1 Piɛr 3:16 - Nyanmien nde Ufle

¹⁶ Sannge anh te bé su amannien su, man bé wun ke an srô Nyanmien. Ke amunh yôh so'n, nanh an yô sa nga b'o man amunh kôkôh i sin'n, nan bé nga bé satyi amun dunman, bo bé kan sa kpa nga Christ ti an yô bé'n, bé nde'n, bé wun nyannzuen.

NYANMIƐN NDƐ'N 1998

¹⁶ Sanngɛ an `tɛ be su amanniɛn su, man be wun kɛ an sro Nyanmiɛn. Kɛ amun ´yo sɔ'n, nán an yo sa nga b'ɔ man amun ´koko i sin'n nan be nga be saci amun dunman'n, bɔ be kan sa kpa nga Krist ti an yo be'm be ndɛ'n, be wun nyannzuɛn.

1 Piɛr 3:16 ပူးပေါင်းရင်းမြစ်များ

Matthieu 5:11

Ke béh keh amun nzôwa, bo béh kléh amun yale, bo béh tonh amun suen tete'n kwlaa n dunman nun'n, amun lie su ti yé,

Sa nga bé yôli'n 24:16

I so'n ti ye man n kusu, m mian min nyin ke min awlen'n nun yô wéiin titi Nyanmien nin swran'm bé nyrun nion.

Sa nga bé yôli'n 28:22

Sannge é klô ke é si akunndan ng'o ô o klun'n, afin é si ke bé kan swran nga bé fa nde so'n su'n bé wun nde lika'n kwlaa.

Rɔmfuɛ Mun 9:1

Ke n sé ke awlabôe'n wô n su dan, ye min awlen'n kpe n klun'n, Christfue bo n ti'n ti, n di nanwle, Nyanmien Wawe'n kusu man n si n klun lo wéiin ke m bua'a atô.

2 Korɛntfuɛ Mun 1:12

Sa nga ti ye é di é nuan'n ye: é si é klun lo kpa ke nantile wafa nga é fa nanti men'n nun'n, é nanti i so kpa amun nyrun tra su. É nuan nun ti'a nnyonnyon, Nyanmien man é di nanwle. Nanh swran ti blé ngwlele bo é si'n ti ye man é yô soo, sannge Nyanmien ye o dyran é sin ye man é yô soo.

2 Korɛntfuɛ Mun 4:2

É wla liké nga bé yô nyannzuen ti bé fiafia su'n bé asé, é yô'a liké gblegble nun, é sannga'an Nyanmien nde'n, sannge ke é kan nde wéinwéin Nyanmien nyrun'n, o man swran'n kwlaa bé wun é wafa nga é ti'n.

1 Timote 1:19

Nyanmien su bo a lafi'n nin o klun b'o titimon'n ti. Swran wié'm bé yô'a sa kpa nga bé klun lo akunndan'n sé bé ke bé yô'n, o man bé lafi'a Nyanmien su kpa kun.

1 Timote 1:5

É waan, bé klô swran kpa ti ye é tu bé fo so nion. Klôle so'n fin swran bo sa te kaan sa nu'en i awlen'n nun, b'o man i klun titimen, b'o lafi Nyanmien su sakpa'n.

2 Timote 1:3

N la Nyanmien bo min nin a nannan mun é sui bo é klun titi'a yé'n i asé. Kongue nin wia nun ke nh kôkôh yale klé Nyanmien'n, n kan o nde kléé titi,

Tite 2:8

Kan nde ng'o ti kpa'n nan swran fi a sé'a ke nde nga a kan'n ti te, nan o kpofue'm bé nyin gua asé, afin bé su wu'an é wun nde fi kanman.

Hébreu 13:18

Anh sre Nyanmien titi ke o nian é su. É si é klun lo wéiin ke ya yô'a sa fi, afin sa'n kwlaa nun é klô ke éh yôh sa ng'o ti kpa'n.

Hébreu 9:14

Se o ti so'n, Christ kwla fe i mmôdya lie'n kusu yô liké b'o tra wun asô bôle'n fatifati! Ke o ti aôlia nun swran b'o ti anannganman'n ti'n, o fe i bobo bo fien kaan nu'en i wun'n maan Nyanmien. O man liké nga bé yô'a liké fi yé bo é yô bé man é klun titi yé'n, oh wiéh nan é kwla su Anannganman Nyanmien'n!

1 Piɛr 2:12

Anh yô sa ng'o ti kpa'n bé nga bé ti'a Christfue'n bé nyrun, nan se bé satyi amun dunman ke an ti sa te yôfue'n, bé wun sa kpa nga an yô bé'n, nan tyen nga Nyanmien ba'n, béh menmenh.

1 Piɛr 2:15

Sa nga Nyanmien klô'n yele ke an yô sa ng'o ti kpa'n. I so'n nun sinnglinfue'm bo bé wu'an sa wle'n, bé su kwla ka'an nde fi.

1 Piɛr 2:19

Afin se bé klé amun nyrennen b'o ti'e i su, b'o son amun nun Nyanmien srôle bo an srôé'n ti'n, o ti kpa.

1 Piɛr 3:21

Nzué so'n ti baptême b'o man amuan nyan amun ti nde'n i nzolie. Nanh ke o wunnzin bé wunnen su fieon, sannge o man é sre Nyanmien ke nanh man é klun titi é kun. Jésus-Christ i tyenle'n ti ye é nyaan é tio.

1 Piɛr 4:4

Ke bé nga bé ti'a Christfue'n bé wun ke amun nin bé sa'an nun yô'a sa tete so'm bé kun'n, o bô bé nuan, bé kpe amun nzôwa.