1 Timote 2:2 - Nyanmien nde Ufle

² Anh sre i ke o nian famien nin swran ngblingbli'n kwlaa bé su, man é di aladyé, é nyan é ti fouun nan é srô Nyanmien kpa, é nzuen'n yô kpa.

NYANMIƐN NDƐ'N 1998

² An `srɛ i kɛ ɔ nian famiɛn mun nin sran ngbli-ngbli'm be kwlaa bé su, man e di alaje, yɛ man e nyan e ti fɔuun nan e sro Nyanmiɛn kpa, yɛ e nzuɛn'n `yo kpa.

1 Timote 2:2 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 1:6

Bé nnyon'n bé yô é Min Nyanmien klun sa, bé fe i nde'n nin i mmla'n kwlaa su kpa.

JÉSUS-CHRIST I DYASIN FE'N BO LUC KLELI'N 2:25

Ke oh yôh so'n, bian kun ô Jérusalem, bé flee Siméon. Bian so'n ti swran nanwlefue, o srô Nyanmien kpa. O minnde Israël i wla tyityile'n, ye Nyanmien Wawe'n ye o sié io.

Sa nga bé yôli'n 10:22

Bé sé i ke: Nyanmien i ange kun séé Corneille sôndya ya sukpen'n b'o ô Césarée lo'n ke o fle o, nan a bla, a wa kan nde wié kléé. O ti swran nanwlefue b'o srô Nyanmien, Juif nvlé'n kwlaa nun bé bô i dunman kpa.

Sa nga bé yôli'n 24:16

I so'n ti ye man n kusu, m mian min nyin ke min awlen'n nun yô wéiin titi Nyanmien nin swran'm bé nyrun nion.

Rɔmfuɛ Mun 12:18

Anh yô liké kwlaa nga an yôo amun nin swran su ka'an nde'n.

Filipfuɛ Mun 4:8

Aniaan mun, min nde'n i atabô'n ye: man amun akunndan'n tran liké kwlaa ng'o ti kpa'n nin sa kwlaa bo swran yôo o ti kpa'n bé su, yele nde nanwle'n, nin liké nga bé bui liké kpa'n, nin liké ng'o ti i nuan su'n, nin sa ng'o ti a te mlonmlon'n, nin liké ng'o ti klaan'n, ye nde nga bé tio o dyo bé klun'n.

1 Tɛsalonikfuɛ Mun 4:11

Anh mian amun nyin yô wetee, anh nian amun bobo amun ninngé'm bé nun yô, amun bobo anh di dyunman nan amuan nyan amun nuan nun alie. Ke é kan kléé amun so laa.

Hébreu 12:14

Man amun nin swran'n kwlaa amun nuan se amun wun, man amun nzuen'n fa Nyanmien lie'n, afin se o ti'e i tio, swran fi su wu'an é Min'n.