1 Piɛr 4:16 - Nyanmien nde Ufle

¹⁶ Sannge se an wun nyrennen Christfue bo an ti'n ti'n, nanh man nyannzuen kun amun, sannge anh la Nyanmien asé dunman so'n b'o ô amun su'n ti.

NYANMIƐN NDƐ'N 1998

¹⁶ Sanngɛ sɛ an wun nyrɛnnɛn Kristfuɛ bɔ an ti'n ti'n, nán man nyannzuɛn kun amun, sanngɛ an `la Nyanmiɛn ase dunman sɔ'n b'ɔ o amun su'n ti.

1 Piɛr 4:16 ပူးပေါင်းရင်းမြစ်များ

Sa nga bé yôli'n 11:26

Ke o wunniin'n, o fe oo Antioche. Bé dii afue wunmuan kun asonun so'n nun, bé ko bé anyia'm bé bô, bé klé swran kpanngban kpa bé liké. Antioche lo ye bé bôô Jésus sonnzonfue'm bé flele ke Christfue'n i bôo.

Sa nga bé yôli'n 26:28

Ye Agrippa séé Paul ke: O ka kaan a wa katyi min awlen'n man nh yôh Christfue.

Sa nga bé yôli'n 28:22

Sannge é klô ke é si akunndan ng'o ô o klun'n, afin é si ke bé kan swran nga bé fa nde so'n su'n bé wun nde lika'n kwlaa.

Sa nga bé yôli'n 5:41

Ke béh dyaôh dyole difue'm bé nyrun le'n, bé klun ti dyowa yele ke bé si ke, bé nyin bo bé gue i asé Jésus dunman nun'n o ti kpa, afin Nyanmien ye o siéé i soo.

Filipfuɛ Mun 1:20

Liké nga n wla'n wô su, bo n kunndee kpa'n yele ke, nanh man liké fi kun min nyannzuen, sannge n tra min awlen nde nin tyen kwlaa lélé, se n nyan nguan ô, se n wu ô, liké kwlaa nga n yô'n o ba Christ nyrunnyan.

Filipfuɛ Mun 1:29

Afin nanh Christ sulafile ngunmin ye Nyanmien man amun lafio, sannge o man amunh wunh nyrennen i dunman nun ékun.

2 Timote 1:12

I so'n ti ye n wun nyrennen ngaa, sannge o nin i so'n ngba nyannzuen ku'an min, afin n si swran nga n fa n wla'n guee i su'n. N sii wéiin ke liké kwlaa nga o fa wlaa n sa nun'n, i bobo kwla nian su lélé fa dyu tyen so'n nun.

Jacques 2:7

?Nanh bé ye bé satyi swran nga i dunman fe'n wô amun su'n i dunman nion?

1 Piɛr 2:12

Anh yô sa ng'o ti kpa'n bé nga bé ti'a Christfue'n bé nyrun, nan se bé satyi amun dunman ke an ti sa te yôfue'n, bé wun sa kpa nga an yô bé'n, nan tyen nga Nyanmien ba'n, béh menmenh.

1 Piɛr 4:11

Swran ng'o kan Nyanmien nde'n mon o kan nde nga Nyanmien klélii'n, ye nga kusu b'o di i dyunman'n, mon o fa wunmien ng'o menniin'n, di dyunman so'n, nan sa'n kwlaa nun Jésus-Christ b'o ti kpli bo bé yi i aye tititi'n ti, bé yi Nyanmien aye. Mon o yô so!

1 Piɛr 4:14

Se bé kpe amun nzôwa Christ dunman b'o ô amun su'n ti'n, amun lie su ti yé, afin Nyanmien Wawe'n b'o le nyrun'n, wa ba amun wun!

1 Piɛr 4:19

I so'n ti, bé nga bé nyrennen wunle'n ti Nyanmien klun su'n, man bé fa bé wun man Nyanmien b'o yii bé, bo bé kwla fa bé wla gue i su'n. Man bé yô sa ng'o ti kpa'n tititi.