wawe'n o dyra ba ke aublé sa, o wa treen i su.

Matthieu 4:11

Ye mmusu'm bé si Satan yatyii i nuon, nan ange'm ba be i sule.

Marc 1:13

O dii lé ablanan blô lo, Satan (*f6*) kô lekeleke. O nin blô nnen mun ye bé ô loo, ye ange'm bé sui.

Marc 16:19

Ke é Min'n kan nde so'n kléé bé'n, Nyanmien meen i su oo nyanmien su lo, o traan asé i fama su.

Marc 16:5

Ke bé wlu ndia'n nun'n, bé wuun gbanflen kun bo trale ufué tennden ô i wun, o ti asé fama su le. O man sre kuun bé.

JÉSUS-CHRIST I DYASIN FE'N BO LUC KLELI'N 2:32

«O ti ke wia'n sa, o wa kpadya nvlé bo bé ti'a Juif'n, bé nyrun,» Ye o ti o swran Israël'm bé anyrunnyan liké.

JÉSUS-CHRIST I DYASIN FE'N BO LUC KLELI'N 20:44

O man David bobo flee Nannan. ?O yô se ye man o kô yô i anunmaan?

JÉSUS-CHRIST I DYASIN FE'N BO LUC KLELI'N 22:43

[Ye ange kun fin nyanmien su lo o wa wle i fanngaan.

JÉSUS-CHRIST I DYASIN FE'N BO LUC KLELI'N 24:4

Ke bé wu'an sa so'n i wun akunndan buwle'n, béh niaanh… swran nnyon bo bé wun trale'n ti nyennyen kpa'n, bé ye bé dyin bé wun le ye'n.

JÉSUS-CHRIST I DYASIN FE'N BO LUC KLELI'N 24:51

Ke oh yreh i nuan so'n, wuun o nin bé su ti nun, [ye Nyanmien men i su oo nyanmien su loo.]

Jean 1:14

Nde so'n katyii i wun swran, o nin é wa trannin, o ti aklunyéfue nin nanwlefue. É nieen i anyrunnyan'n, o ti anyrunnyan bo se Ba b'o ti kunngba'n i Si meon o ti su.

Jean 13:3

Jésus bobo si wéiin ke i Si faa liké'n kwlaa wle i sa nun, o si ke o fin i Si Nyanmien wun lo, ye o su wa ko lo ékun.

Jean 15:26

Swran ng'o wa uka amun'n oh bah, yele Nyanmien Wawe'n b'o ti Nanwlefue b'o fin é Si Nyanmien wun lo'n. Nh feh ble amun é Si dunman nun. Ke o kô ba'n, oh kanh min nde klé amun.

Jean 16:28

N fi é Si'n wun lo ye m balio. Sien'n n su dyaô men nga nun nh koh i wun lo ékun.

Jean 17:5

I so'n ti sien'n, n Si, nyrun nga ke n wô o wun lo'n n le'n nan w'a yi men'n, man n nyan nyrun kunngba so'n o wun lo ékun.

Jean 20:12

Oh niaanh… ange nnyon ye, tannin ufué ô bé wun! Bé ti kan Jésus fuen'n laa le'n, kun ti i ti lika lo ye kun ti i dya ngua lo.

Jean 6:62

?Se an wun ke m bo n katyii Swran'n n su fu kan n wô lo laa'n, amunh yôh amun wun se?

Sa nga bé yôli'n 1:19

Jérusalemfue'n kwlaa bé sii sa so'n nun, o man bé fle asie so'n bé anien'n nun ke Hakeldamah bo i bô yele mmôdya asie.

Sa nga bé yôli'n 10:34

Ye Pierre kusu séé ke: Nanwle, man wun i wle ke Nyanmien lie'n, o kpa'a swran nun,

Sa nga bé yôli'n 14:27

Ke bé dyuu lo'n, bé yiaa asonunfue mun, bé kan sa kwlaa nga Nyanmien yô maan bé'n, o nin ke o yôli b'o man bé nga bé ti'a Juif'n bé lafi Jésus su wié'n kléé bé.

Sa nga bé yôli'n 20:28

I so'n ti, anh nian amun bobo amun wun kpa, ye anh nian bua fa nga Nyanmien Wawe'n fa amun siéé bé su'n bé su kpa, ye anh ta Nyanmien i Asonun'n b'o fe i bobo wa'n tôli'n.

Rɔmfuɛ Mun 10:12

Yele ke o le'a Juif, o le'a Grec, bé kwlaa bé Min'n ti kun, o fe i ninngé kpakpa'n man bé kwlaa nga bé bô flee'n,

Rɔmfuɛ Mun 10:18

N sé ke yiô: ?Ba timan? Bé tilii kpa, afin bé klee ke: «Bé kaan nde lika'n kwlaa, Ye bé tii bé nde'n men wunmuan'n nun.»

