1 Timote 2:8 - Nyanmien nde Ufle

⁸ I so'n ti, n klô ke yasua bo sa te kaan sa, nin ya, nin akunndan te nu'an bé klun'n, lika kwlaa nga bé wô'n, bé man bé sa su bé kôkô yale klé Nyanmien.

NYANMIƐN NDƐ'N 1998

⁸ I sɔ'n ti, yasua bɔ sa tɛ kaan sa, nin ya, ɔ nin akunndan tɛ nun-man be klun'n, lika kwlaa nga be wo'n, n klo kɛ be man bé sa'm be su be koko yalɛ kle Nyanmiɛn.

1 Timote 2:8 ပူးပေါင်းရင်းမြစ်များ

Matthieu 21:21

Nanwle, se an lafi Nyanmien su bo amun awlen'n ti'a nnyonnyon'n, nanh ke liké nga n yôô aloma nga kunngba ye amunh yôoh, sannge se an sé ôka ng'o ô ye'n ke o tu i bô le o kô to dyénvié'n nun, oh koh.

Matthieu 5:44

Sannge n lie'n, nh kanh klé amun ke, anh klô amun kpofue mun, ye [bé nga bé wua amun amuen'n, anh yra bé nguan. Bé nga bé kpo amun'n, anh yô bé kpa,] ye [bé nga bé yô amun tete] bo bé klé amun yale'n, anh sre Nyanmien ke o nian bé su.

Matthieu 6:12

Yatyi sa nga é yô wo'n tye é, ke é yatyi, bé o bé yô é te'n, bé lie'n tye bé'n sa.

JÉSUS-CHRIST I DYASIN FE'N BO LUC KLELI'N 23:34

Ye Jésus séé ke: N Si, yatyi bé wun sa'n tye bé, afin sa nga bé yôé le'n, bé wu'en i wle. Bé tuu i trale'm bé wun foto, bé fali.

JÉSUS-CHRIST I DYASIN FE'N BO LUC KLELI'N 24:50

O fa bé oo lélé bé dyuu Béthanie nuan lo, o men i sa'n su o yre i nuan ke Nyanmien dyran bé sin.

Jean 4:21

Ye Jésus sé i ke: Mmô, lafi n su, tyen wié lélé nanh ôka nga su wa nin Jérusalem ye amunh kôtôh é Si'n bô amunh menmenh io.

Sa nga bé yôli'n 10:2

O nin i awlôfue'm bé ngba bé srô Nyanmien. O yô yalefue'm bé yé kpa, o kôkô yale klé Nyanmien tititi.

Sa nga bé yôli'n 10:31

O séé n ke: Corneille, o liké bo a sre Nyanmien'n, o tili, ye yé bo a yô yalefue mun'n, i wla ô su.

Sa nga bé yôli'n 10:4

Ye Corneille nieen siin, sre kuin, o use i ke: ?Nannan, nzuo? Ye ange'n sé i ke: O liké bo a sre Nyanmien'n, o ti, ye yé bo a yô yalefue mun'n, o wuin, i so'n ti, i wla ô o su.

Sa nga bé yôli'n 21:5

Sannge ke é dii lé nsô so'n, é tuu é bô le. Bé nin bé yi nin bé mma'm bé kwlaa bé kô sunman é lélé bé kpee klo'n. É kôtôô dyénvié'n nuan le, é nin Nyanmien é kôkô yale.

Sa nga bé yôli'n 7:60

Kpekuun o kôtôli, nan wa kpan kéklé kpa ke: Nannan, sa nga bé yô min ye'n, nanh fa sié o klun. Ke i nuan too tye'n, ye o kaa nuon. Saul sa ô Étienne kunle'n nun wié.

1 Korɛntfuɛ Mun 1:2

éh kleh fluwa nga ble amun bo an ti Nyanmien i asonunfue Corinthe lo b'o flee amun ke an katyi i lie mlonmlon'n, swran wunmuan bo amun nin Jésus-Christ amuan yô'n ti, o nin bé kwlaa nga bé bô Jésus-Christ b'o ti é kwlaa é Min'n i dunman'n.

1 Korɛntfuɛ Mun 7:7

Se swran'n kwlaa bé kwla yô ke n sa'n, o yô n fe, sannge se swran wié kwla yô ô, se wié kusu kwla yôman ô, Nyanmien ye o sié i kwlaa so nion.

2 Korɛntfuɛ Mun 2:14

Nyanmien Kpli kwla ô! Afin ke é nin Christ ya katyi swran wunmuan'n ti, o fa é yi i kwlale'n nglô tititi. Ye o fa é ke é yô man bé si Christ lika'n kwlaa ke liké b'o bon fannin kpa'n sa.

Filipfuɛ Mun 1:12

Aniaan mun, n klô ke an si ke sa b'o too n su'n, wa yô'a dyasin fe'n i satyile liké, sannge o man o tre oo i nyrun.

1 Tɛsalonikfuɛ Mun 1:8

Ke Nyanmien nde'n fin amun wun lo b'o dyuu Macédoine nin Achaïe lo'n, wa ka'a le ngunmin, sannge o nin amun Nyanmien sulafile nde'n wa tru lika'n kwlaa, o man é bô'a ye é ke'en kun.

1 Timote 5:14

I so'n ti, man bé nga bé te yô talua'n bé dya bian, bé wu ba, bé nian bé awlô'n su, nan é kpofue'm bé kwla satyi a é wun.

Tite 3:8

Nde nga n keen ye'n ti nanwle wéiin. N klô ke a dyran nde so'n su kpa nan bé nga bé lafi Nyanmien su'n, bé fa yé yôle'n katyi bé dyunman. I so yôle'n ti kpa, o yô swran'm bé wun sa yé.

Hébreu 10:22

I so'n ti, man é fa é wun mantan Nyanmien. Ke éh yôh so'n, nanh man akunndan te tran é klun, man é lafi i su kpa, afin o man é wun sa'n b'o man é klun titi yé'n o wiéli, ye o fa nzué klôuun wunnzinnin é.

Jacques 4:8

Anh fa amun wun mantan Nyanmien, ye i kusu feh i wun mantan amuon. Sa te yôfue mun, anh wunnzin amun sa, akunndan nnyonnyonfue mun, anh yatyi akunndan tete'n.

1 Piɛr 3:7

Nnya mun, ke an si ke amun yi'm bé wunmien'n dyu'a amun lie'n nun'n, amun nin bé tran kpa. Anh bu bé swran, afin yé nga Nyanmien yô amun b'o man amunh nyanh nguan'n, o yô bé wié. Se an yô'a so'n, amun nin Nyanmien su kwla kôkô'a yale wafa ng'o ti su'n.