1 Korɛntfuɛ Mun 2:4 - Nyanmien nde Ufle

⁴ N idyole'n nin Nyanmien nde bo n ken i lo'n, o ti'a ngwlele nde bo se swran tio o fa suo, sannge o ti nde b'o yi Nyanmien Wawe'n nin i kwlale'n nglô.

NYANMIƐN NDƐ'N 1998

⁴ Min ijɔlɛ'n nin Nyanmiɛn ndɛ bɔ n kɛnnin i lɔ'n, ɔ'a yo-man ngwlɛlɛ ndɛ bɔ sɛ sran ti-ɔ ɔ fa su-ɔ, sanngɛ ɔ yoli ndɛ b'ɔ yi Nyanmiɛn Wawɛ'n nin i kwlalɛ'n nglo.

1 Korɛntfuɛ Mun 2:4 ပူးပေါင်းရင်းမြစ်များ

Sa nga bé yôli'n 20:27

Afin n kan Nyanmien i klun sa'n kwlaa kléé amun, man fia'a wié fi su amun wun.

Sa nga bé yôli'n 26:28

Ye Agrippa séé Paul ke: O ka kaan a wa katyi min awlen'n man nh yôh Christfue.

Rɔmfuɛ Mun 15:13

Man Nyanmien bo é nyin ô i sin'n o man amun klun dyo, ye an di aladyé i su bo an lafi'n ti, nan Nyanmien Wawe'n i fanngan nun amun nyin tren i sin tititi.

Rɔmfuɛ Mun 15:19

ye sa kéklééklé, nin atre, nin abônuan sa bo Nyanmien Wawe'n i fanngan nun n yôli'n, i tye ye n kaan. Ke m bô Christ i dyasin fe'n kwlakwlakwla sa, Jérusalem bué lie'n su lélé fa dyuu Illyrie.

Rɔmfuɛ Mun 16:18

Afin swran wafa so mun, nanh Christ b'o ti é Min'n i dyunman ye bé dio. Bé bobo bé klun sa lie'n ye bé yôo. Bé kan nde fe, bé fa bé nuan laka bé nga bé nian wu'an sa wle'n.

1 Korɛntfuɛ Mun 1:17

Nanh swran'm bé baptême yôle ti ye Christ sunmaan mion, Nyanmien nde kanle ti ye o sunmaan mion. Nde so'n i kanle'n, nanh ke n si ngwlele n si idyo tio. Se o ti so ti'n, wuun Christ waka'n su wule'n oh yôh ngben.

1 Korɛntfuɛ Mun 2:1

Aniaan mun, i nun'n bo n woo amun wun lo'n, nanh ke idyole bo n si idyo, annze ngwlele bo n si ti ye n kan sa nga Nyanmien fiee swran'm bé nyrun'n klé amuon.

1 Korɛntfuɛ Mun 2:13

Ke éh kanh ninngé so'm bé nde'n, nanh liké nga ngwlelefue'm bé klé yé'n i so nde ye é kaan, sannge nga Nyanmien Wawe'n klé yé'n ye é kaan. I so'n nun é fa nde nga Nyanmien Wawe'n man yé'n é fa tu Nyanmien ninngé'm bé bô.

1 Korɛntfuɛ Mun 4:20

Afin nanh nde bo swran kan'n ye o fa yi Nyanmien siéle'n nglôo, sannge sa kéklé bo bé yô'n ye o yii nglôo.

2 Korɛntfuɛ Mun 6:6

Sa ng'o klé ke é ti Nyanmien dyunman difue'n bé ye, é yô'a sa sukusuku, é wun sa wle, é blu sa'm bé su, é klun ti ufué, Nyanmien Wawe'n sié é, é klô'a Nyanmien nin swran é nuan bui su,

Galasifuɛ Mun 1:10

?Nde nga n ken ye'n, swran'm bé nyrun annze Nyanmien nyrun dunman ye n kunndeo? ?N waan n yô so nan swran'm bé klô n sa? Se n waan n yô so nan swran'm bé klô n sa'n, wuun n su yô'a Christ swran.

Kolɔsfuɛ Mun 2:4

N ken i so nan swran fi a fe'e i nuan nun fe a laka'a amun.

1 Tɛsalonikfuɛ Mun 1:5

Afin ke é kan dyasin fe'n i nde kléé amun'n, é kenmen é nuan nun ngben, Nyanmien Wawe'n ye o tin yéo, o man é wun i wle kpa ke nde nga é kan'n ti nanwle. Ke é ô amun wun lo'n, an si é wun wafa nga é yôli'n, amun ti ye é yô é wun soo.

1 Piɛr 1:12

Nyanmien kan kléé bé ke i nde ng'o fa wla bé nuan ke bé kan'n o ti'a bé bobo bé lie, sannge amun lieo. Bé nga bé kan dyasin fe'n Nyanmien Wawe'n b'o sunmenniin'n i fanngan nun'n, nde so'n ye bé kan kléé amun ye'n. Ange'm bé bobo bé klô ke béh wunh sa so'm bé wle.

2 Piɛr 1:16

Nanwle, ke éh kanh é Min Jésus-Christ i bale, nin i kwlale b'o kwla'n i nde klé amun'n, o ti'a ke ngôwa bo bé fa bé ti nun ngwlele fa di'n sa, ye é di kléé amuon. Sannge é bobo é wunnin i nyrun ng'o le'n nin é nyinma.

2 Piɛr 2:18

Bé idyo dandan ngben, bé fa ninngé nga klo swran nyin blô su'n laka bé nga bé nin bé wiéngu bo bé fa'a atin kpafue'n su'n bé su bu'n.