Rɔmfuɛ Mun 16:25

Nyanmien Kpli kwla ô! Afin n dyasin fe'n nin Jésus-Christ i nde bo n kan'n, nin sa nga Nyanmien yi'e i nglô klé'a é laa bo sien'n ya wun i wle'n ti, o man an kwla dyran kéklé. Ke o fin men'n i bôbôle nun'n, Nyanmien fiaa sa so'n su,

Rɔmfuɛ Mun 16:26

sannge sien'n, fluwa nga i nuan idyofue'm bé kleli'n man ya wun i wle wéiin. Anannganman Nyanmien siéli i so nan bé kwlaa nga bé ti'a Juif'n bé lafi i su ye bé nyin yii.

Rɔmfuɛ Mun 3:4

O su yô'a so mlonmlon! Kannze swran kwlaa bé yô atôfue'n, sannge Nyanmien lie'n, san nanwle ye o dio! Afin bé klee ke: «Ke a kan nde'n, béh wunh ke o nde'n yô fe, Ye ke bé di o dyole'n, o nde'n kwlah bé.»

Rɔmfuɛ Mun 8:3

Liké nga Moïse mmla'n kwle'e i yô'n klo swran i nzuen'n ti'n, Nyanmien bobo yôli. Ke o man i bobo Wa'n katyi ke klo swran b'o yô sa te'n sa, b'o sunmenniin ke o yô te nnen'n, o klé ke sa te b'o ti klo swran nzuen'n ti te, o man se o wié'n, o ti su.

Rɔmfuɛ Mun 9:5

Bé ti é nannan'm bé anunman, Christ kusu ke o katyii swran'n, ôsu so'n nun ye o balio. I ye o ti Nyanmien b'o sié liké'n kwlaaa, bé bô i dunman titi. Mon o yô so!

1 Korɛntfuɛ Mun 15:47

Fa ye Nyanmien fa yii swran klikli nion, o man o ti asie'n su wafue. Swran nnyon su'n fin nyanmien su lo.

1 Korɛntfuɛ Mun 2:7

Nyanmien i ngwlele b'o yi'e i nglô b'o fiee swran'm bé nyrun, b'o dun mmua sié maan é ke o ba é nyrun nyan ka nan wa yi men'n, i nde ye é kaan.

2 Korɛntfuɛ Mun 1:19

Afin Nyanmien Wa Christ-Jésus bo min nin Sylvain, nin Timothée é ken i nde kléé amun'n, o ti'a nuan nun nnyonnyon difue, o di nanwle.

Galasifuɛ Mun 2:8

Swran ng'o siéé Pierre ke o sunmen bé nga bé wla klen'n bé sin'n, i kunngba'n ye o sunmaan min bé nga bé ti'a Juif'n bé sion.

Galasifuɛ Mun 4:4

Sannge ke ble nga Nyanmien siéli'n dyuli'n, o sunmeen i Wa'n, bla kun wulii, o di mmla'n su.

Efɛzfuɛ Mun 1:9

o man é si i klun sa b'o fiee swran'm bé nyrun'n o nin sa klaan nga i waan Christ yô man yé'n.

Efɛzfuɛ Mun 6:19

Ye anh sre i ékun ke, ke n wuké n nuan'n, o klé min nde nga n kaan o ti su'n, nan n yi dyasin fe'n b'o fiee swran'm bé nyrun'n i nglô klé bé wéiin yakpa su,

Kolɔsfuɛ Mun 1:23

Se an dyran kéklé bo an lafi Christ su kpa, bo an yatyi'a liké nga ke an tii dyasin fe'n an fa amun wla gua su'n, ye amunh yôh soo. Dyasin fe so'n ye bé kan kléé asie'n sufue'n kwlaa, bo m Paul man fa katyi n dyunman n di nion.

Kolɔsfuɛ Mun 1:27

Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

Kolɔsfuɛ Mun 1:6

Dyasin fe'n tru, o yô swran'm bé kpa men wunmuan'n nun, amun kusu, ke o fin tyen nga an tili yé nga Nyanmien yô swran mun'n bo an wuun i wafa ng'o ti'n i wle sakpa'n, ke o yôô amun soo.

Kolɔsfuɛ Mun 2:2

M mian min nyin nan an tra amun awlen, ye klôle bo an klô amun wun'n ti amun bô yô kun, ye an si ngwlele kpa b'o man amunh wunh sa wle wéiin nan an si liké nga Nyanmien fiee swran'm bé nyrun'n, liké so'n yele Christ!

2 Tɛsalonikfuɛ Mun 1:10

Ke oh bah bo bé nga bé ti i lie'n béh menmenh b'oh bôh bé nga bé kô lafi i su'n bé nuan'n, amun nga an lafii nde nga é kannin'n su'n, amunh tranh bé nun wié. Tyen so'n nun ye oh tuh bé fo so nion.

