1 Piɛr 2:12 - Nyanmien nde Ufle

¹² Anh yô sa ng'o ti kpa'n bé nga bé ti'a Christfue'n bé nyrun, nan se bé satyi amun dunman ke an ti sa te yôfue'n, bé wun sa kpa nga an yô bé'n, nan tyen nga Nyanmien ba'n, béh menmenh.

NYANMIƐN NDƐ'N 1998

¹² An `yo sa ng'ɔ ti kpa'n be nga be ti-man Kristfuɛ'n be nyrun nan sɛ be saci amun dunman kɛ an ti sa tɛ yofuɛ mun'n, be wun sa kpa nga an yo be'n nan cɛn nga Nyanmiɛn ´ba'n, be `mɛnmɛn i.

1 Piɛr 2:12 ပူးပေါင်းရင်းမြစ်များ

Matthieu 10:25

Se swran b'o suan liké'n yô ke swran b'o klé i liké'n sa'n, i so'n ti kpa, ye se swran b'o su swran'n yô ke i min'n sa'n, i so'n ti kpa. Se bé flee awlô kpen'n ke Béelzébul'n, (*f7*) bé wa fle i awlôfue'm bé kusu so kpe blu.

Matthieu 5:11

Ke béh keh amun nzôwa, bo béh kléh amun yale, bo béh tonh amun suen tete'n kwlaa n dunman nun'n, amun lie su ti yé,

Matthieu 5:16

I kunngba nion, anh yô ke kannin sa swran'm bé nyrun, man bé wun amun nyôlie kpa'n nan bé manman amun Si b'o ô nyanmien su lo'n.

Matthieu 9:8

Ke swran'm bé wuun i so'n, sre kuun bé, bé manman Nyanmien b'o tin swran mun ke nga sa'n.

JÉSUS-CHRIST I DYASIN FE'N BO LUC KLELI'N 1:68

Israël'm bé Nyanmien b'o ti é Min'n, i kwla ô, Yele ke wa nien i swran'm bé ôsu, wa dé bé ti.

JÉSUS-CHRIST I DYASIN FE'N BO LUC KLELI'N 19:44

béh bubuh klo'n, béh kunh klo'n su swran mun, bé su yatyi'a tale fi le, yele ke, ke Nyanmien wa niaan amun ôsu'n, amuan wu'en i wle.

JÉSUS-CHRIST I DYASIN FE'N BO LUC KLELI'N 6:22

Ke swran'm béh kpoh amun, béh kanh amun bô, béh kpeh amun nzôwa, béh satyih amun dunman m bo n katyii Swran'n n ti'n, amun lie su ti yé!

Jean 13:31

Ke Judas fitéli'n, Jésus sé ke: Sien'n m bo n katyii Swran'n, n swran wafa nga n ti'n i nglô yile'n wa dyu, ye n ti Nyanmien a yi i wun nglô.

Sa nga bé yôli'n 15:14

Simon kan i kpale klikli bo Nyanmien niaan bé bo bé ti'a Juif'n bé ôsu b'o fa bé nun nvlé kun nan i dunman tren i su'n kléé é.

Sa nga bé yôli'n 24:13

Sa nga ti ye bé sanmaan min nde'n, ba wu'an sa fi bo bé kwla dyran su b'o klé ke bé nde'n ti nanwleo.

Sa nga bé yôli'n 25:7

Ke bé fe dyuu le'n Juif'm bo bé fin Jérusalem bali'n, bé sin yielii nan ba toen i suen tete kpanngban kpa, bé kwla wu'en i nyin nan ba di i nanwle.

Sa nga bé yôli'n 28:22

Sannge é klô ke é si akunndan ng'o ô o klun'n, afin é si ke bé kan swran nga bé fa nde so'n su'n bé wun nde lika'n kwlaa.

Rɔmfuɛ Mun 12:17

Se swran yô amun te'n, nanh an yô i wié. Sa kwlaa nga amun yô'n, anh yô man swran'n kwlaa bé wun ke an ti kpa.

Rɔmfuɛ Mun 13:13

Man é yô sa bo bé ti nanwle'n ke é ô wia klénglé kpa'n nun sa. Man é yatyi nzanbôe'n, nin nzanbôe nyôlie'n, ye bé wun wannzô yôle'n, bla nin bian kunndele'n, wlaka bôle'n, utré'n, nin swran nyin tyile'n.

Rɔmfuɛ Mun 14:18

Swran ng'o di Christ i dyunman'n ke nga sa'n, Nyanmien klun dyo i wun, ye swran'm bé bô i dunman.

Rɔmfuɛ Mun 15:9

ye bé bo bé ti'a Juif'n bé kusu béh lah Nyanmien asé i aunnvue b'o wun bé'n ti. Afin bé klee ke: «I so'n ti, mh bôh o dunman bé nga bé ti'a Juif'n bé nyrun, Ye nh tôh dyué mh bôh fle o.»

1 Korɛntfuɛ Mun 14:25

Oh wunh sa ng'o ô i awlen'n nun'n, i so'n ti oh kôtôh Nyanmien bô, oh wutuh i nyin asé, oh séh ke: «Nyanmien ô amun afien sakpa.»

2 Korɛntfuɛ Mun 1:12

Sa nga ti ye é di é nuan'n ye: é si é klun lo kpa ke nantile wafa nga é fa nanti men'n nun'n, é nanti i so kpa amun nyrun tra su. É nuan nun ti'a nnyonnyon, Nyanmien man é di nanwle. Nanh swran ti blé ngwlele bo é si'n ti ye man é yô soo, sannge Nyanmien ye o dyran é sin ye man é yô soo.

