1 Korɛntfuɛ Mun 8:3 - Nyanmien nde Ufle

³ Sannge swran ng'o klô Nyanmien'n, Nyanmien si i sofue'n.

NYANMIƐN NDƐ'N 1998

³ Sanngɛ sran ng'ɔ klo Nyanmiɛn'n, Nyanmiɛn si i sɔfuɛ'n.

1 Korɛntfuɛ Mun 8:3 ပူးပေါင်းရင်းမြစ်များ

Matthieu 7:23

Ye nh séh bé ke: Amun bo an satyi mmla'n, anh fa dyaô min wun le. N si'a amun mlonmlon.

Jean 10:14

N lie'n, n ti bua tafue kpa. Ke n Si si min bo n kusu n si n Si'n, i kunngba'n, n si m bua mun ye bé kusu bé si min. Ye n fa min wun man m bua mun.

Jean 21:17

O use i kpe kun ékun ke: ?Jean wa Simon, a klô min? I kpe nsan su lie'n b'o uselii'n, o yôli Pierre ya ye o sé ke: Nannan, a si sa'n kwlaa, a si ke n klô o. Jésus sé i ke: Nian m bua'm bé lika.

Rɔmfuɛ Mun 11:2

Nyanmien swran'm b'o dun mmua sii bé'n, wa yi'a bé blô. ?Nyanmien Nde nga bé klee ke, Élie sanmaan Israëlfue mun Nyanmien dyasu'n, an si'a nde so'n? Bé klee nde so'n ke:

1 Korɛntfuɛ Mun 13:12

Ble nga é ô nun ye'n, é wun sa'm bé ke é nyrun bo é nien kpôngbô nglannglan nun'n sa, sannge ke tyen so'n kô dyu'n, éh wunh bé wle wéiin. Ble nga é ô nun ye'n, n wu'an sa ngba wle, sannge ke tyen so'n kô dyu'n, nh wunh i ngba wle kpa ke Nyanmien kusu si min kpa'n sa.

1 Korɛntfuɛ Mun 2:9

Sannge ba simen, afin bé klee ke: «Liké nga swran fi nyinma a wunmen, Bé su a timan, Bo i wun akunndan a ba'a bé klun'n Liké so'n ye Nyanmien yô meen i klôfue muon.»

Galasifuɛ Mun 4:9

?Sannge sien'n, ke amuan si Nyanmien'n, annze bo Nyanmien bobo a si amun'n, nzu ti ye an klô ke amunh sah amun sin ko ninngé ngbenngben bo bé kwla yô'a liké fi'n bé sin ékun ke amunh kôh yô bé akuaa?

2 Timote 2:19

Sannge Nyanmien i sua'n i bô asé b'o wlali'n o dyran kéklé, bé klee su ke: «É Min'n si bé ti i lie'n,» ye: Swran kwlaa nga i waan o ti é Min'n i lie'n, mon o yatyi sa te yôle'n.

Jacques 1:12

Swran nga sa to i su b'o tre i awlen'n, i lie su ti yé. Afin ke Nyanmien wun ke o tre i awlen sa so'n nun'n, oh fah nguan b'o ti liké kpa, bo i waan oh fah man bé nga bé klôé'n, men.

Jacques 2:5

N niaan kpa mun, anh sié amun su! ?Nyanmien a fa'a men nga nun yalefue mun ke bé yô anyanbéunfue i su bo bé lafi'n ti nan bé di famien nga i waan bé nga bé klôé'n, bé di'n wié?

1 Piɛr 1:8

Amuan wunmen lé, sannge an klôé. Kannze an nian wunmen'n, an lafi i su, o man amun klun dyo dan kpa, o man an wu'an nde nga an kaan.

1 Jean 4:19

É lie'n, é klô Nyanmien, afin o dun mmua klôli é.

1 Jean 4:7

N swran kpa mun, man é klô é wun, afin swran klôle'n, fin Nyanmien. Swran kwlaa ng'o klô swran'n, o ti Nyanmien wa, ye o si Nyanmien.

Sa nglô yile 2:13

N si amun tranwle'n, lo ye Satan (*f6*) i bia'n wôo. Sannge o nin i so'n ngba, an fa amun wun mantan n kpa. I nun nga bobo bo bé kuun Antipas b'o kan min nde'n tititi'n, amun wun lo lika nga Satan tran lo'n, amuan yi'a amun wla n su.

Sa nglô yile 2:19

N si amun nyôlie'n, nin klôle bo an fa klô min'n, nin n su bo an lafi'n, nin amun dyunman'n, nin awlen bo an le'n. N si ke sa nga an yô bé sien'n, bé kpa tra laa lie'n,

Sa nglô yile 2:9

N si sa ng'o to amun su'n nin yale bo an di'n. Sannge an ti anyanbéunfue! N si amun wun nde nga bé nga bé waan bé ti Juif'n bé kan'n. Bé ti'a Juif, sannge bé ti Satan (*f6*) i minnien.