1 Piɛr 5:10 - Nyanmien nde Ufle

¹⁰ Ke an wun nyrennen lé nnyon kun'n, Nyanmien Aklunyéfue Kpli'n b'o flee amun ke an nyan nyrun titi, swran wunmuan bo amun nin Christ a katyi'n ti'n, i bobo man amunh yôh swran kpa mlonmlon. Oh yôh man amunh dyranh kéklé, oh wlah amun fanngan, o man amun wun su usu'a amun.

NYANMIƐN NDƐ'N 1998

¹⁰ Kɛ an wun nyrɛnnɛn le nnyɔn kun'n, Nyanmiɛn aklunyefuɛ kpli'n, b'ɔ flɛli amun kɛ an `nyan nyrun titi'n sran wunmuan bɔ an nin Krist amu'an kaci'n ti'n, i bɔbɔ man amun ´yo sran kpa mlɔnmlɔn. Ɔ ´yo man amun ´jran kekle, ɔ ´wla amun fanngan, ɔ man amun wun su usu-man amun.

1 Piɛr 5:10 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 22:32

Sannge n kan o nde kléé Nyanmien ke n su bo a lafi'n, nanh man a kponzo. O kusu se a katyi'n, wlo o niaan'm bé fanngan.

Rɔmfuɛ Mun 15:13

Man Nyanmien bo é nyin ô i sin'n o man amun klun dyo, ye an di aladyé i su bo an lafi'n ti, nan Nyanmien Wawe'n i fanngan nun amun nyin tren i sin tititi.

Rɔmfuɛ Mun 15:5

Man Nyanmien b'o wla swran fanngan b'o man bé tra bé awlen'n, o man amun akunndan'n yô kun ke Christ-Jésus bobo klé é ke é yô'n sa.

Rɔmfuɛ Mun 16:25

Nyanmien Kpli kwla ô! Afin n dyasin fe'n nin Jésus-Christ i nde bo n kan'n, nin sa nga Nyanmien yi'e i nglô klé'a é laa bo sien'n ya wun i wle'n ti, o man an kwla dyran kéklé. Ke o fin men'n i bôbôle nun'n, Nyanmien fiaa sa so'n su,

Rɔmfuɛ Mun 9:11

Ke bé nian wu'a ba so mun bo bé nian si'a liké nga bé flee kpa nin te'n, Nyanmien séé Rébecca ke: «Ba kpenngbenfue'n oh suh i sinma'n.» O yôé so nan bé si ke o fa swran nga i bobo klô'n, o nia'an liké nga swran'm bé yô'n su ye o fa fa béo, sannge bé nga o fle bé'n bé ye o fa béo.

Rɔmfuɛ Mun 9:24

É b'o fleli yé'n, nanh é Juif mun é ngunmin ye o flee yéo, sannge bé nga bé ti'a Juif'n bé ô nun wié.

1 Korɛntfuɛ Mun 1:10

Aniaan mun, é Min Jésus-Christ ti nh sreh amun, man amun nuan se, nanh an bubu amun wun nun, sannge man amun akunndan'n nin amun nen'n yô kun.

1 Korɛntfuɛ Mun 1:9

Nyanmien b'o flee amun ke amun nin i Wa Jésus-Christ b'o ti é Min'n an di anuanse'n, o ti nanwlefue.

2 Korɛntfuɛ Mun 13:11

Aniaan mun, min nde'n i atabô'n ye: Nyanmien man amun klun dyo. Anh katyi anh yô swran kpa, anh fa min nde'n su, man amun bô yô kun, anh di anuanse. Ye Nyanmien b'o klô swran'n b'o man é di aladyé'n, o nin amunh tranh.

2 Korɛntfuɛ Mun 4:17

Nyrennen kaan nga é wuin ye'n o man éh nyanh tranwle kpa nyanmien su lo, é su dyaô'a nun le.

Filipfuɛ Mun 4:13

Christ b'o wla n fanngan'n ti, n kwla liké'n kwlaa yô.

