1 Timote 3:15 - Nyanmien nde Ufle

¹⁵ Sannge se man kwla oman ityra'n, fluwa nga nun nde'n man ah sih sa nga an yôéh Nyanmien i awlô'n nun'n. Awlô so'n yele Anannganman Nyanmien i Asonun'n. Se nanwle'n ti sua'n, wuun Asonun'n ti i kuatren nin i kôfiadya.

NYANMIƐN NDƐ'N 1998

¹⁵ Sanngɛ sɛ m'an kwla ɔ-man icra'n, fluwa nga nun ndɛ'n ɔ ´yo man a ´si sa nga a ´yo i Nyanmiɛn i awlo'n nun'n. Awlo sɔ'n yɛlɛ Nyanmiɛn b'ɔ lafi-man'n i Asɔnun'n. Sɛ nanwlɛ'n ti sua'n, wuun Asɔnun'n ti i kuatrɛn nin i kofiaja.

1 Timote 3:15 ပူးပေါင်းရင်းမြစ်များ

Matthieu 16:16

Simon Pierre sé ke: A ti Christ, Anannganman Nyanmien'n i Wa.

Matthieu 18:18

Nanwle, liké kwlaa nga an kô tanniin asie'n su wa'n, béh tanniinh nyanmien su lo, ye liké kwlaa nga an kô men i wun atin asie'n su wa'n, béh menh i wun atin nyanmien su lo.

Jean 1:17

Moïse ye Nyanmien man o fa mmla'n maan yéo, Jésus-Christ kusu ye o fa yé yôle'n nin nanwle'n balio.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Jean 18:37

O man Pilate use i ke: ?O man a ti famien? Jésus sé i ke: Ye o nuan ô su leo, n ti famien. Nian sa ti bo bé wu min'n, nian sa ti bo m baa men nun'n ye, m baa ke n kan nde ng'o ti nanwle'n klé swran mun. Swran kwlaa ng'o si nanwle'n, o ti nde nga n kan'n.

Jean 6:69

É lafi su ye é si ke a ti Nyanmien i Swran.

Sa nga bé yôli'n 1:2

lélé fa dyu tyen nga Nyanmien men i su fa oo nyanmien su lo'n. Jésus man Nyanmien Wawe'n dun mmua kléé bé b'o faa bé b'o sunmaan bé'n, liké nga bé yô'n, nan wa o.

Sa nga bé yôli'n 14:15

?Nnya mun, nzu ti ye an yô soo? Nanh an so é, é kusu é ti swran ke amun sa, ye é su bô dyasin fe'n klé amun nan an yatyi liké ngbenngben nga'm bé yôle, an kpe amun nyin Anannganman Nyanmien b'o yii nglô nin asie, nin dyénvié'n, ye liké kwlaa b'o ô men'n nun'n i wun.

Rɔmfuɛ Mun 3:2

Liké'n kwlaa nun nga bé nyen'n tra swran wié'm bé lie'n. Afin bé ye Nyanmien fe i nde'n maan béo.

Rɔmfuɛ Mun 9:26

Lika nga n séé lofue'm bé ke: An ti'a n swran'n, Béh fleh lofue mun Anannganman Nyanmien mma mun.»

1 Korɛntfuɛ Mun 10:32

Nanh an satyi Grec nin Juif min, nin Nyanmien i Asonun'n.

1 Korɛntfuɛ Mun 3:16

?An si'a ke an ti Nyanmien Kpli'n i sua bo i nun ye i Wawe'n traan?

2 Korɛntfuɛ Mun 3:3

Bé wun ke an ti fluwa bo Christ kle fa sunmaan é. Wa fa'a crayon a klemen yebue paplapa wié su, sannge o fa Anannganman Nyanmien Wawe'n ye o fa klee swran'm bé awlen'n nuon.

2 Korɛntfuɛ Mun 6:16

?Bé kwla fa sua kun yô Nyanmien nin amuen'm bé sua? Afin é ti Anannganman Nyanmien'n i sua, afin Nyanmien bobo waan: «Min nin bé éh tranh, éh sanh nun, Nh yôh bé Nyanmien, ye bé kusu béh yôh n swran.»

2 Korɛntfuɛ Mun 6:7

é kan nde b'o ti nanwle, sa nga é yô'n é yôé Nyanmien fanngan nun. Nanwle dile'n ye o ti é ale liké bo é fa kun ale ye é fa kpli é tio.

Galasifuɛ Mun 2:9

Ke Jacques nin Céphas nin Jean bo bé tra Asonun'n nun'n bé wuun ke Nyanmien bu n swran o fa min siéé dyunman so'n su'n, bé sunmaan min nin Barnabas é nun, o man é wuun ke é nen see su ke é o bé nga bé ti'a Juif'n bé sin, ye bé kusu béh koh bé nga bé wla klen'n bé sin.

