1 Piɛr 1:2 - Nyanmien nde Ufle

² É Si Nyanmien faa amun, afin o dun mmua bu i akunndan so, nan i Wawe'n ti, an katyi i lie, amun nyin yi Jésus-Christ, ye i mmôdya'n ti amun wun sa'n wiéh. Nyanmien man an nyan yé titi, ye man amun wun dyo amun fouun!

NYANMIƐN NDƐ'N 1998

² E Si Nyanmiɛn fali amun, afin ɔ dun mmua buli i akunndan sɔ nan i Wawɛ'n ti, an `kaci i liɛ nan amún nyin `yi Jésus-Krist, yɛ i mmoja'n ti amún wun sa'n `wie. Nyanmiɛn man an nyan ye titi, yɛ man amún wun jɔ amun fɔuun!

1 Piɛr 1:2 ပူးပေါင်းရင်းမြစ်များ

Matthieu 24:22

Se Nyanmien a kpe'a tyen so'n su'n, swran fi su fité'a nun, sannge bé b'o faa bé'n bé ti, oh kpeh tyen so'n su.

Matthieu 24:24

Afin bé bo bé ton bé wun suen ke bé ti Christ'n, o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n bobo, se bé kwla nyan bé ô.

Matthieu 24:31

Ke awe'n kô te'n, nh sunmanh min ange mun, bé wa yia bé bo Nyanmien faa bé bo bé ô men wunmuan'n nun'n, ke o fin nyanmien'n i bué kun su lélé fa dyu i bué kun ékun.

Marc 13:20

Se é Min Nyanmien'n wa kpe'a tyen so'n su wa yô'e tika'n, swran fi su fité'a nun, sannge o yôé tika bé b'o faa bé'n bé ti.

Marc 13:22

Afin bé bo bé ton bé wun suen ke bé ti Christ'n (*f1*), o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n, se béh kwlah nyan bé ô.

Marc 13:27

Nh sunmanh min ange mun, bé wa yia bé bo Nyanmien faa bé bo bé ô men wunmuan'n nun'n ke o fin asie'n i awiélie lo lélé fa dyu nyanmien'n i awiélie lo.

JÉSUS-CHRIST I DYASIN FE'N BO LUC KLELI'N 18:7

?Ye bé nga Nyanmien kpaa bé bo bé sun flee kongue nin wia nun'n, o su dyra'an bé sin di'a bé nde'n? ?Oh sisih i bô nan wa di bé dyole'n?

Sa nga bé yôli'n 2:23

Ke Nyanmien bobo dun mmua buu i akunndan b'o sié i ke bé fa bian so'n man swran mun'n, amun man bé bo bé sro'a Nyanmien'n bé bôbôlii waka'n su, bé kunniin.

Sa nga bé yôli'n 20:32

Sien'n nh fah amun wla é Min'n sa nun, ye nh fah yé dan bo Nyanmien yôô yé'n i nde'n yatyi amun sa nun. O man amunh kwlah dyran tyinndyin, ye kusu o kwla fa liké ng'o sié maan swran kwlaa ng'o ti i lie mlonmlon'n man amun.

Rɔmfuɛ Mun 1:5

I ti ye Nyanmien bu n swraan, o sunmaan min ke n ken i nde'n klé nvlénvlé'n kwlaa i bobo dunmaan nun, nan bé lafi su ye bé nyin yii.

Rɔmfuɛ Mun 1:7

Nh fah fluwa nga ble amun bo an wô Rome lo bo Nyanmien klô amun b'o fle amun ke an katyi i lie mlonmlon'n. Man é Si Nyanmien nin é Min Jésus-Christ bé man an nyan yé, ye man amun wun dyo amun fouun!

Rɔmfuɛ Mun 11:2

Nyanmien swran'm b'o dun mmua sii bé'n, wa yi'a bé blô. ?Nyanmien Nde nga bé klee ke, Élie sanmaan Israëlfue mun Nyanmien dyasu'n, an si'a nde so'n? Bé klee nde so'n ke:

Rɔmfuɛ Mun 11:28

Ke é nien i bué kun'n, é wun ke dyasin fe'n bo Juif'm ba fa'a su'n ti Nyanmien nin bé buli. I so'n yôô amun môaé sa. Sannge ke é nien i bué kun ékun bo é wun wafa nga Nyanmien fa swran'n, é wun ke bé nannan'm bé ti, bé ti Nyanmien i awlen su swran.

Rɔmfuɛ Mun 15:16

b'o sié min ke n di Christ-Jésus i dyunman bé nga bé ti'a Juif'n bé afien'n ti ye n kleli i soo. Ke mh bôh Nyanmien i dyasin fe'n, n yô i nyrun dyranfue nan nh fah bé nga bé ti'a Juif'n men, i Wawe'n man bé katyi i lie, o man i klun dyo bé wun.

Rɔmfuɛ Mun 16:19

Swran'n kwlaa bé sé ke an ti anyinyiefue. Ke an yô so'n, o dyo n klun, sannge n klô ke an yô ngwlelefue bo bé yô sa kpa, ye nanh man sa te bo kaan sa tran amun wun.

Rɔmfuɛ Mun 16:26

sannge sien'n, fluwa nga i nuan idyofue'm bé kleli'n man ya wun i wle wéiin. Anannganman Nyanmien siéli i so nan bé kwlaa nga bé ti'a Juif'n bé lafi i su ye bé nyin yii.

Rɔmfuɛ Mun 8:13

Afin se an yô sa ng'o ti klo swran nzuen'n, amunh wuh. Sannge se Nyanmien Wawe'n i fanngan nun an wla amun nyôlie tete'm bé asé'n, amunh nyanh nguan.

