1 Piɛr 3:8 - Nyanmien nde Ufle

⁸ Min nde'n i atabô'n ye, man amun akunndan'n yô kun, anh wun amun wiéngu aunnvue, anh klôé ke amun niaan sa, anh si i aunnvue, anh yô amun wun aénvue.

NYANMIƐN NDƐ'N 1998

⁸ Min ndɛ'n i atabo'n yɛ, man amun akunndan'n yo kun, man amun nuan `sɛ, an `klo amun wiengu kɛ amun niaan sa, an `si i aunnvuɛ, yɛ an `yo amún wun aenvuɛ.

1 Piɛr 3:8 ပူးပေါင်းရင်းမြစ်များ

Matthieu 18:33

?Ke n sii wo aunnvue'n, o kusu, o kwla si'a o wiéngu'n i aunnvue wié?

JÉSUS-CHRIST I DYASIN FE'N BO LUC KLELI'N 10:33

Sannge Samariefue kun b'o su ko lika'n, o kô fitéé i su, ke o wunniin'n, o yô i annvo.

Sa nga bé yôli'n 2:1

Ke Pentecôte'n (*f32*) dyuli'n, bé kwlaa bé yiali lika kun.

Sa nga bé yôli'n 27:3

Ke alie tyennin'n é dyuu Sidon, Julius yô Paul kpa, o men i atin ke o o i dyanvue'm bé wun man bé men i liké ng'o mien i sa'n.

Sa nga bé yôli'n 28:7

Lika wié mantan le, o ti bian bo bé flee Publius'n, b'o ti men so'n i sukpen'n i lie, o soo é nun o siké é kpa, é dii le lé nsan.

Sa nga bé yôli'n 4:32

Swran kaka nga bé lafii Christ su'n, bé bô yôô kun, bé akunndan'n ti kun. Bé nun wié fi sé'a ke i ninngé'm bé ti i ngunmin lie, sannge liké ng'o ti swran kun lie'n, o ti bé kwlaa bé lie.

Rɔmfuɛ Mun 12:10

Anh klô amun wun kpa ke swran nin i niaan sa, anh bu amun wiéngu swran.

Rɔmfuɛ Mun 15:5

Man Nyanmien b'o wla swran fanngan b'o man bé tra bé awlen'n, o man amun akunndan'n yô kun ke Christ-Jésus bobo klé é ke é yô'n sa.

1 Korɛntfuɛ Mun 1:10

Aniaan mun, é Min Jésus-Christ ti nh sreh amun, man amun nuan se, nanh an bubu amun wun nun, sannge man amun akunndan'n nin amun nen'n yô kun.

1 Korɛntfuɛ Mun 12:26

Se é lika kun yô é ya'n wuun é wunnen'n kwlaa yô é ya, ye se bé kannvun é lika kun'n, o yô é fe kpa.

Efɛzfuɛ Mun 4:2

Nanh an tu amun wun mlonmlon, anh yô weteefue, anh blu sa'm bé su, sa nga amun wiéngu yô bo an wuin'n, mon o son amun nun i klôle bo an klôé'n ti.

Efɛzfuɛ Mun 4:31

Anh wla klunwi'n, nin awlen fufu'n, nin ya fale'n, nin ndengan'n, nin swran wun satyile'n, nin swran kpole'n bé kwlaa bé asé.

Efɛzfuɛ Mun 4:32

Anh yô amun wun yé, anh si amun wun aunnvue, sa nga amun wiéngu yô amun'n, anh yatyi tyee, ke Nyanmien kusu yatyi sa nga an yôlii'n tyee amun Christ ti'n sa.

Filipfuɛ Mun 2:3

Nanh an bu amun bobo amun wun akunndan yô liké fi, nanh an kunnde amun dunman, nanh an tu amun wun, sannge anh bu swran wié'm bé swran tra amun bobo.

Filipfuɛ Mun 3:16

Lika kwlaa nga ya dyu'n, kannze o ti se… man adyale kunngba nga é fa bô i bô'n é fa o.

Kolɔsfuɛ Mun 3:12

An ti Nyanmien i swran, o klô amun, o faa amun. I so'n ti, man swran'm bé yô amun annvo, anh yô bé kpa, anh yô amun wun aénvue, anh yô weteefue, anh blu sa'm bé su. Anh fa liké so mun fa tyityi amun ti.

Hébreu 13:1

Anh klô amun wun kpa ke swran nin i niaan sa tititi.

Jacques 2:13

Afin ke Nyanmien dih bé nga bé si'a swran aunnvue'n bé dyole'n, o su si'a bé aunnvue. Se aunnvue sile'n nin fo bule'n bé ti swran'n, wuun aunnvue sile'n kwla fo bule'n.

Jacques 3:17

Ngwlele b'o fin nyanmien su'n, se o ti swran'n, wuun éh séh ke, sa te kaan sa nu'en i wun. O klô'a ndengan, o ti wetee fue, bé nin i kwla kôkô yale, o si aunnvue dan, o yô sa kpa, o bu'a swran'n wié kpa tra'a wié, o klô'a dunman.

Jacques 5:11

Bé nga bé dyraan kéklé'n, é sé ke, bé lie su ti yé. An tii Job i awlen b'o trelii'n, ye an wuun i agualie nga é Min'n mon o guelii'n, afin swran yô é Min'n i annvo, o si bé aunnvue.

1 Piɛr 1:22

Ke an faa nde nanwle'n su, bo amun wun sa'n wiéli'n, o man an klô'a amun niaan Christfue mun amun nuan bui su. I so'n ti, anh klô amun wun kpa, anh tu amun klun yô sa ng'o klé ke an klô amun wun'n.

1 Piɛr 2:17

Anh bu swran'n kwlaa bé swran, anh klô amun niaan Christfue mun, man amun nyin yi Nyanmien, anh bu famien'n i swran.

1 Piɛr 5:5

Gbanflen mun, amun kusu anh bu kpenngben'm bé swran. Amun kwlaa anh yô amun wun ke kanga sa, anh wuka amun wun, afin bé klee Nyanmien Nde'n nun ke: «Nyanmien nin bé nga bé tu bé wun mun lee, Sannge o yô aénvuefue'm bé yé.»

2 Piɛr 1:7

Ke an mantan Nyanmien'n, anh yô amun niaan'm bé kpa. Ke an yô bé kpa'n, anh klô swran.

1 Jean 3:14

É si ke ya nyan é ti wié'n sa nun, ya nyan nguan, yele ke é klô é niaan mun. Swran ng'o klô'a swran'n, wuun o te ô wié'n sa nun.