1 Piɛr 3:18 - Nyanmien nde Ufle

¹⁸ Amun ti te ye Christ fe i wun yilio. O yôé kpe kunngba o su yô'e kun. I b'o ti swran kpa'n, sa te yôfue'm bé ti o wuli, nan oh fah amun man Nyanmien. Bé kunniin, sannge Nyanmien Wawe'n tyenniin.

NYANMIƐN NDƐ'N 1998

¹⁸ Amún ti tɛ yɛ Krist fɛ i wun yili-ɔ. Ɔ yoli i kpɛ kunngba. Ɔ su yo-mɛn i kun. I b'ɔ ti sran kpa'n, sa tɛ yofuɛ'm be ti ɔ wuli nan ɔ ´fa amun man Nyanmiɛn. Be kunnin i, sanngɛ Nyanmiɛn Wawɛ'n cɛnnin i.

1 Piɛr 3:18 ပူးပေါင်းရင်းမြစ်များ

Matthieu 27:19

Ke o traan asé dyole diwle lo'n, i yi sunmaan swran ke bé kô sé i ke, nanh mon o fe i wun wla bian nanwlefue so'n i nde'n nun, afin i waan, nde o fee lalie nun dan kpa i ti.

Matthieu 27:24

Ke Pilate wuun ke o su kwla yô'a sa fi bo alôwa'n yô dan tra su'n, o fa nzué wunnziin i sa swran'm bé nyrun le, o sé ke: Swran nanwlefue nga i kunle'n, n lie nu'an nun, amun bobo amun ndeo.

Jean 16:10

Oh kléh bé sa kpa'n, yele ke n lie'n, n su ko é Si'n sin, ye an su wu'an min kun.

Sa nga bé yôli'n 22:14

O sé ke: É nannan'm bé Nyanmien'n, o faa o sié ke a si i klun sa'n, a wun Nanwlefue'n, ye a ti i nuan nde'n.

Sa nga bé yôli'n 3:14

An yili Nyanmien i Swran'n nin Nanwlefue'n i blô, an kpataa swran kunfue'n i ti ke bé yatyi i nun man amun.

Rɔmfuɛ Mun 1:4

ye i tyenle bo Nyanmien Wawe'n tyenniin'n o ti sa kéklé b'o yôli, o man bé si ke o ti i Wa sakpa. O ti é Min Jésus-Christ.

Rɔmfuɛ Mun 4:25

Nyanmien yii i ke o wa wu sa nga é yôli'n ti, ye é swran kpa bule ti ye o tyennin io.

Rɔmfuɛ Mun 5:2

I ye man é sii ke Nyanmien yô é yéo, i su bo é lafi'n ti, sien'n é su di yé so'n. Anyrunnyan bo Nyanmien waan oh manh é bo é nyin ô i sin'n ti, é wun blibli é.

Rɔmfuɛ Mun 8:11

Se Nyanmien b'o tyennin Jésus'n i Wawe'n tran amun nun ke i awlô sa'n, i b'o tyennin Christ-Jésus so'n o man amun kusu bo amun wu'n, amunh yôh dyuédyué i Wawe b'o tran amun nun so'n ti.

Rɔmfuɛ Mun 8:3

Liké nga Moïse mmla'n kwle'e i yô'n klo swran i nzuen'n ti'n, Nyanmien bobo yôli. Ke o man i bobo Wa'n katyi ke klo swran b'o yô sa te'n sa, b'o sunmenniin ke o yô te nnen'n, o klé ke sa te b'o ti klo swran nzuen'n ti te, o man se o wié'n, o ti su.

2 Korɛntfuɛ Mun 1:24

Nanh ke n sié amun Nyanmien atin'n su tio, afin ke an lafi Christ su'n, an dyran kéklé, sannge é uka amun é di dyunman nan amun klun dyo.

