1 Timote 2:6 - Nyanmien nde Ufle

⁶ O fe i wun maan ke oh kpoh swran'n kwlaa bé ti. Ke o yôô so ble nga Nyanmien siéli'n su'n, ye o klé ke Nyanmien klô ke oh déh swran'n kwlaa nion.

NYANMIƐN NDƐ'N 1998

⁶ Ɔ fɛ i wun mannin kɛ ɔ ´kpɔ sran'm be kwlaa bé ti. Kɛ ɔ yoli sɔ blɛ nga Nyanmiɛn sieli'n su'n, yɛ ɔ kle kɛ Nyanmiɛn klo kɛ ɔ ´de sran'n kwlaa nin-ɔn.

1 Timote 2:6 ပူးပေါင်းရင်းမြစ်များ

Matthieu 20:28

Ke m bo n katyii Swran'n m bale'n ke o ti soo, afin man baman ke bé su min, sannge m baa ke n su swran, nan n fa min wun kpo swran sunman bé ti.

Marc 1:15

o sé ke: Ble'n i nuan a yia, ye Nyanmien i siéle ble'n wa mantan. Anh katyi amun nzuen'n, anh lafi Nyanmien i dyasin fe'n su.

Marc 10:45

Afin m bo n katyii Swran'n man baman ke bé su min, sannge swran'm bé sule ti ye m balio, nan nh fah min wun kpo swran sunman bé ti.

Jean 6:51

M bobo n ti kpaun b'o man nguan, n fin nyanmien su lo ye m balio. Swran ng'o di kpaun so'n wié'n, o su wu'a mlonmlon, min nnen'n ye o ti kpaun so'n bo nh fah man nion. Nh fah man so nan menmenfue'm béh nyanh nguan.

Rɔmfuɛ Mun 16:26

sannge sien'n, fluwa nga i nuan idyofue'm bé kleli'n man ya wun i wle wéiin. Anannganman Nyanmien siéli i so nan bé kwlaa nga bé ti'a Juif'n bé lafi i su ye bé nyin yii.

Rɔmfuɛ Mun 5:6

Afin ke é bobo é nian kwla yô'a sa fi'n, ke ble nga Nyanmien siéli'n dyuli'n, bé nga bé srômen'n bé ti Christ wuli.

1 Korɛntfuɛ Mun 1:6

O klé ke amuan fa Christ nde'n su kpa.

2 Korɛntfuɛ Mun 5:21

Ke o kô yô nan é nin Christ ya katyi swran wunmuan nan ya yô swran kpa Nyanmien nyrun'n ti, o man Christ b'o wa yô'a sa te fi lé'n o dyraan é sa te'n i nuan.

Galasifuɛ Mun 1:4

Ke o kô yô nan Christ wa dé é ti men te kain nga nun'n ti, o fe i bobo wun mannin é sa te'n ti. I so'n ti é Si Nyanmien klun su.

Galasifuɛ Mun 4:4

Sannge ke ble nga Nyanmien siéli'n dyuli'n, o sunmeen i Wa'n, bla kun wulii, o di mmla'n su.

Efɛzfuɛ Mun 1:17

Ye n sre é Min Jésus-Christ i Nyanmien b'o ti é Si b'o le nyrun'n, ke o fe i Wawe'n man amun man an si ngwlele, ye o yi i wun nglô nan an sii kpa.

Efɛzfuɛ Mun 1:7

Ke Christ wuli bo i mmôdya'n guali'n ti, Nyanmien déli é ti, o yatyi sa nga é yôlii'n tyee é. I so'n nun é wun yé dan nga o yôô é

Efɛzfuɛ Mun 3:5

Lalafue nun sa so'n Nyanmien yi'e nglô klé'a swran mun ke nde o man i Wawe'n yi i nglô klé i swran'm bo Jésus sunmaan bé'n nin i nuan idyofue mun'n sa.

Efɛzfuɛ Mun 5:2

Sa kwlaa nga amunh yôh'n, anh yôé swran klôle'n ti, ke Christ kusu klôli é b'o fe i wun maan Nyanmien é ti ke te nnen bo bé yre'n (*f41*) b'o bon fannin Nyanmien bué nun'n sa.

2 Tɛsalonikfuɛ Mun 1:10

Ke oh bah bo bé nga bé ti i lie'n béh menmenh b'oh bôh bé nga bé kô lafi i su'n bé nuan'n, amun nga an lafii nde nga é kannin'n su'n, amunh tranh bé nun wié. Tyen so'n nun ye oh tuh bé fo so nion.

1 Timote 6:15

Ke i tyen nga Nyanmien siéli'n kô dyu'n, Nyanmien bo i kunngba ye o fi famien, bo bé bô i dunman fe titi, b'o sié famien nin bé kwlaa nga bé sié swran'n, i ye oh yih i nglô so nion.

2 Timote 1:8

I so'n ti, nanh man nyannzuen kun o é Min'n i nde kanle nin min bo i dunman nun ye bé wlaa m bisua'n ti. Sannge Nyanmien fanngan nun, man nyrennen nga é wuin dyasin fe'n ti'n, o son o nun.

Tite 1:3

Ke ble ng'o siéli'n dyuli'n, o yii i nde so'n nglô. É Défue Nyanmien'n ye o fa nde so'n wlaa n sa nun ke n kaan.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Hébreu 9:12

Ke Christ wluh Nyanmien lika kpa'n nun'n, nanh bôli kpakpue nin nannin ba mmôdya ye o fa olio, sannge o fe i bobo i mmôdya'n, o wluu lo kpe kun, o su wlu'a lo kun, o man o déé é ti mlonmlon.

1 Piɛr 2:24

Christ bobo dyraan é sa te'n i nuan bé bôbôé waka'n su, nan é nin sa te'n é bu, ye é yô sa ng'o ti kpa'n. I wunnen sule'n ti ye man ya yô dyuédyuéo.

1 Piɛr 3:18

Amun ti te ye Christ fe i wun yilio. O yôé kpe kunngba o su yô'e kun. I b'o ti swran kpa'n, sa te yôfue'm bé ti o wuli, nan oh fah amun man Nyanmien. Bé kunniin, sannge Nyanmien Wawe'n tyenniin.

1 Jean 4:10

Klôle so'n, nanh é ye é klôô Nyanmieon, i ye o klôli yéo, nan wa sunmen i Wa kunngba'n ke o fe i wun yi é ti te.

Sa nglô yile 5:9

Bé tô dyué ufle kun, bé sé ke: Wo ye a ti fluwa'n i fafueo, bo a kwla kpekpe liké nga bé fa tyityili nuon. Afin bé kuun o, a fo o wun tô swran'm bo bé fin nvlénvlé'n kwlaa nun, nin bé bo bé anien'n ti wafawafa'n kwlaa, nin swran wafawafa'n kwlaa, nin bé nga bé fin menmen'n kwlaa nun'n, maan Nyanmien.