1 Piɛr 5:12 - Nyanmien nde Ufle

¹² É niaan Sylvain bo n wuun ke é kwla fa é wla gue i su'n, i ye o uka min é kle nde kaan nga n kle ble amun ye nion. N waan nh wlah amun fanngan, ye nh kanh klé amun ke yé nga Nyanmien yô yé'n, i ye o ti yé kpafue nion. I ti, anh dyran kéklé.

NYANMIƐN NDƐ'N 1998

¹² E niaan Silvɛn bɔ n wunnin kɛ e kwla fa é wla guɛ i su'n, i yɛ ɔ uka min e klɛli ndɛ kaan nga n klɛ blɛ amun yɛ nin-ɔn. Min waan n ´wla amun fanngan yɛ n ´kan kle amun kɛ ye nga Nyanmiɛn yo ye'n, i yɛ ɔ ti ye kpafuɛ nin-ɔn. I ti, an `jran kekle.

1 Piɛr 5:12 ပူးပေါင်းရင်းမြစ်များ

Jean 21:21

Ke Pierre wunniin'n, o use Jésus ke: ?Nannan, ye nga li?

Sa nga bé yôli'n 11:23

O ti swran kpa, Nyanmien Wawe'n siéé, ye o lafi Nyanmien su kpa. Ke o dyuu lo b'o wuun yé dan nga Nyanmien yôô bé'n, i klun dyoli, o tu bé kwlaa bé fo ke bé fa bé wla gua é Mun'n su, ye bé dyran kéklé. Ye swran kpanngban kpa bé fa bé wun maan é Min'n.

Sa nga bé yôli'n 15:22

Ke o yôô so'n, bé bo Jésus sunmaan bé'n, bé nin kpenngben nin asonunfue'n kwlaa bé bu i akunndan ke béh kunndeh swran wié mun uka Paul nin Barnabas bé su, béh sunmanh bé Antioche. Bé faa Jude bo bé flee Barsabbas'n nin Silas bo é niaan'm bé lafi bé su'n,

Sa nga bé yôli'n 20:24

Sannge m bu'a min wun liké fi, n yô so nan man wanndi a dyu n dyuwle, nan man wié dyunman nga é Min Jésus fa wlaa n sa nun ke n yô'n i yô. Dyunman so'n yele ke n kan yé dan nga Nyanmien yôô yé'n i nde.

Rɔmfuɛ Mun 5:2

I ye man é sii ke Nyanmien yô é yéo, i su bo é lafi'n ti, sien'n é su di yé so'n. Anyrunnyan bo Nyanmien waan oh manh é bo é nyin ô i sin'n ti, é wun blibli é.

1 Korɛntfuɛ Mun 15:1

Aniaan mun, dyasin fe nga m bô kléli amun laa'n, nh kpenh amun wla ékun. Amuan fa dyasin fe so'n su, o man an dyran kéklé.

2 Korɛntfuɛ Mun 1:19

Afin Nyanmien Wa Christ-Jésus bo min nin Sylvain, nin Timothée é ken i nde kléé amun'n, o ti'a nuan nun nnyonnyon difue, o di nanwle.

2 Korɛntfuɛ Mun 1:24

Nanh ke n sié amun Nyanmien atin'n su tio, afin ke an lafi Christ su'n, an dyran kéklé, sannge é uka amun é di dyunman nan amun klun dyo.

Efɛzfuɛ Mun 3:3

O man n si i klun sa b'o fiee swran'm bé nyrun'n. Sa so'm bé wié ye m bô su kléé amun n fluwa'n nun ityra nion.

Efɛzfuɛ Mun 6:21

É niaan Tychique b'o nian é Min'n i dyunman'n nun kpa di'n o wa kan min wun wa nde klé amun nan an si sa nga n wô nun'n.

Kolɔsfuɛ Mun 1:7

É swran kpa Épaphras b'o ti é wiéngu dyunman difue'n ye o kléé amuon. O dyran é dya nun di Christ dyunman'n kpa.

Kolɔsfuɛ Mun 4:7

É niaan Tychique b'o ti é swran kpa'n, b'o ti n wiéngu dyunman difue kpa é Min'n i dyunman'n nun'n, o wa kan sa kwlaa ng'o ô n su'n klé amun.

Kolɔsfuɛ Mun 4:9

N sunmen nin é niaan Onésime b'o ti amun nun kun, b'o ti é swran kpa bo é kwla fa é wla gue i su'n. Bé wa kan sa kwlaa ng'o ô wa'n klé amun.

1 Tɛsalonikfuɛ Mun 1:1

M Paul, min nin Silvain, nin Timothée éh kleh fluwa nga ble amun asonunfue bo an wô Thessalonique lo'n bo amun nin é Si Nyanmien nin é Min Jésus-Christ amuan yô swran wunmuan'n. Éh yrah é nuan ke an nyan yé, ye man amun wun dyo amun fouun!

2 Tɛsalonikfuɛ Mun 1:1

M Paul, min nin Silvain, nin Timothée éh kleh fluwa nga ble amun asonunfue bo an wô Thessalonique lo'n bo amun nin é Si Nyanmien nin é Min Jésus-Christ amuan yô swran wunmuan'n.

Hébreu 13:22

Aniaan mun, nh sreh amun, anh fa afotue nga m maan amun ye'n su, afin o ti'a nde tennden.

1 Piɛr 1:13

I so'n ti, anh bu akunndan, anh nian amun wun su, man amun nyin tran liké nga tyen nga Jésus-Christ wa yi i wun nglô'n oh fah man amun'n su kpa.

1 Piɛr 4:10

Ke bo an nian ninngé wafawafa nga Nyanmien fa man swran ke bé yô'n bé su'n, man swran kun fe i lie nga Nyanmien menniin'n uke i wiéngu.

2 Piɛr 1:12

An si sa so mun, ye an lafi nde nanwle nga an tili'n su kpa, sannge n su yatyi'a amun wla kpenle sa so'm bé su.

2 Piɛr 2:15

Ba yatyi atin kpafue'n, ba mlin, bé fa atin nga Béor wa Balaam faa su'n su. Sika nga bé fa menniin sa te b'o yôli'n ti'n, o dyo i klun,

3 Jean 1:12

Swran'n kwlaa bé bô Démétrius dunman kpa, kannze swran a kenmen bobo'n, bé wun ke o ti nanwlefue. É kusu é bô i dunman kpa, ye a si ke i nde nga é kan'n ti nanwle.

Jude 1:3

N swran kpa mun, ke n waan nh kleh ti nyanle bo é nin amun é nyenniin'n i nde ble amun'n, n wuun ke, se n kle amun fluwa nan n wla amun fanngan ke an dyran Christ sulafile nde'n su'n, o ti kpa. Nyanmien man bé kan nde so'n kléé i swran mun kpe kunngba tye.