1 Piɛr 1:12 - Nyanmien nde Ufle

¹² Nyanmien kan kléé bé ke i nde ng'o fa wla bé nuan ke bé kan'n o ti'a bé bobo bé lie, sannge amun lieo. Bé nga bé kan dyasin fe'n Nyanmien Wawe'n b'o sunmenniin'n i fanngan nun'n, nde so'n ye bé kan kléé amun ye'n. Ange'm bé bobo bé klô ke béh wunh sa so'm bé wle.

NYANMIƐN NDƐ'N 1998

¹² Nyanmiɛn kan kleli be kɛ i ndɛ ng'ɔ fa wla bé nuan kɛ be kan'n ɔ ti-man be bɔbɔ be liɛ, sanngɛ amun liɛ-ɔ. Be nga be kan jasin fɛ'n Nyanmiɛn Wawɛ b'ɔ sunmɛnnin i'n i fanngan nun'n, ndɛ sɔ'n yɛ be kan kleli amun nin-ɔn. Anz'm be bɔbɔ be klo kɛ be ´wun sa sɔ'm be wlɛ.

1 Piɛr 1:12 ပူးပေါင်းရင်းမြစ်များ

Matthieu 11:25

I ble so'n nun Jésus séé ke: N Si, o bo a ti nyanmien su lo nin asie'n bé Min'n, kwla ô, yele ke a fa ninngé nga mun fiaa ngwlelefue nin bé bo bé si sa'n bé wun, sannge a yi bé nglô kléé bé bo bé ti ke ba kanngan mun sa'n.

Matthieu 11:27

N Si ye o fa liké'n kwlaa maan mion. Swran fi si'a Nyanmien Wa'n san i Si kunngba ye o si io, ye swran fi si'a Nyanmien Wa'n i Si'n, san Ba'n bobo o nin swran ng'o klô ke oh feh i Si'n kléé'n, bé ye bé si io.

Matthieu 16:17

Jésus sé i ke: Simon, Jonas wa, o lie su ti yé, afin nanh swran ye o yii sa so'n nglô kléé woo, sannge min Si b'o ô nyanmien su lo nion.

Marc 16:15

Ye o séé bé ke: Anh wo men wunmuan'n nun, anh kan dyasin fe'n klé swran'n kwlaa bo Nyanmien yii bé'n.

JÉSUS-CHRIST I DYASIN FE'N BO LUC KLELI'N 15:10

O man nh séh amun ke, sa te yôfue kun b'o katyi i nzuen'n ti, Nyanmien i ange'm bé klun dyo.

JÉSUS-CHRIST I DYASIN FE'N BO LUC KLELI'N 2:26

Nyanmien man i Wawe'n bô su klélii ke o su wuman, san oh wunh é Min Nyanmien i Christ'n. (*f1*)

JÉSUS-CHRIST I DYASIN FE'N BO LUC KLELI'N 9:6

Bé oli, bé wlan klo'm bé su, bé kan dyasin fe'n, bé yô tukpatyefue'm bé dyuédyué lika kwlaa.

Jean 15:26

Swran ng'o wa uka amun'n oh bah, yele Nyanmien Wawe'n b'o ti Nanwlefue b'o fin é Si Nyanmien wun lo'n. Nh feh ble amun é Si dunman nun. Ke o kô ba'n, oh kanh min nde klé amun.

Sa nga bé yôli'n 10:44

Ke Pierre nuan te ô nde'n su'n, Nyanmien Wawe'n too bé kwlaa bo bé tié i nde'n bé su.

Sa nga bé yôli'n 16:10

Ke Paul wuun liké so'n, kpekuun é buabua é wun ke éh koh, afin é wuun i wle ke é Min'n ye o flee é ke é kô bô dyasin fe'n Macédoine loo.

Sa nga bé yôli'n 2:33

Ke i si Nyanmien men i su siéé i fama su'n, o fee i Wawe'n b'o séé ke oh fah man'n, o fa menniin, ye o faa liké nga amun wuin bo an ti'n maan swran muon.

Sa nga bé yôli'n 4:31

Ke bé kan nde so'n klé Nyanmien wiéli'n, lika nga bé yiaa nun'n kédyéli, Nyanmien Wawe'n fuu bé kwlaa, nan ba kan Nyanmien nde'n yakpa su.

Sa nga bé yôli'n 4:8

Ye Pierre bo Nyanmien Wawe'n siéé'n, o sé bé ke:

Sa nga bé yôli'n 8:25

Ke bé kan sa nga Nyanmien yô maan bé'n, bo bé kan é Min'n i nde'n wiéli'n, bé saa bé sin Jérusalem. Ke béh koh'n bé bôô dyasin fe'n Samarie klo sunman su.

