1 Timote 1:11 - Nyanmien nde Ufle

¹¹ Ke bé klee Nyanmien Kpli bo bé bô i dunman fe titi'n i dyasin fe'n b'o fa wla n sa nun'n nun soo.

NYANMIƐN NDƐ'N 1998

¹¹ Kɛ be klɛli Nyanmiɛn bɔ be bo i dunman fɛ titi'n i jasin fɛ'n b'ɔ fa wlali n sa nun'n nun sɔ-ɔ.

1 Timote 1:11 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 2:14

Man Nyanmien manmale'n te nyanmien su lo, Ye man swran bo Nyanmien klun dyo bé wun asie'n su wa'n, bé wun dyo bé.

Rɔmfuɛ Mun 2:16

Dyasin fe'n bo n kan'n, o klé ke bé wa wun i wle so tyen nga Nyanmien man Christ-Jésus wa nian sa nga swran'm bé yô fia'n, se o ti kpa ô, se o ti te ô.

1 Korɛntfuɛ Mun 9:17

Se m bobo min ye n kô kunnde dyunman so'n ke nh dih'n, wuun béh tuah n kale, sannge ke nanh m bobo ye n kunnde ke nh dih'n, o ti ke dyunman bo ba sre n ke n di sa.

2 Korɛntfuɛ Mun 4:4

Bé lie'n bé lafi'a su yele ke men nga i min'n o satyii bé akunndan'n, nan ba wu'an Christ b'o fa Nyanmien Kpli'n i wafa kwlaa ng'o ti'n i dyasin fe'n i wle.

2 Korɛntfuɛ Mun 4:6

Nyanmien b'o séé ke: Man lika'n kpadya'n, i kunngba'n ye man é wun sa wle wéiion. O man ke é nian Christ'n é wun wafa kwlaa nga Nyanmien Kpli'n ti'n, afin i ye man é sii io.

Galasifuɛ Mun 2:7

Sannge bé wuun ke Nyanmien siéé n ke n kan dyasin fe'n klé bé nga bé wla'a klen'n, ke o siéé Pierre ke o kan klé bé nga bé wla klen mun'n sa.

Efɛzfuɛ Mun 1:12

O yô é so nan é bo é dun mmua fa é wla guaa Christ su'n, é men i komin su.

Efɛzfuɛ Mun 1:6

nan ya bô i dunman yé dan b'o fe i awlen su Ba'n yôô yé'n ti.

Efɛzfuɛ Mun 2:7

nan ble ng'o ba lo'n nun, ke oh yih i kpa b'o yôli é Christ-Jésus ti'n, i nglô'n, béh wunh ke i yé b'o yôô yé'n i dan'n le'a wunsu.

Efɛzfuɛ Mun 3:10

nan ke o fin nde'n, nyanmien su lo mmusu nin ngbenngben'm bé wun Nyanmien i ngwlele'n, ninngé kwlaa ng'o yô bé Asonun'n nun'n, bé nun.

Kolɔsfuɛ Mun 1:25

Nyanmien fa n sié Asonun'n i dyunman difue nan n ken i nde'n kwlakwla klé amun,

1 Tɛsalonikfuɛ Mun 2:4

É ken i ke Nyanmien kléé é ke é ken i su'n sa, afin o bu é swran fe i dyasin fe'n wlaa é sa nun. Nanh ke é waan éh kenh i so nan swran'm bé klun dyo é wuon, sannge é waan éh kenh i so nan o dyo Nyanmien b'o si é awlen'n nun'n i klun.

1 Timote 2:7

O sié min ke n kan nde so'n, ye o sunmaan min ke n kan nde nanwle'n nin i sulafile nde'n klé bé bo bé ti'a Juif'n. Nanwle ye n dio, m bua'a atô.

1 Timote 6:15

Ke i tyen nga Nyanmien siéli'n kô dyu'n, Nyanmien bo i kunngba ye o fi famien, bo bé bô i dunman fe titi, b'o sié famien nin bé kwlaa nga bé sié swran'n, i ye oh yih i nglô so nion.

1 Timote 6:20

Timothée, fa sa nga bé kan kléé wo'n su kpa. Nanh sié o su nde ngbenngben b'o nin Nyanmien nde'n ti'a kun'n, nin akplôwa nga bé bo bé bu bé wun ke bé si sa'n bé si'n bé su.

2 Timote 1:11

Dyasin fe'n i kanle nin i kléle ti ye Nyanmien fa min, o sunmaan mion.

2 Timote 1:14

Liké kpa nga bé fa wloo o sa nun'n, Nyanmien Wawe'n b'o tran é awlen'n nun'n i fanngan nun nian su kpa.

2 Timote 2:2

Nde nga a ti i ke n keen swran kpanngban bé nyrun'n, kan nde so'n, fa yatyii bé nga a lafi bé su bo bé kusu bé kwla kan klé swran ufle'n bé sa nun.

Tite 1:3

Ke ble ng'o siéli'n dyuli'n, o yii i nde so'n nglô. É Défue Nyanmien'n ye o fa nde so'n wlaa n sa nun ke n kaan.