1 Timote 1:9 - Nyanmien nde Ufle

⁹ Afin é si ke, nanh bé nga bé ti swran kpa'n bé ti ye bé siéé mmla nion. Sannge bé sié maan bé nga bé ti'a kpa'n, nin nyin kékléfue, nin bé bo bé srô'a Nyanmien'n, nin sa te yôfue, nin bé bo bé nyin yi'a Nyanmien bo bé bu i ninngé'm bé finfin'n, nin bé bo bé kun bé si nin bé nin'n, nin swran kunfue,

NYANMIƐN NDƐ'N 1998

⁹ Afin e si kɛ nán be nga be ti sran kpa'n be ti yɛ be sieli mmla nin-ɔn. Sanngɛ be sie mannin be nga be ti-man kpa'n, nin nyin keklefuɛ mun, nin be bɔ be sro-man Nyanmiɛn'n, nin sa tɛ yofuɛ mun, nin be bɔ bé nyin yi-man Nyanmiɛn bɔ be bu i ninnge'm be finfin'n, nin be bɔ be kun be si nin be nin'n, nin sran kunfuɛ mun,

1 Timote 1:9 ပူးပေါင်းရင်းမြစ်များ

Matthieu 10:21

Swran bo bé ti niaan'n, kun wa fe i niaan bian wle swran'm bé sa nun ke bé kuin, ye swran wié'm bé wa yô bé mma'm bé so wié, ba'm béh dyaôh bé si nin bé nin'm bé wun ke bé kun bé.

Rɔmfuɛ Mun 1:30

bé kan swran wun nde, bé kpo Nyanmien, bé kpe nzôwa, bé tu bé wun, bé di bé nuan, bé kpe sa tete ufle'm bé ba, bé nyin yi'a bé si nin bé nin mun,

Rɔmfuɛ Mun 4:13

Nyanmien séé Abraham ke men'n oh yôh i nin i anunman'm bé lie. Nanh mmla'n b'o fa su'n ti ye o séé i soo, sannge i su b'o lafi b'o bui swran kpa'n ti ye o séé i soo.

Rɔmfuɛ Mun 5:20

Ke o yô nan sa tete'n wa son'n, i ti ye mmla'n wa kpen afien leo, sannge lika nga bé yô sa tete kpanngban le'n, le ye Nyanmien i aklunyé'n i nyin fité daan.

Rɔmfuɛ Mun 6:14

An su fa'a amun wun ma'an sa te yôle'n, afin Nyanmien dyra'an mmla'n su ye o sié amun kuon, sannge o yô amun yé titi.

Galasifuɛ Mun 3:19

?Se o ti so'n, mmla'n yô i lie nzu? Nyanmien siéé i kusu nan bé wun ke sa te'n ti te, ye bé di su lélé fa dyuu Abraham ôsufue nga ti ye Nyanmien séé ke oh yôh liké wié men'n i bale. Ange mun ye bé fa wla swran kun b'o dyran swran'm bé nuan'n i sa nun ye o fa balio.

Galasifuɛ Mun 5:18

Se an fa atin nga Nyanmien Wawe'n klé amun su'n, Nyanmien dyra'an mmla'n su ye o sié amuon.

Galasifuɛ Mun 5:21

bé le kônvi, bé non nzan bô, bé yô sa finfin mun, ye bé yô i sin sa wié mun ékun. Nh kanh nde kunngba nga n kan kléé amun laa'n klé amun ékun, bé nga bé yô i so sa'n, bé su yô'a men nga Nyanmien sieé'n i nunfue mlonmlon.

Galasifuɛ Mun 5:23

bé yô wetee, bé yô sa i nuan su. Ba sié'a ninngé so'm bé su mmla fi.

2 Tɛsalonikfuɛ Mun 2:8

Ke o kô yô so'n, bian b'o di'a mmla'n su'n o wa yi i wun nglô, ye ke é Min Jésus bah bo i nyrun ti nyannyan'n, oh fiteh fuu, oh kuinh, oh nunkuinh.

1 Timote 4:7

Sannge nanh fa nde b'o ti'a Nyanmien lie b'o ti ke bla ôké'm bé nde sa'n bé su. Mion o nyin mantan Nyanmien kpa.

1 Timote 6:20

Timothée, fa sa nga bé kan kléé wo'n su kpa. Nanh sié o su nde ngbenngben b'o nin Nyanmien nde'n ti'a kun'n, nin akplôwa nga bé bo bé bu bé wun ke bé si sa'n bé si'n bé su.

