1 Piɛr 1:7 - Nyanmien nde Ufle

⁷ i so'n nun ye béh wunh ke an lafi Nyanmien su kpaa. Sika okwle bo tyen wié oh satyih'n, bé klôé nian. Amun kusu ke an lafi Nyanmien su'n, an ti kpa tra sika okwle, sannge san béh sah amun nian. Ye ke bé wun ke an lafi i su kpa'n, tyen nga Jésus-Christ wa yi i wun nglô'n, béh manmanh amun, béh yih amun aye, béh yôh amun mô.

NYANMIƐN NDƐ'N 1998

⁷ i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.

1 Piɛr 1:7 ပူးပေါင်းရင်းမြစ်များ

Matthieu 19:28

Ye Jésus sé bé ke: Nanwle, ke bé wa bô men'n i ufle ékun'n, bo m bo n katyii Swran'n nh yih n famien nglô bo nh tranh m bia'n su'n, amun bo an suu n su'n, amun kusu an wa tran bia blu-nin-nnyon su, amunh dih Israël nvlé blu-nin-nnyon'n bé dyole.

Matthieu 25:21

I min'n sé i ke: O ti kpa. A ti swran kpa, a ti nanwlefue, liké kaan nga n fa mannin wo'n, a yôli i kpa, i so'n ti, n kusu nh foh o sié liké dan su. Bla man é ablé.

Matthieu 25:23

I min'n sé i ke: O ti kpa. A ti swran kpa, a ti nanwlefue, liké kaan nga n fa mannin wo'n a yôli i kpa, i so'n ti, nh foh o sié liké dan su. Bla man é si ablé.

JÉSUS-CHRIST I DYASIN FE'N BO LUC KLELI'N 12:33

Anh yô amun ninngé'm bé ate, anh fe i sika'n tye yalefue mun. Anh kpe betro b'o yôman nvuen bo liké wié'a nun'n, anh sié nyanmien su lo, lo lie'n, awiéfue ko'a lo, nvole di'a liké lo.

JÉSUS-CHRIST I DYASIN FE'N BO LUC KLELI'N 17:30

Ke m bo n katyii Swran'n min wun nglô yile tyen'n nun o wa yô soo.

Jean 12:26

Swran nga i waan oh suh min'n, mon o su n su, ye lika nga n wô nun'n, n swran so'n oh tranh lo wié. N Si buh swran ng'o su min'n i swran.

Jean 5:44

?Amun bo an klô ke amun wiéngu bô amun dunman'n, bo an klô'a ke Nyanmien b'o ti kunngba tye'n ye o bô amun dunman'n, oh yôh se ye amunh kwlah lafi i suo?

Sa nga bé yôli'n 8:20

Ye Pierre sé i ke: Man a nin o sika'n bé o nyrennen lika'n nun lo, yele ke a bui ke a kwla fa sika tô Nyanmien liké b'o fa tye'n.

Rɔmfuɛ Mun 2:10

Sannge bé kwlaa nga bé yô kpa'n, Nyanmien man béh nyanh nyrun, béh buh bé swran, ye béh dih aladyé, Juif mun ye bé ti kliklio, i sin bé nga mun.

Rɔmfuɛ Mun 2:29

sannge Juif kpa'n yele swran ng'o ti so i awlen'n nun'n, ye klen wlale kpa'n yele nga Nyanmien Wawe'n wle swran i awlen'n nun b'o fi'an mmla nga bé kleli'n nun'n. Nanh swran mun ye bé yi Juif kpa so'n i ayeo, Nyanmien bobo ye o yi i ayeo.

Rɔmfuɛ Mun 2:7

Bé nga bé tra bé awlen bé yô kpa, bo bé kunnde ke bé nyan nyrun bé bu bé swran, bo bé kunnde nguan'n, oh manh bé anannganman nguan.

Rɔmfuɛ Mun 8:19

Liké kwlaa nga Nyanmien yii bé'n, bé wun blibli bé, bé minnde tyen nga Nyanmien wa yi i mma'm bé nglô'n.

1 Korɛntfuɛ Mun 3:13

liké nga swran kun yôli'n bé wa wuin. Afin dyole dile tyen'n nun sin man oh fitéh nglô, ye liké nga swran kun yôli'n béh fah sin gua su nian.

1 Korɛntfuɛ Mun 4:5

I so'n ti, nanh an dun mmua di swran fi dyole nan é Min'n wa ba, i ye sa kwlaa ng'o ô nvialie nun bo bé wunmen'n, o man béh wunh io, ye akunndan kwlaa ng'o ô swran klun'n, oh yih i nglô. Ke o kô yô so'n, liké nga swran kun yôli'n, Nyanmien yôh i mô.

