1 Timote 1:15 - Nyanmien nde Ufle

¹⁵ Nde nga ti nanwle wéiin, se bé fa su'n o ti kpa, yele ke Christ-Jésus baa men'n nun sa te yôfue mun bo n ti bé nun klikli'n bé déle.

NYANMIƐN NDƐ'N 1998

¹⁵ Ndɛ nga ti nanwlɛ weiin, sɛ be fa su'n ɔ ti kpa, yɛlɛ kɛ Krist-Jésus bali mɛn'n nun sa tɛ yofuɛ mun bɔ n ti be nun klikli'n be delɛ.

1 Timote 1:15 ပူးပေါင်းရင်းမြစ်များ

Matthieu 1:21

O wa wu ba yasua, ah tonh i dunman Jésus, (bo i bô yele Défue), afin i ye o wa dé i nvlé'n bé sa bo bé yô Nyanmien'n i nuon.

Matthieu 18:10

Anh nian amun wun kpa, nanh amun yô ba kanngan nga bé ô ye'n bé nun kun finfin, afin nh kanh klé amun ke, bé ange'm bo bé ô nyanmien su lo'n bé nyin ta min Si b'o ô nyanmien su lo'n i nyrun tyen kwlaa.

Matthieu 18:11

[Afin m bo n katyii Swran'n m baa bé nga bé mlinnin'n bé ti déle.]

Matthieu 20:28

Ke m bo n katyii Swran'n m bale'n ke o ti soo, afin man baman ke bé su min, sannge m baa ke n su swran, nan n fa min wun kpo swran sunman bé ti.

Matthieu 9:13

Anh wo kô bu nde nga bé kan sé ke: «Bé wun aunnvue sile'n yô n fe tra n sole'n» i akunndan, amunh wunh i wle, afin man ba'a nanwlefue'm bé flele, sannge sa tete yôfue mun ye m baa bé fleleo.

Marc 2:17

Ke Jésus tii nde nga bé kan'n, o sé bé ke: Nanh swran ng'o ti dyuédyué'n ye o ko ayréfue sion, tukpatyefue te o koo. Man ba'a nanwlefue'm bé flele, sa tete yôfue mun ye m baa bé fleleo.

JÉSUS-CHRIST I DYASIN FE'N BO LUC KLELI'N 15:2

Pharisifue'm (*f4*) bé nin mmla kléfue mun bé tretrelii ke: Bian nga so sa tete yôfue'm bé nun, o nin bé di liké.

JÉSUS-CHRIST I DYASIN FE'N BO LUC KLELI'N 19:10

afin m bo n katyii Swran'n m baa bé bo bé mlinnin'n bé kunndele o nin bé déle.

JÉSUS-CHRIST I DYASIN FE'N BO LUC KLELI'N 5:32

Man baman nanwlefue'm bé flele, sa tete yôfue mun ye m baa bé fleleo, nan bé katyi bé nzuen'n.

Jean 1:12

Sannge bé kwlaa nga bé soo i nun bo bé lafi i su'n, o man bé katyi Nyanmien wa.

Jean 1:29

Ke alie tyennin'n, Jean wuun Jésus o su be i wun le, o sé ke: Anh nian Nyanmien Bua Gbanflen'n b'o wa fe i wun yi men'n i ti te'n ye.

Jean 12:47

Swran ng'o ti min nde'n b'o fa'a su'n, nanh min ye nh kaanh, afin man ba'a ke m ma kan menfue'm bé nde, sannge m baa bé ti déle.

Jean 3:36

Swran ng'o lafi i Wa'n su'n, o le anannganman nguan, sannge swran nga i nyin yimen'n o nya'an nguan lé, sannge i wun ya ô Nyanmien klun.

Sa nga bé yôli'n 11:1

Bé bo Jésus sunmaan bé'n bé nin é niaan bo bé ô Judée lo'n, bé tii ke bé bo bé ti'a Juif'n ba fa Nyanmien nde'n wié.

Sa nga bé yôli'n 11:18

Ke bé tii nde so'n, o man bé too nun, ye bé yi Nyanmien aye, bé sé ke: Se o ti so'n, wuun Nyanmien man bé bo bé ti'a Juif'n bé kusu ba katyi bé nzuen'n nan bé nyan nguan wié.