2 Korɛntfuɛ Mun 13:7

Éh sreh nyanmien ke, nanh an yô sa te fi. Nanh ke é sre i so nan an yô kpa nan swran bu é ke é ti kpa tio. Kannze bé bu é ke é ti'a kpa bobo'n, é klô ke an yô sa kpa.

2 Korɛntfuɛ Mun 8:21

Nanh liké nga é Min'n i nyrun o ti nanwle'n i ngunmin ye é yôo, sannge é yô ng'o ti nanwle swran'm bé nyrun'n kusu wié.

Efɛzfuɛ Mun 2:3

Laa é kwlaa é ti ke bé sa, liké nga klo swran kônvi soe'n, ye é kunndeo, liké kwlaa ng'o yô é fe bo é bu i akunndan'n, ye é yôo. Nzuen so'n bo bé wulii nin yé'n ti, san Nyanmien fah é wun ya ke o fa swran wié'm bé wun ya'n sa.

Efɛzfuɛ Mun 4:22

I so'n ti, anh wla amun nzuen laa b'o man an yô sa ng'o fataman'n i asé. I ti ye amun nyin blô ninngé'm bé su, an laka amun wun lélé an satyi nion.

Filipfuɛ Mun 1:27

Sa'n kwlaa nun, anh yô sa ng'o nin Christ dyasin fe'n ti kun'n, nan se mh bah amun wun wunle ô, se m baman ô, man ti amun ngan ke amun kwlaa amun bô ti kun kpa amun dyran kéklé, ye amun akunndan'n ti kun, an mian amun nyin dyasin fe'n bo an lafi su'n ti.

Filipfuɛ Mun 4:8

Aniaan mun, min nde'n i atabô'n ye: man amun akunndan'n tran liké kwlaa ng'o ti kpa'n nin sa kwlaa bo swran yôo o ti kpa'n bé su, yele nde nanwle'n, nin liké nga bé bui liké kpa'n, nin liké ng'o ti i nuan su'n, nin sa ng'o ti a te mlonmlon'n, nin liké ng'o ti klaan'n, ye nde nga bé tio o dyo bé klun'n.

1 Tɛsalonikfuɛ Mun 4:12

Se an yô so'n, bé nga bé ti'a Christfue'n béh buh amun swran ye liké fi su mia'an amun sa.

1 Timote 2:2

Anh sre i ke o nian famien nin swran ngblingbli'n kwlaa bé su, man é di aladyé, é nyan é ti fouun nan é srô Nyanmien kpa, é nzuen'n yô kpa.

1 Timote 4:12

Ke bo a ti gbanflen kaan'n ti, nanh yô man swran fi yô o finfin, sannge yô sa ng'o ti kpa'n, man bé nga bé lafi Christ su'n bé nian su yô, o idyole nun ô, o nzuen'n nun ô, o swran klôle nun ô, o Nyanmien sulafile nun ô, o nin sa te bo a yôman nin ô.

1 Timote 5:10

Man bé wun ke o yô swran'm bé yé, o nien i mma'm bé su kpa, o ti aklunyéfue, o wunnzin Nyanmien swran'm bé dya, o uka yalefue mun, o yô sa kpakpa'n kwlaa.

Hébreu 13:18

Anh sre Nyanmien titi ke o nian é su. É si é klun lo wéiin ke ya yô'a sa fi, afin sa'n kwlaa nun é klô ke éh yôh sa ng'o ti kpa'n.

Hébreu 13:5

Liké nga amunh yôh'n, nanh an yôé sika klôle'n ti. Man amun nyin yi liké nga an lee'n, afin Nyanmien bobo sé ke, «o su yatyi'a o, o su kpotyi'a o mlonmlon.»

Jacques 3:13

?Amun nun ônin ye o si ngwlele, o wun sa wleo? Man bé wun i so i nzuen kpa'n nin sa kpa ng'o yô bé'n bé nun, ye man bé wun ke o yô i wun aénvue, o ti ngwlelefue.

1 Piɛr 2:15

Sa nga Nyanmien klô'n yele ke an yô sa ng'o ti kpa'n. I so'n nun sinnglinfue'm bo bé wu'an sa wle'n, bé su kwla ka'an nde fi.

1 Piɛr 3:16

Sannge anh te bé su amannien su, man bé wun ke an srô Nyanmien. Ke amunh yôh so'n, nanh an yô sa nga b'o man amunh kôkôh i sin'n, nan bé nga bé satyi amun dunman, bo bé kan sa kpa nga Christ ti an yô bé'n, bé nde'n, bé wun nyannzuen.

1 Piɛr 4:11

Swran ng'o kan Nyanmien nde'n mon o kan nde nga Nyanmien klélii'n, ye nga kusu b'o di i dyunman'n, mon o fa wunmien ng'o menniin'n, di dyunman so'n, nan sa'n kwlaa nun Jésus-Christ b'o ti kpli bo bé yi i aye tititi'n ti, bé yi Nyanmien aye. Mon o yô so!

2 Piɛr 3:11

?Se ninngé so'n kwlaa béh satyih so'n, liké ônin ye se an yôo o ti suo? Man amun nzuen'n yô kpa, anh fa amun wun mantan Nyanmien!