Kolɔsfuɛ Mun 2:7

o man i ti an dyran kéklé ke sua bo bé wle i bô asé kpa'n sa. Anh lafi i su kpa ke bé kléli amun'n sa, anh le i asé tititi.

1 Tɛsalonikfuɛ Mun 2:12

afin é man amun afotue, é wla amun fanngan, é kan klé amun ke an yô sa ng'o ti Nyanmien b'o fle amun ke an di i famien'n wié nan an nyan nyrun ke i lie'n sa'n, i klun sa.

2 Tɛsalonikfuɛ Mun 2:14

Afin i so'n ti ye ke é kan dyasin fe'n kléé amun'n, o fleli amuon, nan nyrun nga é Min Jésus-Christ nyenh'n, amun dunman'n te nun wié.

2 Tɛsalonikfuɛ Mun 2:17

o wla amun yakpa, man an dyran kéklé yô sa kwlaa ng'o ti kpa'n, ye an kan nde kwlaa ng'o ti kpa'n.

2 Tɛsalonikfuɛ Mun 3:3

Sannge é kwla fa é wla gua é Min'n su. Oh wlah amun fanngan ye oh nianh amun su, o man Klunwifue'n su nya'an amun.

1 Timote 6:12

Mion o nyin man swran'm bé lafi Nyanmien su kpa, afin se a mion o nyin so'n, o ti kpa. Anannganman nguan bo i ti ye Nyanmien flee wo, bo a kaan Nyanmien su bo a lafi'n i nde fefe swran kpanngban bé nyrun'n tre kéklé.

2 Timote 1:9

O déé é, o flee é ke é yô i swran, nanh ke é yô sa kpa ti ye o flee yéo, sannge é wun akunndan bo i bobo buli'n, nin yé bo i waan Christ-Jésus ti oh yôh yé'n tio.

2 Timote 2:10

I so'n ti ye sa so'n kwlaa nun bé nga Nyanmien kpaa bé'n bé ti, n tra min awlen nion, nan Christ-Jésus ti bé kusu bé nyan bé ti ye bé nyan nyrun b'o wiéman.

Hébreu 9:15

I so'n ti ye o ti sa ufle nga Nyanmien waan oh yôh man swran'n i nun dyranfue nion. I wule b'o wuli'n ti o dé bé nga bé fa sa klikli nga Nyanmien waan oh yôh man swran'n su'n bo bé yô sa te'n, i sae'n nun. O man bé nga Nyanmien flee bé'n béh nyanh liké kpakpa ng'o wiéman mlonmlon bo i waan oh fah man bé'n.

1 Piɛr 1:15

Nyanmien b'o fleli amun'n i nzuen'n nin klo swran lie'n ti'a kun, man amun nzuen lie'n kusu fe i lie'n sa'n kwlaa nun.

1 Piɛr 4:10

Ke bo an nian ninngé wafawafa nga Nyanmien fa man swran ke bé yô'n bé su'n, man swran kun fe i lie nga Nyanmien menniin'n uke i wiéngu.

1 Piɛr 4:11

Swran ng'o kan Nyanmien nde'n mon o kan nde nga Nyanmien klélii'n, ye nga kusu b'o di i dyunman'n, mon o fa wunmien ng'o menniin'n, di dyunman so'n, nan sa'n kwlaa nun Jésus-Christ b'o ti kpli bo bé yi i aye tititi'n ti, bé yi Nyanmien aye. Mon o yô so!

2 Piɛr 1:3

Ke é si swran ng'o flee é ke é nyan nyrun, ye é yô sa ng'o ti kpa ke i bobo sa'n ti'n, o man é liké kwlaa nga b'o man é kwla fa é wun mantan Nyanmien titi'n i fanngan nun.

1 Jean 2:25

Anh nian liké nga Christ waan oh fah man yé'n, yele anannganman nguan'n.

Jude 1:24

Nyanmien b'o kwla nian amun su b'o man an fonman'n, bo ke o man amunh koh i wun lo'n, sa kaan sa bo'an amun wun, amun klun dyo'n,