1 Korɛntfuɛ Mun 4:4 - Nyanmien nde Ufle

⁴ N klun ti'a min sa fi nun, sannge nenh i so'n ti ye man min wun salio. É Min'n ye o ti n dyole difueo.

NYANMIƐN NDƐ'N 1998

⁴ N klun ti-man min sa fi nun, sanngɛ nɛ́n i sɔ'n ti yɛ man mín wun sali-ɔ. E Min'n yɛ ɔ ti n jɔlɛ difuɛ-ɔ.

1 Korɛntfuɛ Mun 4:4 ပူးပေါင်းရင်းမြစ်များ

Jean 21:17

O use i kpe kun ékun ke: ?Jean wa Simon, a klô min? I kpe nsan su lie'n b'o uselii'n, o yôli Pierre ya ye o sé ke: Nannan, a si sa'n kwlaa, a si ke n klô o. Jésus sé i ke: Nian m bua'm bé lika.

Sa nga bé yôli'n 23:1

Paul nian dyole difue mun siin, o sé ke: Nnya mun, min nzuen'n ti kpa Nyanmien nyrun lélé ye wa fa dyu nde'n, o man n klun ti'a min.

Rɔmfuɛ Mun 2:13

Nanh bé nga bé ti mmla'n ye bé ti swran kpa Nyanmien nyruon, sannge bé nga bé fa su'n bé ye Nyanmien buh bé swran kpaa.

Rɔmfuɛ Mun 4:2

Afin se Nyanmien buli Abraham swran kpa i sa kpa b'o yôli'n ti'n, wuun o le liké b'o fa di i nuaan. Sannge o kwla di'e i nuan Nyanmien nyrun,

1 Korɛntfuɛ Mun 4:3

Se an bu min se ô, se dyole difue'm bé bu min se ô, n lie'n, o ti'a n liké fi, nanh m bobo ye n di min wun dyole nion.

1 Korɛntfuɛ Mun 4:5

I so'n ti, nanh an dun mmua di swran fi dyole nan é Min'n wa ba, i ye sa kwlaa ng'o ô nvialie nun bo bé wunmen'n, o man béh wunh io, ye akunndan kwlaa ng'o ô swran klun'n, oh yih i nglô. Ke o kô yô so'n, liké nga swran kun yôli'n, Nyanmien yôh i mô.

2 Korɛntfuɛ Mun 1:12

Sa nga ti ye é di é nuan'n ye: é si é klun lo kpa ke nantile wafa nga é fa nanti men'n nun'n, é nanti i so kpa amun nyrun tra su. É nuan nun ti'a nnyonnyon, Nyanmien man é di nanwle. Nanh swran ti blé ngwlele bo é si'n ti ye man é yô soo, sannge Nyanmien ye o dyran é sin ye man é yô soo.

2 Korɛntfuɛ Mun 5:10

Afin wafa kwlaa nga é ti'n, béh fah é ko Christ dyasu, nan swran kun ke o ô wa'n i liké ng'o yôli'n, se o ti kpa ô, se o ti te ô, o nyen i nuan liké.