Rɔmfuɛ Mun 1:15

I so'n ti, n waan m ma kan dyasin fe'n klé amun Romefue mun amun kusu wié.

Rɔmfuɛ Mun 1:17

Dyasin fe so'n ye o klé é wafa nga Nyanmien fa bu swran swran kpa nion, i so'n fin swran i Nyanmien su b'o lafi'n, ye kusu o man swran lafi Nyanmien su kpa, afin bé klee ke: «Swran ng'o lafi Nyanmien su b'o man o katyi swran kpa'n, oh nyanh nguan.»

Rɔmfuɛ Mun 10:15

?Se ba sunma'an swran'n, oh yôh se ye oh kenh i ndeo? Afin bé klee ke: «Bé bo bé ba dyasin fe bôle'n, Bé bale'n yô swran'm bé fe.»

Rɔmfuɛ Mun 15:19

ye sa kéklééklé, nin atre, nin abônuan sa bo Nyanmien Wawe'n i fanngan nun n yôli'n, i tye ye n kaan. Ke m bô Christ i dyasin fe'n kwlakwlakwla sa, Jérusalem bué lie'n su lélé fa dyuu Illyrie.

1 Korɛntfuɛ Mun 2:10

É lie'n, Nyanmien man i Wawe'n yi liké so'n nglô kléli yé. Afin ke Nyanmien Wawe'n kunnde sa'n kwlaa bô'n, o si Nyanmien bobo i akunndan'n.

2 Korɛntfuɛ Mun 1:22

o siéé é nzolie, o man i Wawe'n tran é awlen'n nun, o man é si ke wa tra é asé.

2 Korɛntfuɛ Mun 6:6

Sa ng'o klé ke é ti Nyanmien dyunman difue'n bé ye, é yô'a sa sukusuku, é wun sa wle, é blu sa'm bé su, é klun ti ufué, Nyanmien Wawe'n sié é, é klô'a Nyanmien nin swran é nuan bui su,

Galasifuɛ Mun 1:12

Nanh swran ye o kan kléé mion, ye man sue'en swran fi a nun, sannge Jésus-Christ ye o yii nglô kléé mion.

Galasifuɛ Mun 1:16

Ke o klô ke oh yih i wa'n nglô klé min nan n ken i nde'n klé bé nga bé ti'a Juif'n, man kô kunnde'e i wun ngwlele swran wié sa nun.

Efɛzfuɛ Mun 3:10

nan ke o fin nde'n, nyanmien su lo mmusu nin ngbenngben'm bé wun Nyanmien i ngwlele'n, ninngé kwlaa ng'o yô bé Asonun'n nun'n, bé nun.

1 Tɛsalonikfuɛ Mun 2:9

Aniaan mun, amun wla fi'a é dyunman'n nin é afe'n su, afin ke éh bôh Nyanmien i dyasin fe'n klé amun'n, ke é kô yô nan ya mia'an amun nun wié fi sa'n, é di dyunman wia nun nin kongue.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

Hébreu 11:13

Bé kwlaa bé lafi Nyanmien su lélé bé fa wuli, sannge o nin i so'n ngba, ba nyanman liké nga i waan oh fah man bé'n. Bé wuun bé mmua lo, o man bé klun dyoli. Ye bé di bé wun nanwle ke bé ti aôfue nin wlanwlanfue asie'n su.

Hébreu 2:4

Ke Nyanmien yi atre, b'o yô abônuan sa nin sa kéklééklé fanunfanun, b'o fa liké nga i Wawe'n man swran yô'n man swran ke i klun klô'n sa'n, o guaa bé nde'n su.

Hébreu 4:2

Afin dyasin fe nga bé kan kléé bé'n, bé ken i kunngba'n kléli é kusu, sannge nde nga bé tili'n bo ba lafi'a su'n ti, ba yô'a kpa.

1 Piɛr 1:25

Sannge é Min Nyanmien Kpli'n i nde'n wô le tititi.» Nde so'n ye ke béh kanh dyasin fe'n, bé kan kléé amun nion.

1 Piɛr 4:6

I so'n ti ye bé kan dyasin fe'n kléé bé nga bé wuli'n bé kusu nion. Bé ken i so klé bé nan bé nga bé buu bé fo ke bé fa bu swran'n kwlaa bé fo'n sa'n, bé wawe'n ka le ke Nyanmien ô le'n sa.

Sa nglô yile 5:11

N niaan lo ékun, n tii ange kpanngban kpa bo bé dyu akpingbingbi'n bé nen. Bé sin yia bia'n nin liké nga bé ti ke nnen sa'n, nin kpenngben mun.