Jacques 1:12

Swran nga sa to i su b'o tre i awlen'n, i lie su ti yé. Afin ke Nyanmien wun ke o tre i awlen sa so'n nun'n, oh fah nguan b'o ti liké kpa, bo i waan oh fah man bé nga bé klôé'n, men.

1 Piɛr 1:13

I so'n ti, anh bu akunndan, anh nian amun wun su, man amun nyin tran liké nga tyen nga Jésus-Christ wa yi i wun nglô'n oh fah man amun'n su kpa.

1 Piɛr 1:5

Nyanmien Kpli siéé i lo sié amun i su bo an lafi'n ti, oh nianh amun su lélé amunh nyanh amun ti, afin wa dun mmua sié i ke men'n i awiélie oh yih amun ti nyanle so'n i nglô.

1 Piɛr 2:4

Anh fa amun wun menten, afin o ô le tititi. I ye o ti yebue bo swran'm bé yii i blô, sannge Nyanmien wuun ke o ti kpa, b'o fali nion.

1 Piɛr 2:7

Amun bo an lafi yebue so'n su'n, o ti amun liké kpa. Sannge o sé bé nga bé lafi'e i su'n bé ke: «Yebue bo sua kplanfue'm bé yii blô'n, I ye wa katyi yebue kpa b'o tra sua'n i tyondyo'n i asé nion.

1 Piɛr 4:12

N swran kpa mun, nanh man sa ng'o to amun su amun sa nianle'n ti'n, o bô amun nuan. Nanh an bu i ke o ti sa te.

1 Piɛr 4:13

Sannge ke an wun nyrennen kunngba nga Christ wunniin'n wié'n, man amun klun dyo, nan tyen nga béh yih i swran wafa ng'o ti'n i nglô'n, amun klun a dyo kpa.

1 Piɛr 5:1

I so'n ti, m ma sre amun bo an ti asonun kpenngben'n amun liké kun. M bobo n ti asonun kpenngben ke amun sa, n kan Christ i nyrennen b'o wunniin'n i nde, ye anyrunnyan liké nga Nyanmien wa yi nglô'n, n dunman'n teh nun wié. Nh sreh amun,

2 Piɛr 1:1

N Simon Pierre, bo n ti Jésus-Christ dyunman difue, b'o sunmaan min'n, nh kleh fluwa nga ble amun bo Nyanmien man amun lafi i su kpa ke é sa'n. I so'n fin é Défue Jésus-Christ b'o ti Nyanmien'n, afin o ti swran kpa.

2 Piɛr 1:4

Ke o yôô so'n, o kan nde fe klé é ke o wa yô liké dan man é nan ke an kô nyan liké so'n, an yatyi liké nga bé nyin blô su b'o man men'n satyi'n, nan an katyi ke Nyanmien sa.

2 Piɛr 3:14

N swran kpa mun, i so'n ti, ke éh minndeh tyen so'n, anh yô liké kwlaa nga an kwla yô'n nan o wun ke an ti swran kpa bo sa kaan sa nu'an amun wun, nan amun nin i amun nuan a se.

Jude 1:24

Nyanmien b'o kwla nian amun su b'o man an fonman'n, bo ke o man amunh koh i wun lo'n, sa kaan sa bo'an amun wun, amun klun dyo'n,

Sa nglô yile 1:7

Anh nian, o nin nyanmien blé'n bé su ba! Swran'n kwlaa béh wuinh, ye bé nga bé woo i tyua'n, béh wuinh wié. I ti, asie'n su nvlénvlé'n kwlaa béh bôh auyé. Oh yôh so sakpa! Mon o yô so!

Sa nglô yile 2:10

Nanh sre kun amun nyrennen nga an wa wuin'n ti. Anh nian, mmusu'm bé si Satan'n o wa wla amun nun wié'm bé bisua, oh sah amun nian. Amunh wunh nyrennen lé blu. Se kunle bobo ye béh kunh amun'n, anh tra amun awlen, ye liké nga nh fah yô amun mô'n yele nguan'n.

Sa nglô yile 3:10

An fa nde bo n kan kléé amun ke an tra amun awlen'n su. O man ke sa kéklé toh men wunmuan'n su swran'n kwlaa bé sa nianle'n ti'n, n kusu nh sasah amun.

Sa nglô yile 3:18

I so'n ti, nh kanh klé amun ke anh tô sika okwle bo ba klôé'n n sa nun nan an yô anyanbéunfue. Ye anh tô trale ufué fa wla amun wun nan ba wu'an ke amun wun ti kplen, nan amun nyin a gua'a asé. Anh tô ayré fa kpe amun nyin su nan an wun asé.