2 Korɛntfuɛ Mun 13:4

Afin o ti nanwle ke bé bôbôlii waka'n su ke swran b'o kwla'a liké fi yô sa, sannge Nyanmien Kpli'n i fanngan nun ti ye nde o ô leo. É kusu ke é nin i ya yô swran wunmuan'n, é yô é wun ke i bobo yôô i wun ke fuenfue'n sa, sannge liké nga é yô man amun'n, é yôé Nyanmien Kpli'n i fanngan nun, yele ke é nin Christ ya yô swran wunmuan.

2 Korɛntfuɛ Mun 5:21

Ke o kô yô nan é nin Christ ya katyi swran wunmuan nan ya yô swran kpa Nyanmien nyrun'n ti, o man Christ b'o wa yô'a sa te fi lé'n o dyraan é sa te'n i nuan.

Galasifuɛ Mun 1:4

Ke o kô yô nan Christ wa dé é ti men te kain nga nun'n ti, o fe i bobo wun mannin é sa te'n ti. I so'n ti é Si Nyanmien klun su.

Galasifuɛ Mun 3:13

Ke Christ katyii swran bo Nyanmien bôé sannzan é ti'n, o fe i wun kpoo é ti sannzan nga Nyanmien bôô é mmla'n bo ya fa'a su'n ti, afin bé klee ke: «Swran kwlaa nga bé bô i komin'n, wuun Nyanmien bôlii sannzan.»

Efɛzfuɛ Mun 3:12

Swran wunmuan bo é nin i a katyi, nin i su bo é lafi'n ti, é kwla ko Nyanmien wun lo, é klun ti'a é kaan sa.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Hébreu 10:10

Ke Jésus-Christ yôô Nyanmien klun sa, b'o fe i wun men kpe kunngba b'o su yô'e kun'n, é ti te ye o fe i wun yilio.

Hébreu 9:14

Se o ti so'n, Christ kwla fe i mmôdya lie'n kusu yô liké b'o tra wun asô bôle'n fatifati! Ke o ti aôlia nun swran b'o ti anannganman'n ti'n, o fe i bobo bo fien kaan nu'en i wun'n maan Nyanmien. O man liké nga bé yô'a liké fi yé bo é yô bé man é klun titi yé'n, oh wiéh nan é kwla su Anannganman Nyanmien'n!

Hébreu 9:26

afin se o ti ke o yôli so'n, wuun ke o fin men'n i bôbôle nun'n oh wunh nyrennen tititi. Sannge sien'n bo ya dyu men'n i bué nuan'n, o yii i wun nglô kpe kunngba nan sa te'n wié, i wun b'o fa soo Nyanmien'n ti.

Hébreu 9:28

I kunngba'n, ke o yô nan Christ a fa swran kpanngban bé wun sa'n, i kusu fe i wun soo Nyanmien kpe kun. Bale nga o wa ba ékun'n, nanh sa te'n tio, sannge oh bah bé nga be nyin te i sin'n bé déle.

Jacques 5:6

An buu bé nga bé ti swran kpa'n bé fo, an kuun bé, bé nin amun a kpliman.

1 Piɛr 3:19

Wawe son i fanngan nun ye o kô kan nde kléé wawe nga bé wlaa bé bisua nion.

1 Piɛr 4:1

Ke Christ wuun nyrennen'n ti, amun kusu anh bu akunndan kunngba ng'o buli'n, anh tra amun awlen.

1 Piɛr 4:6

I so'n ti ye bé kan dyasin fe'n kléé bé nga bé wuli'n bé kusu nion. Bé ken i so klé bé nan bé nga bé buu bé fo ke bé fa bu swran'n kwlaa bé fo'n sa'n, bé wawe'n ka le ke Nyanmien ô le'n sa.

1 Jean 1:9

Sannge se é di sa nga é yôli'n i nanwle klé Nyanmien'n, é kwla fa é wla gue i su, afin o yô sa i nuan su, oh yatyih tye é, o man é wun sa'n wiéh.