1 Timote 1:4 - Nyanmien nde Ufle

⁴ nanh man bé fa bé wla gua ngôwa nin bé nannannannan'm bé ôsu finwle b'o wié'a mlonmlon'n b'o kpe sae'n bé su. Sa so'm bé uka'a swran ke o lafi Nyanmien su o yô sa ng'o ti i klun sa'n.

NYANMIƐN NDƐ'N 1998

⁴ yɛ ngua nin be nannan-nannan'm be osu'n i finwlɛ b'ɔ wie-man mlɔnmlɔn'n b'ɔ kpɛ saɛ'n, min waan a tu be fɔ ekun kɛ nán man be fa be wla'n gua ninnge sɔ'm bé su. Sa sɔ'm be uka-man sran kɛ ɔ lafi Nyanmiɛn su ɔ yo sa ng'ɔ ti i klun sa'n.

1 Timote 1:4 ပူးပေါင်းရင်းမြစ်များ

2 Korɛntfuɛ Mun 1:12

Sa nga ti ye é di é nuan'n ye: é si é klun lo kpa ke nantile wafa nga é fa nanti men'n nun'n, é nanti i so kpa amun nyrun tra su. É nuan nun ti'a nnyonnyon, Nyanmien man é di nanwle. Nanh swran ti blé ngwlele bo é si'n ti ye man é yô soo, sannge Nyanmien ye o dyran é sin ye man é yô soo.

Efɛzfuɛ Mun 3:2

Sa nga Nyanmien i klun-ufué'n ti o man n yô man amun'n, n lafi su kpa ke an tili.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

1 Timote 4:7

Sannge nanh fa nde b'o ti'a Nyanmien lie b'o ti ke bla ôké'm bé nde sa'n bé su. Mion o nyin mantan Nyanmien kpa.

1 Timote 6:11

Sannge o bo a ti Nyanmien i swran'n, nanh fo o wun wle ninngé so'm bé yôle nun. Mion o nyin yô sa ng'o ti kpa'n, fo o wun mantan Nyanmien, lafi i su, klô Nyanmien nin swran, tro o awlen, yô weteefue.

1 Timote 6:20

Timothée, fa sa nga bé kan kléé wo'n su kpa. Nanh sié o su nde ngbenngben b'o nin Nyanmien nde'n ti'a kun'n, nin akplôwa nga bé bo bé bu bé wun ke bé si sa'n bé si'n bé su.

2 Timote 2:14

Kan nde nga klé bé kwlaa, kan flan nun. Nyanmien Kpli ti o lalôfue, sre bé kpa ke bé yatyi nde'm bé su utré dile'n b'o yô'a liké fi yé'n, o sanngan bé nga bé ti'n bé akunndan.

2 Timote 2:22

Nanh bu liké nga gbanflen kônvi soe'n i akunndan, sannge a nin bé kwlaa nga sa te nu'an bé awlen'n nun bo bé bô fle é Min'n, anh mian amun nyin anh yô sa ng'o ti kpa'n, anh lafi Nyanmien su, anh klô Nyanmien nin swran, ye man amun wla gua asé.

2 Timote 2:23

Sannge nanh fo o wun wla sinnzin akplôwa sile b'o yô'a sa fi yé'n nun, afin a si ke akplôwa'n i bô agualie yele utré.

2 Timote 4:4

Bé su sié'a bé su nanwle'n su kun, béh siéh bé su nde nga bé ti ke ngôwa sa'n bé su.

Tite 1:1

M Paul n ti Nyanmien i swran bo Jésus-Christ sunmaan min ke n wuka bé nga Nyanmien kpaa bé'n man bé lafi i su kpa, ye bé wun nde nanwle nga bé bo bé srô Nyanmien'n bé sii'n i wle kpa,

Tite 1:14

nan ba lafi'a Juif'm bé nde b'o ti ke ngôwa sa'n su, ye ba yô'a sa nga swran nga ba yatyi nde nanwle'n bé sé bé ke bé yô'n ti.

Tite 3:9

Sannge nanh fo o wun wla sinnzin akplôwa sile'n, nin bé nannannannan'm bé ôsu finwle i kunndele'n, nin utré, nin mmla'n su akplôwa sile'n bé nun. Bé ti liké ngben b'o yô'a sa fi yé.

Hébreu 13:9

Nanh an fa liké wafawafa nga bé klé amun b'o nin é lie'n ti'a kun'n su man an yatyi atin kpafue'n. Se é tra é awlen kpa yé bo Nyanmien yôô yé'n ti'n, o ti kpa. Nanh man é bu ke alie dile mmla'n bo é fa su'n o kwla yô é kpa, afin bé nga bé faa su'n, wa yô'a sa fi yé a ma'an bé.

2 Piɛr 1:16

Nanwle, ke éh kanh é Min Jésus-Christ i bale, nin i kwlale b'o kwla'n i nde klé amun'n, o ti'a ke ngôwa bo bé fa bé ti nun ngwlele fa di'n sa, ye é di kléé amuon. Sannge é bobo é wunnin i nyrun ng'o le'n nin é nyinma.