1 Piɛr 5:3 - Nyanmien nde Ufle

³ Nanh an tin bé nga bé fa bé maan amun ke an nian bé su'n bé su, sannge anh yô sa ng'o ti kpa'n, man bé nian su.

NYANMIƐN NDƐ'N 1998

³ Nán an tin be nga be fa be mannin amun kɛ an nian bé su'n bé su, sanngɛ an `yo sa ng'ɔ ti kpa'n man be nian su.

1 Piɛr 5:3 ပူးပေါင်းရင်းမြစ်များ

Jean 13:15

N yô i so kléé amun nan amun kusu an nian nga n yôô amun'n su yô.

Sa nga bé yôli'n 20:28

I so'n ti, anh nian amun bobo amun wun kpa, ye anh nian bua fa nga Nyanmien Wawe'n fa amun siéé bé su'n bé su kpa, ye anh ta Nyanmien i Asonun'n b'o fe i bobo wa'n tôli'n.

1 Korɛntfuɛ Mun 11:11

Kannze o ti so bobo'n, é bo é nin Christ ya katyi swran wunmuan'n, yasua di'e i tiaun, ye bla kusu di'e i tiaun.

1 Korɛntfuɛ Mun 3:5

Anh nian: ?Apollos ti nzu? ?M Paul kusu n ti nzu? É ti dyunman difue bo é nde bo é kannin'n ti ye an lafii Jésus suo.

1 Korɛntfuɛ Mun 3:9

Afin é nin Nyanmien ye é di dyunman nion. An ti ke Nyanmien i fié sa, ye an ti ke i sua b'o su kplan sa.

2 Korɛntfuɛ Mun 1:24

Nanh ke n sié amun Nyanmien atin'n su tio, afin ke an lafi Christ su'n, an dyran kéklé, sannge é uka amun é di dyunman nan amun klun dyo.

2 Korɛntfuɛ Mun 4:5

É ka'an é bobo é wun nde, Christ-Jésus b'o ti é Min'n i nde ye é kaan, i ti é ti amun akua.

Filipfuɛ Mun 3:17

Aniaan mun, anh nian n lie'n su. Ya yô a klé amun, o man anh nian bé nga bé yô liké nga é kléé amun'n bé lie'n su yô.

Filipfuɛ Mun 4:9

Liké nga n kléé amun bo an tili an fa su'n, nin liké nga an wun ke n yô'n, anh nian su yô, ye Nyanmien b'o man é wun dyo yé'n, o nin amunh tranh.

1 Tɛsalonikfuɛ Mun 1:7

Ke an yô so'n, o man bé kwlaa nga bé lafi Christ su Macédoine nin Achaïe lo'n bé nian amun lie'n su bé yô.

2 Tɛsalonikfuɛ Mun 3:9

Nanh ke se an wuka yéo o ti'e i su tio, sannge é klô ke é yôé so nan an nian é lie'n su yô.

1 Timote 4:12

Ke bo a ti gbanflen kaan'n ti, nanh yô man swran fi yô o finfin, sannge yô sa ng'o ti kpa'n, man bé nga bé lafi Christ su'n bé nian su yô, o idyole nun ô, o nzuen'n nun ô, o swran klôle nun ô, o Nyanmien sulafile nun ô, o nin sa te bo a yôman nin ô.

Tite 2:7

Sa'n kwlaa nun o bobo yô sa ng'o ti kpa'n, man bé nian o lie'n su yô. Liké nga a klé'n, kléé kpa, nanh fa yô aôwi.

1 Piɛr 2:9

Sannge amun lie'n, an ti swran bo Nyanmien faa amun, an ti Famien Nyanmien'n i nyrun dyranfue, an ti Nyanmien nvlé'n nun swran, an ti i lie mlonmlon. O faa amun ke an yi i b'o flee amun ke an dyaô aôsin nun, an bla lika ng'o kpadya kpa'n nun'n i aye.