1 Jean 5:9 - Nyanmien nde Ufle

⁹ Se é fa nde swran'm bé wun nun bo bé kan'n su'n, Nyanmien lie ng'o kan'n i nanwle'n tra bé lie'n, afin nde nga Nyanmien kan'n yele i Wa'n i nde'n.

NYANMIƐN NDƐ'N 1998

⁹ Sɛ e fa ndɛ nga sran'm be wun nun bɔ be kan'n su'n, Nyanmiɛn liɛ ng'ɔ kan'n i nanwlɛ'n tra be liɛ'n, afin ndɛ nga Nyanmiɛn kan'n yɛlɛ i Wa'n i ndɛ'n.

1 Jean 5:9 ပူးပေါင်းရင်းမြစ်များ

Matthieu 17:5

Ke i nuan te ô nde'n su'n, nyanmien ufué fuaii kun wa kataa bé su, bé tii swran kun nen nyanmien ufué so'n nun, o sé ke, Min awlen su ba ye, i su ye n wla'n kwlaa wôo, anh tié nde ng'o kan'n.

Jean 10:38

Se n yô bé'n, kannze an lafi'a m bobo n su'n, sannge anh lafi sa so'm bé su nan amuan wun i wle kpa ke min nin n Si é ti swran wunmuan.

Jean 5:39

An suan Nyanmien Nde nga bé kleli'n, afin an bu ke i nun ye amunh nyanh anannganman nguan nion, ye nde so'n bé kan min nde.

Sa nga bé yôli'n 17:31

Yele ke wa sié tyen kun bo se tyen so'n dyu'n, o man béh fah swran'n kwlaa bo bé ô men'n nun'n, ba swran b'o siélii'n i dyasu, oh dih dyole so'n wéinwéin. Ke Nyanmien tyennin swran so'n, o ti nzolie b'o klé swran'n kwlaa ke o siélii dyole difue sakpa.

Sa nga bé yôli'n 5:32

É nin Nyanmien Wawe'n b'o fa maan bé bo bé nyin yii'n, é ti sa so'n nun lalôfue.

Hébreu 2:4

Ke Nyanmien yi atre, b'o yô abônuan sa nin sa kéklééklé fanunfanun, b'o fa liké nga i Wawe'n man swran yô'n man swran ke i klun klô'n sa'n, o guaa bé nde'n su.

Hébreu 6:18

O man nde ng'o kannin'n nin nda ng'o tali'n, liké nnyon so'n o katyi'a bé, o bua'a atô. I so'n ti, o wla é bo é talôlii'n é fanngan ke é kplin é nyin nan é nyan liké ng'o sié é nyrun lo siéli é, bo é wla ô su ke éh nyenh'n.

1 Jean 5:10

Swran ng'o lafi Nyanmien Wa'n su'n, o si nde so'n wéiin, sannge swran ng'o lafi'a Nyanmien su'n, o bu i atôfue, yele ke o lafi'a Nyanmien Wa'n i wun nde b'o kannin'n su.

1 Jean 5:8

Nyanmien Wawe'n, nin nzué'n, nin mmôdya'n. Bé nsan'n bé nde'n ti kun.