Galasifuɛ Mun 3:1

Galatiefue sinnglinfue mun! ?Amun bo bé kaan Jésus-Christ i wule nde'n wéiin klé amun b'o man o yô ke o yôli amun nyrun sa'n, wan ye o wa lakaa amuon?

Efɛzfuɛ Mun 4:21

Afin nanwle, an tii Jésus nde bo bé kan'n, ye swran wunmuan bo amun nin i katyili'n ti, bé kléé amun nanwle nde ng'o kléli'n.

Kolɔsfuɛ Mun 1:5

Ke an tii dyasin fe'n b'o ti nanwle'n klikli'n, bé kan liké nga bé siéé nyanmien su lo sié amun'n i nde kléé amun. Amun wla b'o ô su'n ti ye an lafi su, ye an klô Nyanmien swran muon.

1 Tɛsalonikfuɛ Mun 1:9

Ke é oo amun wun lo'n, nun sole nga an fa soo yé'n, swran'n kwlaa bé ken i nde. Bé sé ke an yatyii amuen mun, an fa amun wun maan Anannganman Nyanmien Kpli b'o ti nanwlefue'n,

1 Timote 3:14

Fluwa nga nh kleh ble o ye'n, o ô n klun ke o tye kan'n nh koh o wun lo.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

1 Timote 3:2

Sannge i so swran lie'n, mon o yô swran bo bé kwla satyi'e i wun kaan sa, bo i yi ti kun, b'o nien i wun su kpa, b'o si ngwlele, b'o yô sa i nuen su, b'o ti aklunyéfue, b'o si liké klé.

1 Timote 3:5

?Afin se swran kun sié i bobo i awlô'n su nian'n, oh yôh se ye oh kwlah nian Nyanmien i asonun'n suo?

1 Timote 4:10

É di dyunman é fe lélé, afin é fa é wla guee Anannganman Nyanmien b'o ti swran kwlaa bé Défue'n i su, sannge bé nga bé lafi i su'n, bé lie yele i bô'n.

1 Timote 6:16

I kunngba tye ye o wumaan, o tran lika b'o kpadya nyannyannyan bo swran fi kwla mentenmen'n nun. Swran fi nian wu'en lé, ye bé kwla wunmen. Man bé menmen ye bé si ke o ti kwlafue tititi. Mon o yô so.

2 Timote 2:19

Sannge Nyanmien i sua'n i bô asé b'o wlali'n o dyran kéklé, bé klee su ke: «É Min'n si bé ti i lie'n,» ye: Swran kwlaa nga i waan o ti é Min'n i lie'n, mon o yatyi sa te yôle'n.

2 Timote 2:20

Awlô dan kun nun nanh sika okwle nin dyete ufué se ngunmin ye bé ô nuan, sannge bé fa waka se liké'n wié ye bé fa ufa wu liké'n wié. Bé sié wié fa di bé tyen, bé fa wié yô liké kwlaa nga bé klô'n.

Hébreu 10:21

É le Nyanmien nyrun dyranfue dan kun bo bé fe siéé Nyanmien i awlô'n su.

Hébreu 12:22

Sannge an baa Sion Ôka'n i bô, an baa nyanmien su Jérusalem b'o ti Anannganman Nyanmien'n i klô'n bo ange akpiakpi bé ô su'n su.

Hébreu 3:12

Aniaan mun, i so'n ti anh nian amun wun, nanh man amun nun wié i awlen'n yô te, ye o yô ke o lafi'a Nyanmien su, b'o man o yatyi Anannganman Nyanmien nion.

Hébreu 9:14

Se o ti so'n, Christ kwla fe i mmôdya lie'n kusu yô liké b'o tra wun asô bôle'n fatifati! Ke o ti aôlia nun swran b'o ti anannganman'n ti'n, o fe i bobo bo fien kaan nu'en i wun'n maan Nyanmien. O man liké nga bé yô'a liké fi yé bo é yô bé man é klun titi yé'n, oh wiéh nan é kwla su Anannganman Nyanmien'n!

1 Piɛr 2:5

Amun kusu, an ti ke yebue b'o ô le tititi'n sa, man bé fa amun wla Nyanmien sua bo i Wawe'n kplan'n nun wié, ye amunh katyih Nyanmien nyrun dyranfue, bo i Wawe'n man amunh soeh wafa ufle su. Jésus-Christ ti, i sole so'n oh dyoh i klun.

1 Piɛr 4:17

Tyen nga béh bôh dyole dile'n bô'n wa dyu, béh bôh i bô Nyanmien bobo i awlô'n nun. ?Se é su ye béh bôh i bô'n, bé nga ba fa'a Nyanmien dyasin fe'n su'n, bé lie'n yôh se?

Sa nglô yile 7:2

Ye n wuun ange kun ékun, o fité wia afilie lo, Anannganman Nyanmien i liké b'o fa sié liké'm bé nzolie'n wô i sa nun. O kpan sé ange nga bé sié bé ke bé satyi asie'n nin dyénvié'n bé ke: