1 Piɛr 5:5 - Nyanmien nde Ufle

⁵ Gbanflen mun, amun kusu anh bu kpenngben'm bé swran. Amun kwlaa anh yô amun wun ke kanga sa, anh wuka amun wun, afin bé klee Nyanmien Nde'n nun ke: «Nyanmien nin bé nga bé tu bé wun mun lee, Sannge o yô aénvuefue'm bé yé.»

NYANMIƐN NDƐ'N 1998

⁵ Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»

1 Piɛr 5:5 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 22:26

Amun lie'n su yô'a so, sannge man amun nun swran ng'o ti dan'n, o yô i wun ke amun nun bakan sa, ye man swran ng'o sié swran'n, o yô i wun ke dyunman difue sa.

Rɔmfuɛ Mun 12:10

Anh klô amun wun kpa ke swran nin i niaan sa, anh bu amun wiéngu swran.

Rɔmfuɛ Mun 13:14

Anh fa é Min Jésus-Christ yô ke amun nyren sa. Nanh an bu liké nga klo swran i kônvi soe'n i akunndan ke amunh yôh.

Efɛzfuɛ Mun 5:21

Ke amun nyin yi Christ'n ti, anh bu amun wiéngu swran.

Filipfuɛ Mun 2:3

Nanh an bu amun bobo amun wun akunndan yô liké fi, nanh an kunnde amun dunman, nanh an tu amun wun, sannge anh bu swran wié'm bé swran tra amun bobo.

Kolɔsfuɛ Mun 3:12

An ti Nyanmien i swran, o klô amun, o faa amun. I so'n ti, man swran'm bé yô amun annvo, anh yô bé kpa, anh yô amun wun aénvue, anh yô weteefue, anh blu sa'm bé su. Anh fa liké so mun fa tyityi amun ti.

1 Timote 5:1

Nanh idyo kpenngben mun, sannge tu bé fo amannien su, fa bé bu o si, bu gbanflen mun o niaan,

Hébreu 13:17

Man amun nyin yi amun kpenngben mun, anh bu bé swran. Bé nian amun su titi, afin bé wa kan bé dyunman'n i su nde klé Nyanmien. Anh yô sa nga b'o man bé klun dyo bé dyunman'n su'n. Se amuan yô'e i so bo bé ôtô'n, o man bé su kwla uka'a amun.

Jacques 4:6

Sannge yé ng'o yô yé'n ti dan, afin bé klee ke: «Nyanmien nin bé nga bé tu bé wun'n mun lee, Sannge o yô aénvuefue'm bé yé.»

1 Piɛr 3:8

Min nde'n i atabô'n ye, man amun akunndan'n yô kun, anh wun amun wiéngu aunnvue, anh klôé ke amun niaan sa, anh si i aunnvue, anh yô amun wun aénvue.

1 Piɛr 4:1

Ke Christ wuun nyrennen'n ti, amun kusu anh bu akunndan kunngba ng'o buli'n, anh tra amun awlen.

1 Piɛr 4:5

Sannge bé wa kan sa nga bé yôli'n klé Nyanmien b'o wa di bé nga bé nyin ô su'n, nin bé nga bé wuli'n bé dyole'n.