1 Piɛr 2:8 - Nyanmien nde Ufle

⁸ O ti yebue b'o kpla swran'm bé dya, Yebue dan kun bo swran'm bé fin asé su.» Bé dya'n kplelii, yele ke ba fa'a Nyanmien nde'n su, afin ke Nyanmien'n siéli bé lie'n soo.

NYANMIƐN NDƐ'N 1998

⁸ Ɔ ti yɛbuɛ b'ɔ kpla sran'm bé ja, ɔ ti yɛbuɛ dan kun bɔ sran'm be fin ase su.» Bé ja'n kplɛli i yɛlɛ kɛ b'a fa-man Nyanmiɛn ndɛ'n su, afin kɛ Nyanmiɛn'n sieli be liɛ'n sɔ-ɔ .

1 Piɛr 2:8 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 2:34

Siméon yraa bé nguan, nan wa sé i nin Marie ke: Nian, ba ng'o ô ye'n, o ô le Israëlfue'm bé sunman bé asé finle nin bé sumanle'n ti. O wa yô ke liké kun bo bé wa ken i wun nde te sa,

Rɔmfuɛ Mun 9:22

?Ye Nyanmien kusu yô'a swran mun ke se ufue'n yô i se mun'n sa? ?Se o klô ke swran'm bé si ke wa fa bé wun ya, ye o kwla sa kwlaa yô'n, ye se bé nga bé kun i ya bo bé nin kunle fata'n, o blu su'n, o kwla yô'e so?

1 Korɛntfuɛ Mun 1:23

Sannge é lie'n, Christ bo bé bôbôlii waka'n su, bo i nde kanle'n ti Juif'm bé ngasi'n, b'o ti bé bo bé ti'a Juif'n bé nyrun sinnzin nde'n, i nde ye é kaan.

2 Korɛntfuɛ Mun 2:16

Bé nga bé su mlin'n bé lie'n o ti ke duwle kpukpuwa sa, o kun swran, ye bé nga bé su fité nun'n bé lie'n o ti liké kpa, o man bé nyan nguan. ?Wan ye o kwla di i so dyunman nion?

Galasifuɛ Mun 5:11

?Sannge n lie'n, aniaan mun, se lélé nde n te kan klen wlale nde'n, nzu ti ye bé te klé n yaleo? Se n te yô so'n, Christ i waka'n su bôbôle nde bo n kan'n, o su yô'a swran ngasi kun.

1 Tɛsalonikfuɛ Mun 5:9

Afin nanh é wun ya fale ti ye Nyanmien faa yéo, sannge o faa é ke é Min Jésus-Christ ti, é nyan é ti.

1 Piɛr 2:6

Afin bé klee Nyanmien Nde'n nun ke: «Anh nian, n faa yebue kpa kun bo nh siéh Sion (*f14*) lo ke yebue kpa b'o tra sua'n i tyondyo'n i asé'n sa, Swran ng'o lafi i su'n, i nyin su gua'a asé.»

1 Piɛr 2:7

Amun bo an lafi yebue so'n su'n, o ti amun liké kpa. Sannge o sé bé nga bé lafi'e i su'n bé ke: «Yebue bo sua kplanfue'm bé yii blô'n, I ye wa katyi yebue kpa b'o tra sua'n i tyondyo'n i asé nion.

2 Piɛr 2:3

Bé nyin b'o blô ninngé'm bé su'n ti, béh kpeh bé ti nun kan nde mun, béh fah amun kunnde bé sika. Bé buu bé fo wa tye, san béh mlinh.

Jude 1:4

Afin swran wié mun bo bé srô'a Nyanmien'n ba'a wlu é nun blelele. Bé fa yé nga Nyanmien yôô bé'n kata bé nyin yô sa tete'n kwlaa, bé bu'a Jésus-Christ bo i kunngba ye o ti é Min'n nin é Liké Kléfue'n i liké fi. Swran so'm bé fo bule nde'n bé kle siéé le lalaa.