1 Piɛr 2:9 - Nyanmien nde Ufle

⁹ Sannge amun lie'n, an ti swran bo Nyanmien faa amun, an ti Famien Nyanmien'n i nyrun dyranfue, an ti Nyanmien nvlé'n nun swran, an ti i lie mlonmlon. O faa amun ke an yi i b'o flee amun ke an dyaô aôsin nun, an bla lika ng'o kpadya kpa'n nun'n i aye.

NYANMIƐN NDƐ'N 1998

⁹ Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

1 Piɛr 2:9 ပူးပေါင်းရင်းမြစ်များ

Matthieu 4:16

Swran nga bé tran aôsin'n nun'n, bé wuun ke lika'n kpadya dan kpa, Ye bé nga bé tran wié'n i men tuun'n nun'n lika'n kpadyali bé su.»

Matthieu 5:16

I kunngba nion, anh yô ke kannin sa swran'm bé nyrun, man bé wun amun nyôlie kpa'n nan bé manman amun Si b'o ô nyanmien su lo'n.

JÉSUS-CHRIST I DYASIN FE'N BO LUC KLELI'N 1:79

«Nan oh kpadyah bé bo bé ô aôsin'n nun nin wié i fonvo nun'n, bé su,» Ye oh kléh é atin nga é sin suo éh dih aladyé'n.

Jean 17:19

Bé ti nh fah min wun man o mlonmlon nan bé kusu bé katyi o lie sakpa.

Sa nga bé yôli'n 20:28

I so'n ti, anh nian amun bobo amun wun kpa, ye anh nian bua fa nga Nyanmien Wawe'n fa amun siéé bé su'n bé su kpa, ye anh ta Nyanmien i Asonun'n b'o fe i bobo wa'n tôli'n.

Sa nga bé yôli'n 26:18

Nh sunmonh o ke a tiké bé nyin, ke bé dyaô aôsin'n nun, bé bla wéiin nun, bé dyaô Satan sa nun, bé bla Nyanmien sin, nan o yatyi bé wun sa'n tye bé, ye liké nga bé nga bé lafi n su'n bo i ti ye bé katyi n lie'n bé nyen'n béh nyanh bé lie.

Sa nga bé yôli'n 26:28

Ye Agrippa séé Paul ke: O ka kaan a wa katyi min awlen'n man nh yôh Christfue.

Rɔmfuɛ Mun 9:24

É b'o fleli yé'n, nanh é Juif mun é ngunmin ye o flee yéo, sannge bé nga bé ti'a Juif'n bé ô nun wié.

1 Korɛntfuɛ Mun 3:17

Swran ng'o satyi Nyanmien Kpli'n i sua'n, oh satyih i sofue'n wié, afin Nyanmien i sua'n ti i ngunmin lie, amun ye an ti sua so nion.

Efɛzfuɛ Mun 1:14

Liké nga Nyanmien séé é ke éh nyenh'n, i Wawe so'n ye o klé ke éh nyenh sakpa nion. O klé é wéiin ke tyen nga o kô dé i swran'm bé ti mlonmlon'n éh nyenh, ye oh nyanh komin.

Efɛzfuɛ Mun 1:6

nan ya bô i dunman yé dan b'o fe i awlen su Ba'n yôô yé'n ti.

Efɛzfuɛ Mun 3:21

Man Asonun'n nin Christ-Jésus bé be i nyrunnyan ôsuôsu'n kwlaa nun tititi. Mon o yô so!

Filipfuɛ Mun 3:14

O man m mian min nyin dyu dyuwle nga bé siéli'n nun, nan nh nyanh liké nga Nyanmien fle é ke é nyen nyanmien su lo'n, swran wunmuan bo é nin Christ-Jésus ya yô'n ti.

Kolɔsfuɛ Mun 1:13

O déé é aôsin tuun'n i min'n sa nun, ye o fa é oo men nga i awlen su Ba'n sié'n nun.

2 Timote 1:9

O déé é, o flee é ke é yô i swran, nanh ke é yô sa kpa ti ye o flee yéo, sannge é wun akunndan bo i bobo buli'n, nin yé bo i waan Christ-Jésus ti oh yôh yé'n tio.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

1 Piɛr 1:2

É Si Nyanmien faa amun, afin o dun mmua bu i akunndan so, nan i Wawe'n ti, an katyi i lie, amun nyin yi Jésus-Christ, ye i mmôdya'n ti amun wun sa'n wiéh. Nyanmien man an nyan yé titi, ye man amun wun dyo amun fouun!

1 Piɛr 2:5

Amun kusu, an ti ke yebue b'o ô le tititi'n sa, man bé fa amun wla Nyanmien sua bo i Wawe'n kplan'n nun wié, ye amunh katyih Nyanmien nyrun dyranfue, bo i Wawe'n man amunh soeh wafa ufle su. Jésus-Christ ti, i sole so'n oh dyoh i klun.

1 Piɛr 4:11

Swran ng'o kan Nyanmien nde'n mon o kan nde nga Nyanmien klélii'n, ye nga kusu b'o di i dyunman'n, mon o fa wunmien ng'o menniin'n, di dyunman so'n, nan sa'n kwlaa nun Jésus-Christ b'o ti kpli bo bé yi i aye tititi'n ti, bé yi Nyanmien aye. Mon o yô so!

Sa nglô yile 1:6

ye o man é katyi é Si Nyanmien i awlô swran bo é tren i nyrun. Man é yi i aye, man é sé ke o ti kpli tititi! Mon o yô so!

Sa nglô yile 20:6

Bé nga bé kô tyen klikli so'n wié'n, bé lie su ti yé, bé ti Nyanmien lie sakpa! Wié i nnyon su'n su kwla'a bé, béh yôh Nyanmien nin Christ bé nyrun dyranfue, bé nin i ye béh dih famien afue akpi nion.

Sa nglô yile 5:10

O man ba katyi é Nyanmien'n i awlô swran bo bé tren i nyrun. Bé ye béh siéh swran mun asie'n su waa.