1 Timote 3:13 - Nyanmien nde Ufle

¹³ Afin bé nga bé di bé dyunman'n kpa'n, béh nyanh komin o man béh kwlah kan Nyanmien su bo é lafi swran wunmuan bo é nin Christ-Jésus ya yô'n ti, i nde'n yakpa su.

NYANMIƐN NDƐ'N 1998

¹³ Afin be nga be di be junman'n kpa'n, be ´nyan kɔmin, ɔ man be ´kwla kan Nyanmiɛn su bɔ e lafi nin sran wunmuan bɔ e nin Krist-Jésus y'a yo'n i ndɛ'n yakpa su.

1 Timote 3:13 ပူးပေါင်းရင်းမြစ်များ

Matthieu 20:28

Ke m bo n katyii Swran'n m bale'n ke o ti soo, afin man baman ke bé su min, sannge m baa ke n su swran, nan n fa min wun kpo swran sunman bé ti.

Matthieu 25:21

I min'n sé i ke: O ti kpa. A ti swran kpa, a ti nanwlefue, liké kaan nga n fa mannin wo'n, a yôli i kpa, i so'n ti, n kusu nh foh o sié liké dan su. Bla man é ablé.

JÉSUS-CHRIST I DYASIN FE'N BO LUC KLELI'N 19:17

Ye o sé i ke: O ti kpa, a ti swran kpa, liké kaan nga m maan wo bo a yôli i kpa'n ti, mh manh o klo blu nan a sié bé.

Sa nga bé yôli'n 21:35

Ke Paul fuu escalier'n su tye'n, ye sôndya'm bé men i su fa olio, swran'm bé sanngbanle bo ba sanngban'n ti.

Sa nga bé yôli'n 6:15

Dyole difue'n kwlaa bo bé ti le'n bé nieen siin, i nyrun'n katyii bé nyrun ke ange'm bé lie'n sa.

Sa nga bé yôli'n 6:5

Nde so'n yôô swran'n kwlaa bé fe. Bé kpaa Étienne b'o lafi Jésus su kpa bo Nyanmien Wawe'n siéé'n, nin Philippe, nin Prochore, nin Nicanor, nin Timon, nin Parménas, ye Nicolas b'o fin Antioche b'o katyii Juif'n.

Sa nga bé yôli'n 6:8

Nyanmien man Étienne yôô klun-ufuéfue kpa ye o tinniin. Ke oh yôh abônuan sa b'oh yih atre'n, o yô swran'm bé yé.

1 Korɛntfuɛ Mun 16:15

An si ke Stéphanas nin i awlôfue mun ye bé ti Christfue klikli Achaïe asa'n su loo, ye Nyanmien mma'm bé lika nianle'n mian bé kpa. Aniaan mun, nh sreh amun kpa ke

Filipfuɛ Mun 1:14

Ke é niaan'm bé nun louun kpa bé tii i ke n wô bisua'n nun'n, bé fa bé wla gua é Min'n su kpa tra laa'n, o man bé tra bé awlen bé kan Nyanmien nde'n, sre ku'an bé.

1 Tɛsalonikfuɛ Mun 2:2

An si ke bé kléé é nyrennen, bé yôô é finfin Philippes lo. Ke é dyuu amun wun lo'n, é fee dan kpa ékun, sannge Nyanmien man é tra é awlen é ken i dyasin fe'n klé amun.

1 Timote 3:14

Fluwa nga nh kleh ble o ye'n, o ô n klun ke o tye kan'n nh koh o wun lo.

2 Timote 2:1

I so'n ti, o lie'n, n wa, yé nga ké nin Christ-Jésus é katyii swran wunmuan'n o yôô yé'n ti, dyran kéklé.

Hébreu 6:10

Afin Nyanmien yô'a sa b'o ti'e i su, i wla fi'a dyunman nga an dili nin klôle nga an fa klôé b'o man an yôli i swran'm bé yé, bo an te yô'n su.