1 Timote 1:17 - Nyanmien nde Ufle

¹⁷ Famien b'o ti anannganman, b'o wunman, bo bé wunmen, b'o ti Nyanmien bo liké fi nu'en i sin'n, man bé menmen bé yi i aye tititi! Mon o yô so!

NYANMIƐN NDƐ'N 1998

¹⁷ Famiɛn b'ɔ ti anannganman'n, b'ɔ wu-man, bɔ be wun-mɛn i'n, b'ɔ ti Nyanmiɛn bɔ like fi nun-mɛn i sin'n, man be mɛnmɛn i, yɛ be yi i ayɛ tititi, nán be yaci i le! Man ɔ yo sɔ!

1 Timote 1:17 ပူးပေါင်းရင်းမြစ်များ

Matthieu 25:34

Ye m bo n ti famien'n nh séh bé nga bé gua n fama su'n ke: Amun bo n Si yôli amun yé'n, anh bla'a di famien bo ke b'éh bôh men'n i bô'n, bé sié maan amun'n.

Matthieu 28:20

Ye liké kwlaa nga n kléé amun'n, amun kusu, anh klé bé man bé fa su. Anh nian, min nin amun é ô tyen kwlaa lélé men'n fah wié.

Matthieu 6:13

Nanh yatyi é le man Lakafue'n laka é, sannge kpla é wun. [Afin a ti kpli, a sié liké'n kwlaa, ye manmanle'n ti o lie tititi. Mon o yô so.]

Jean 1:18

Swran fi nian wu'an Nyanmien lé. San i Wa kunngba'n b'o nin i ti kun b'o ti i awlen su ba'n, i ye man é sii io.

Jean 5:44

?Amun bo an klô ke amun wiéngu bô amun dunman'n, bo an klô'a ke Nyanmien b'o ti kunngba tye'n ye o bô amun dunman'n, oh yôh se ye amunh kwlah lafi i suo?

Rɔmfuɛ Mun 1:20

Swran nyinma wu'an Nyanmien'n, sannge ke o fin tyen ng'o yii men'n, liké kwlaa ng'o yô bé bo bé wun bé'n, o man bé wun i wle wéiin ke Nyanmien ô le, ye o kwla sa'n kwlaa yô. I so'n ti, bé le'a nde fi.

Rɔmfuɛ Mun 1:23

Bé yatyi Anannganman Nyanmien Kpli'n le, bé yô ninngé mun, bé taka bé, bé so bé, swran ô, nnen ô, anunman ô, wuô ô.

Rɔmfuɛ Mun 11:36

Liké kwlaa ng'o ô le'n o fiin, i ye man bé ô leo, ye i dunman nun ye bé ô leo. Man é yi i aye tititi. Mon o yô so!

Rɔmfuɛ Mun 16:27

Jésus-Christ ti man é yi Nyanmien Kpli bo ngwlelefue fi nu'en i sin'n i aye tititi! Mon o yô so!

Rɔmfuɛ Mun 2:10

Sannge bé kwlaa nga bé yô kpa'n, Nyanmien man béh nyanh nyrun, béh buh bé swran, ye béh dih aladyé, Juif mun ye bé ti kliklio, i sin bé nga mun.

Rɔmfuɛ Mun 2:7

Bé nga bé tra bé awlen bé yô kpa, bo bé kunnde ke bé nyan nyrun bé bu bé swran, bo bé kunnde nguan'n, oh manh bé anannganman nguan.

Kolɔsfuɛ Mun 1:15

O fa Nyanmien bo bé wunmen'n i wafa kwlaa ng'o ti'n, o ti i Wa Kpen bo i kpa'n tra liké'n kwlaa ng'o yili bé'n.

Hébreu 11:27

Nyanmien su b'o lafi'n ti, ke o dyaô Égypte famien wlefue'n wun lo'n, sre a kunmen, afin o tre i awlen, o ti ke wa wun Nyanmien bo bé wunmen'n sa.

Hébreu 2:7

A yôli man ange'm bé kpa'n trelii lé nnyon kun, A siéé famien man o nyan nyrun, bé menmen,

1 Piɛr 5:11

I ye o kwla tititio. Mon o yô so!

2 Piɛr 3:18

Ye bo é Min'n b'o ti é Défue'n yô amun'n ti, man bé wun ke amuan yô swran, amun nin i tran, nan amuan sii kpa. Ke o fin nde'n, man bé yi i aye tititi. Mon o yô so!

1 Jean 4:12

Swran fi nian wu'an Nyanmien lé. Se é klô é wun'n, wuun é nin Nyanmien é ti kun, ye klôle ng'o man é fa klô swran'n i nyin fitéh wéiin.

Jude 1:25

é Nyanmien kunngba b'o ti é Défue'n, é Min Jésus-Christ ti, man bé yi i aye, bé menmen yele ke o ti famien, bé sé ke o ti kpli, o kwla sa'n kwlaa yô. Ke o fin lalaa'n bé menmen so, ke o fin nde'n man bé menmen tititi.

Sa nglô yile 15:3

Bé tô Moïse b'o ti Nyanmien i swran'n nin Bua Gbanflen'n bé dyué'n, bé sé ke: É Min Nyanmien Kpli, sa dandan nga a yô bé'n, bé ti abônuan! Nvlénvlé'm bé Famien, a ti nanwlefue ye a yô sa i nuan su!

Sa nglô yile 17:14

Bé nin Bua Gbanflen'n béh kunh, sannge Bua Gbanflen'n nin bé nga o flee bé, o faa bé, bo bé fa bé wun menten kpa'n, béh kwlah bé, afin i ye o sié bé kwlaa nga bé sié swran'n nin famien muon.

Sa nglô yile 19:1

I sin n tii swran kpanngban kpa bé nen nyanmien su lo ke swran kun ye o su kpan sa, bé sé ke: Anh manman Nyanmien! É Nyanmien'n ti ya nyan é ti, man é menmen, é sé ke o ti kpli,

Sa nglô yile 19:16

Bé kle dunman kun i trale'n nin i sowa'n su ke: Famien'm bé Famien nin swran'm bé min mun bé Min.

Sa nglô yile 19:6

Ye n tii liké kun ngan ke swran kpanngban bé nen sa, o te ke nzué dan b'o sôndyi kpuu'n, nin nyanmien b'o kpla dan'n sa. O sé ke: Anh manman Nyanmien! Afin é Min Nyanmien Kpli'n wa tren i bia'n su.

Sa nglô yile 7:12

sé ke: Mon o yô so. Man é yi é Nyanmien'n i aye tititi, é yeyee, é sé ke ngwlele'n ti i lie, é le i asé, é menmen, é sé ke o ti kpli, o tyennin! Mon o yô so!