2 Tɛsalonikfuɛ Mun 2:7

Afin liké ng'o wlawla swran mun ke bé dyaô Nyanmien nin swran'm bé wun'n, o su di i dyunman nvialie nun, lélé san Swran ng'o tre i asé'n wa dyaô le.

1 Timote 3:9

man bé yô swran bo bé nzuen kpa'n ti bé klun titiman bé, b'o man bé fa Nyanmien i sulafile nde b'o yii nglô'n su kpa.

Hébreu 1:3

I ye o man é wun Nyanmien b'o yi i wun nglô nyannyannyan nion, o fa Nyanmien Kpli'n i wafa kwlaa ng'o ti'n, i nuan nun nde'n ye man ninngé'n kwlaa ô leo. Ke o yôli bo swran'm bé wun sa'n wiéli'n, o kô traan Nyanmien Kpli b'o ti Wléngbi'n i fama su nyanmien su lo.

Hébreu 12:2

Man é kpe é nyin nian Jésus, é Nyanmien sulafile'n fiin, i ye man é lafi i su lélé gue i ti nin i bôo. Ke o bu i klun b'o wa dyo'n i akunndan'n, o kplin su man bé kuin waka'n su, wa bu'e i nyin asé guale'n liké fi, nan wa kô tran Nyanmien bia'n i fama su.

Hébreu 7:7

Se swran ng'o le nyrun'n o yra ng'o le'a nyrun'n i nguan'n, akplôwa nu'an su.

Hébreu 8:1

Anh nian nde nga é kan'n i nun nanndôlie'n ye: é le Nyanmien nyrun dyranfue dan kun b'o ti Nyanmien Kpli b'o ti Wléngbi'n i bia'n i fama su nyanmien su lo.

1 Piɛr 1:12

Nyanmien kan kléé bé ke i nde ng'o fa wla bé nuan ke bé kan'n o ti'a bé bobo bé lie, sannge amun lieo. Bé nga bé kan dyasin fe'n Nyanmien Wawe'n b'o sunmenniin'n i fanngan nun'n, nde so'n ye bé kan kléé amun ye'n. Ange'm bé bobo bé klô ke béh wunh sa so'm bé wle.

1 Piɛr 1:20

Nyanmien dun mmua fe siéli i sin nan wa yi men'n, ye amun ti, ke ya dyu men'n i bué nuan'n, wa yii nglô.

1 Piɛr 1:21

I ti ye amuan lafi Nyanmien b'o tyenniin'n, b'o man o nyaan nyrun'n i suo, o man Nyanmien su ye amuan lafio, i su ye amuan fa amun wla'n ba guaa.

1 Piɛr 3:18

Amun ti te ye Christ fe i wun yilio. O yôé kpe kunngba o su yô'e kun. I b'o ti swran kpa'n, sa te yôfue'm bé ti o wuli, nan oh fah amun man Nyanmien. Bé kunniin, sannge Nyanmien Wawe'n tyenniin.

1 Piɛr 3:22

O oo nyanmien su lo, o ô Nyanmien i sa fama su, o sié ange, nin lo kpenngben, nin bé ngbléwangbléwa mun.

1 Jean 1:2

Ke i bo bé flee Nguan'n o yii i wun nglô'n, é wunniin, o man é ken i nde, ye é ken i bo bé fle i Anannganman Nguan so'n, b'o ô é Si'n i wun lo, b'o yi i wun nglô kléé yé'n, i nde klé amun.

1 Jean 3:5

Afin an si ke Christ baa sa te'n i nuan nnya bule, ye sa te kaan sa bo'en i wun.

1 Jean 3:8

Swran ng'o yô sa te'n, o ti mmusu'm bé si Satan'n i lie, afin ke o fin i bôbôle nun'n, mmusu'm bé si Satan'n ti sa te yôfue. Nyanmien Wa'n baa sa nga mmusu'm bé si Satan'n yô'n i nuan nnya bule.

Sa nglô yile 17:5

Bé kle dunman kun bo bé si'e i bô'n i ngban su. Bé klee ke: Babylone klo dan, téklé bla'm bé nin asie'n su tété sa yôfue'm bé nin.

Sa nglô yile 17:7

Ye ange'n wusa n ke: ?O yô se ti ye o bô o nuaan? M ma klé o bla'n nin nnen'n b'o ti su'n bo i ti'n ti nsô, i wue blu'n, bé liké bo swran sié i bô'n i bô.

Sa nglô yile 7:9

I sin, n niaan lo ékun, n wuun swran kpanngban kpa, swran fi kwla ka'a bé, swran bo bé fin menmen'n kwlaa nin nvlénvlé'n kwlaa nun, nin swran wafawafa'n kwlaa nin bé bo bé anien'n ti wafawafa'n kwlaa. Bé dyindyin bia'n nin Bua Gbanflen'n bé nyrun le, trale ufué ô bé wun, ye mmé nnya ô bé sa nun.