Sa nga bé yôli'n 3:26

Ke Nyanmien fe i swran'n siélii so'n, amun sin ye o sunmeen kliklio, ke o yô amun yé, nan amun kwlaklwaklwa an yatyi amun nzuen tete'n.

Rɔmfuɛ Mun 11:14

N yô i so nan n nvléfue'm bé fa bé nyin tyi amun, nan bé nun wié'm bé nyan bé ti.

Rɔmfuɛ Mun 5:6

Afin ke é bobo é nian kwla yô'a sa fi'n, ke ble nga Nyanmien siéli'n dyuli'n, bé nga bé srômen'n bé ti Christ wuli.

1 Korɛntfuɛ Mun 15:9

afin min ye n ti bé bo Jésus sunmaan bé'n bé nun kaan. Afin n kléé Nyanmien i asonun'n yale, i ti ke bé sé ke Jésus sunmaan min'n, min nin i so flele'n fataman bobo.

Efɛzfuɛ Mun 3:8

Nyanmien yôô m bo n ti i swran'n kwlaa bé nun kaan'n n yé, o man n kan klé bé nga bé ti'a Juif'm bé ke Christ i anyanbéun'n tyennin, bé kwla ke'en bé nuan nun.

1 Timote 1:19

Nyanmien su bo a lafi'n nin o klun b'o titimon'n ti. Swran wié'm bé yô'a sa kpa nga bé klun lo akunndan'n sé bé ke bé yô'n, o man bé lafi'a Nyanmien su kpa kun.

1 Timote 3:1

Nde nga ti nanwle wéiin: swran ng'o klô ke oh yôh asonun sunianfue'n, wuun o klô dyunman b'o ti kpa.

1 Timote 4:9

Nde nga ti nanwle wéiin, se bé fa su'n o ti kpa.

1 Timote 6:13

Nyanmien Kpli b'o man liké kwlaa nguan'n, nin Christ-Jésus b'o kan nde nanwle yakpa su kléé Ponce Pilate'n, bé ti nde nga m ma kan klé wo ye'n i nun lalôfue.

2 Timote 2:11

Nde nga m ma ken ye'n ti nanwle wéiin, Se é nin i ye é wuli'n, é nin i ye éh tyeonh,

Tite 3:8

Nde nga n keen ye'n ti nanwle wéiin. N klô ke a dyran nde so'n su kpa nan bé nga bé lafi Nyanmien su'n, bé fa yé yôle'n katyi bé dyunman. I so yôle'n ti kpa, o yô swran'm bé wun sa yé.

Hébreu 7:25

I so'n ti, o man bé bo i ti bé mantan Nyanmien béh kwlah nyan bé ti mlonmlon, afin o ô le titi o sre Nyanmien ke o nian bé su.

1 Jean 3:5

Afin an si ke Christ baa sa te'n i nuan nnya bule, ye sa te kaan sa bo'en i wun.

1 Jean 3:8

Swran ng'o yô sa te'n, o ti mmusu'm bé si Satan'n i lie, afin ke o fin i bôbôle nun'n, mmusu'm bé si Satan'n ti sa te yôfue. Nyanmien Wa'n baa sa nga mmusu'm bé si Satan'n yô'n i nuan nnya bule.

1 Jean 5:11

Anh nian nde so'n ye, Nyanmien maan é anannganman nguan, i Wa'n ti ye man é nyaan nguan so nion.

Sa nglô yile 21:5

Swran ng'o ti bia'n su'n sé ke: Nian, man katyi liké'n kwlaa ufle. Ye o sé ékun ke: Kle nde nga, afin min nde'n ti nanwle, bé kwla fa su.

Sa nglô yile 22:6

Ange'n sé n ke: Nde so'm bé ti nanwle, bé kwla fa su. É Min Nyanmien b'o fe i Wawe'n men i nuan idyofue mun'n, o sunmeen i ange'n ke o wa kan sa ng'o wa dyu ityra'n klé i swran mun.

Sa nglô yile 5:9

Bé tô dyué ufle kun, bé sé ke: Wo ye a ti fluwa'n i fafueo, bo a kwla kpekpe liké nga bé fa tyityili nuon. Afin bé kuun o, a fo o wun tô swran'm bo bé fin nvlénvlé'n kwlaa nun, nin bé bo bé anien'n ti wafawafa'n kwlaa, nin swran wafawafa'n kwlaa, nin bé nga bé fin menmen'n kwlaa nun'n, maan Nyanmien.