2 Timote 2:16

Nanh fo o wun wla nde ngbenngben b'o nin Nyanmien nde'n ti'a kun'n bé nun, afin bé nga bé yô so'n, bé fa'a bé wun manta'an Nyanmien lélé bé nin i bu.

2 Timote 3:2

Afin swran'm béh buh bé bobo bé wun akunndan, béh yôh sika klôfue, béh dih bé nuan, béh tuh bé wun, béh satyih Nyanmien wun, bé nyin su yi'a bé si nin bé nin mun bé su si'a yé, bé nyin su yi'a Nyanmien,

Tite 1:10

Afin swran kpanngban bé nyin ti kéklé, bé kan nde ngbenngben fa laka swran mun. Bé kpanngban lika bé fin Juif'm bo ba katyi Christfue'n bé nun.

Tite 1:16

Bé yô bé wun ke bé si Nyanmien, sannge sa nga bé yô'n o klé'a ke bé sii. Bé wun yô te, bé nyin ti kéklé, bé kwla yô'a sa kpa bo kun sa.

Tite 1:6

man swran nga béh feh sié asonun kpenngben'n o yô swran bo bé kwla satyi'e i wun kaan sa, bo i yi ti kun, bo i mma'm bé lafi Nyanmien su, bo bé kwla satyi'a bé dunman ke bé nzuen ti te, bé nyin ti kéklé.

Tite 3:3

Afin laa é kusu é ti sinnglinfue, é ti nyin kékléfue, bé laka é man é yatyi atin kpafue'n, é nyin b'o blô ninngé wafawafa'n kwlaa nin men dile'n su'n ti é katyii ke kanga sa, é ti klunwifue, é nyin tyi swran nin liké, é wun yô te, é kpo é wun.

Hébreu 11:31

Nyanmien su bo Rahab téklé bla'n lafi'n ti ye, ke bé bo bé nyin yi'a Nyanmien'n bé wuli'n wa wu'a wié nion, yele ke bé nga bé oo bé men'n i kpla nianle'n, o sikéé bé kpa.

Hébreu 12:16

Anh nian amun wun kpa nan swran fi a kunnde'a bla nin bian, swran fi a bu'a Nyanmien liké'n ke o ti'a liké fi, ke Ésaü bo alie talié kun ti o yôô i kpenngben'n i ate'n sa.

1 Piɛr 2:7

Amun bo an lafi yebue so'n su'n, o ti amun liké kpa. Sannge o sé bé nga bé lafi'e i su'n bé ke: «Yebue bo sua kplanfue'm bé yii blô'n, I ye wa katyi yebue kpa b'o tra sua'n i tyondyo'n i asé nion.

1 Piɛr 3:20

Bé nga laa ke Noé bôboh mméli'n bé yô nyin kéklé Nyanmien su, b'o tre i awlen bé wun'n, bé wawe muon. Swran motyue tye ye bé fuu mméli so'n nun, bé tran nzué'n i nyin su lélé bé nyaan bé tio.

1 Piɛr 4:18

?Se bé nga bé ti kpa'n bé ti nyanle'n ti kéklé'n, bé nga bé srô'a Nyanmien bo bé yô sa tete'n, bé lie'n yôh se?

Jude 1:15

ke bé fa swran'n kwlaa bla bé dyasu, nan bé fa bé nga bé srô'a Nyanmien'n bé sa nga bé yôli'n i nuan liké man bé. Afin sa te yôfue so'm bo bé srô'a Nyanmien'n, bé yô Nyanmien sa, bé ken i wun nde tete.

Sa nglô yile 21:8

Sannge srefue, nin bé nga bé lafi'a n su'n, nin bé nga bé yô tété sa'n, nin swran kunfue, nin bian nin bla kunndefue, nin baéfue, nin amuen sofue, nin bé kwlaa nga bé bua atô'n, bé lika lie'n yele sin dan'n bo soufre (*26*) ô nun, b'o dyué'n nun. I ye o ti wié'n i nnyon su nion.

Sa nglô yile 22:15

Bé nga bé ti ke aluwa sa'n, bé nin baéfue, nin bian nin bla kunndefue, nin swran kunfue, nin amuen sofue, nin bé kwlaa nga bé bua atô, bé yô gblegble sa mun'n, bé lika lie'n yele klo'n sin lo.