Rɔmfuɛ Mun 8:33

?Wan ye o kwla satyi bé bo Nyanmien faa bé'n bé dunmaan? Nyanmien ye o bu bé swran kpaa.

1 Korɛntfuɛ Mun 1:30

Afin i ye man amun nin Christ-Jésus amuan katyi swran wunmuaan, ye Christ ti é katyi ngwlelefue, o bu é swran kpa, é katyi i lie mlonmlon, ye o kpo é ti.

1 Korɛntfuɛ Mun 6:11

Ke laa amun nun swran wié'm bé ti soo. Sannge sien'n, Nyanmien a wunnzin amun, wa fa amun a katyi i lie mlonmlon, wa bu amun swran kpa é Min Jésus-Christ dunman nun, nin i Wawe'n i fanngan nun.

2 Korɛntfuɛ Mun 10:5

ye liké kwlaa nga b'o man swran'm bé si'a Nyanmien'n é satyi bé, é yô man swran'n kwlaa, se bé akunndan'n ti se ti se ô bé yatyi bé akunndan so'n bé nyin yi Christ.

Kolɔsfuɛ Mun 3:12

An ti Nyanmien i swran, o klô amun, o faa amun. I so'n ti, man swran'm bé yô amun annvo, anh yô bé kpa, anh yô amun wun aénvue, anh yô weteefue, anh blu sa'm bé su. Anh fa liké so mun fa tyityi amun ti.

2 Tɛsalonikfuɛ Mun 2:13

Aniaan mun, amun bo an ti é Min'n i swran kpa'n, amun ti o fata ke é la Nyanmien asé tititi. Afin ke o fin i bôbôle nun'n, o faa amun ke i Wawe'n man an katyi i lie ye an lafi nanwle'n su, nan an nyan amun ti.

2 Timote 2:10

I so'n ti ye sa so'n kwlaa nun bé nga Nyanmien kpaa bé'n bé ti, n tra min awlen nion, nan Christ-Jésus ti bé kusu bé nyan bé ti ye bé nyan nyrun b'o wiéman.

Tite 1:1

M Paul n ti Nyanmien i swran bo Jésus-Christ sunmaan min ke n wuka bé nga Nyanmien kpaa bé'n man bé lafi i su kpa, ye bé wun nde nanwle nga bé bo bé srô Nyanmien'n bé sii'n i wle kpa,

Hébreu 10:22

I so'n ti, man é fa é wun mantan Nyanmien. Ke éh yôh so'n, nanh man akunndan te tran é klun, man é lafi i su kpa, afin o man é wun sa'n b'o man é klun titi yé'n o wiéli, ye o fa nzué klôuun wunnzinnin é.

Hébreu 11:28

Nyanmien su b'o lafi'n ti, o bôô Pâque (*f17*) dile'n bô, ye o man bé fa mmôdya kpentenkpenten anuan'm bé su nan ange b'oh bah talua ba yasua'm bé kunle'n, wa ku'an Israëlfue'm bé lie'm bé wié.

Hébreu 12:24

nin Jésus b'o ti sa ufle nga Nyanmien waan oh yôh man swran'n i nun dyranfue'n bé wun. Jésus mmôdya b'o fa kpentenkpenten'n, se o kwla idyo'n, wuun oh kanh nde ke tra Abel lie'n.

Hébreu 5:9

Ke o yôô swran wafa nga Nyanmien klô ke o yô'n, o man bé kwlaa nga bé nyin yii'n, béh nyanh bé ti mlonmlon,

1 Piɛr 1:14

Man amun nyin yi Nyanmien, nanh an yô liké nga i nun'n bo an nian wu'an sa wle'n amun nyin blô bé su bo an yôô bé'n, bé kun.

1 Piɛr 1:19

Sannge Christ b'o ti ke bua gbanflen bo le fi nu'en i wun'n i mmôdya'n b'o ti kpa'n ye bé fa tôô amun tio.

1 Piɛr 1:20

Nyanmien dun mmua fe siéli i sin nan wa yi men'n, ye amun ti, ke ya dyu men'n i bué nuan'n, wa yii nglô.

1 Piɛr 1:22

Ke an faa nde nanwle'n su, bo amun wun sa'n wiéli'n, o man an klô'a amun niaan Christfue mun amun nuan bui su. I so'n ti, anh klô amun wun kpa, anh tu amun klun yô sa ng'o klé ke an klô amun wun'n.

1 Piɛr 2:9

Sannge amun lie'n, an ti swran bo Nyanmien faa amun, an ti Famien Nyanmien'n i nyrun dyranfue, an ti Nyanmien nvlé'n nun swran, an ti i lie mlonmlon. O faa amun ke an yi i b'o flee amun ke an dyaô aôsin nun, an bla lika ng'o kpadya kpa'n nun'n i aye.

2 Piɛr 1:2

Nyanmien nin é Min Jésus bo an si bé'n ti, bé man an nyan yé titi, ye man amun wun dyo amun fouun!

2 Jean 1:1

Mmô, m bo n ti kpenngben'n, nh kleh fluwa nga ble o bo Nyanmien fali wo'n, nin o mma mun bo n klô amun sa kpa'n. Nanh min ngunmin ye n klô amun saa, bé kwlaa nga bé sii nde nanwle'n bé klô amun sa wié.

2 Jean 1:13

O niaan bla bo Nyanmien felii'n, i mma'm béh yôh o liké.

Jude 1:2

Man Nyanmien wun amun aunnvue, nan amun wun dyo amun fouun, ye o klô amun tititi.