1 Jean 5:6 - Nyanmien nde Ufle

⁶ Swran ng'o bali'n yele Jésus-Christ. Ke o bali'n, nzué nin mmôdya (*f44*) ye man bé sii io. Nanh nzué ngunmin ye man bé sii io, sannge bé nnyon nion. Ye Nyanmien Wawe'n sé ke nde so'n ti nanwle, afin i bobo ti nanwlefue.

NYANMIƐN NDƐ'N 1998

⁶ Sran ng'ɔ bali'n yɛlɛ Jésus-Krist. Kɛ ɔ bali'n, nzue nin mmoja yɛ man be sili i-ɔ. Nán nzue ngunmin yɛ man be sili i-ɔ, sanngɛ be nnyɔn nin-ɔn. Yɛ Nyanmiɛn Wawɛ'n seli kɛ ndɛ sɔ'n ti nanwlɛ, afin Wawɛ'n bɔbɔ ti nanwlɛfuɛ.

1 Jean 5:6 ပူးပေါင်းရင်းမြစ်များ

Matthieu 26:28

Amun kwlaa anh non, du vin ng'o ô ye'n o ti min mmôdya b'o man amun nin Nyanmien amunh dih anuanse. Swran sunman bé ti ye béh gueh i aséo, o man Nyanmien yatyih bé sa bo bé yôlii'n tye bé.

Matthieu 3:16

Ke bé yôô Jésus baptême b'o fin nzué'n nun fitéé tye'n, kpekuun nyanmien su lo su ti muaan, o wuun Nyanmien Wawe'n o dyra ba ke aublé sa, o wa treen i su.

Marc 14:24

Ye o sé bé ke: Du vin ng'o ô ye'n o ti min mmôdya b'o man amun nin Nyanmien amunh dih anuanse. Swran kpanngban bé ti ye béh gueh i aséo.

JÉSUS-CHRIST I DYASIN FE'N BO LUC KLELI'N 22:20

Ke bé wiéé liké'n di'n, o fa klôwa'n maan bé, o sé ke: Liké ng'o ô klôwa nga nun'n, o ti min mmôdya b'o man amun nin Nyanmien amunh dih anuanse ufle, amun ti ye bé su wa gue i aséo.]

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Jean 15:26

Swran ng'o wa uka amun'n oh bah, yele Nyanmien Wawe'n b'o ti Nanwlefue b'o fin é Si Nyanmien wun lo'n. Nh feh ble amun é Si dunman nun. Ke o kô ba'n, oh kanh min nde klé amun.

Jean 16:13

Ke Nyanmien Wawe'n b'o ti Nanwlefue'n kô ba'n, oh kléh amun sa kwlaa ng'o ti nanwle'n, afin nde nga oh kanh'n, o su kpe'e i ti nun ye oh kaanh, sannge nde kwlaa ng'o tili'n ye oh kaanh, ye oh bôh sa nga bé wa ba'n su klé amun.

Jean 3:5

Ye Jésus sé i ke: Nanwle, se swran i awulie'n fi'an nzué nin Nyanmien Wawe'n, o su kwla yô'a men nga Nyanmien sié'n i nunfue.

Jean 4:10

Jésus sé i ke: Se a si liké nga Nyanmien fa man swran mun'n, o nin swran ng'o sé o ke a men nzué'n, wuun o bobo ah sreh i wié ye oh manh o nzué b'o sôndyi.

Jean 4:14

sannge swran ng'o non nzué nga nh fah men'n, nzué wé su ku'en kun lé, afin nzué nga nh fah men'n oh katyih ke nzué ti sa i nun b'o nyren piaa lélé o man oh nyanh anannganman nguan.

Jean 6:55

afin min nnen'n ti alie kpa ye min mmôdya'n ti liké kpa bo bé non.

Sa nga bé yôli'n 8:36

Ke béh koh bé nyrun'n, bé tôô nzué, ye bian'n waan: ?Nian, nzué ye ô ye'n, nzu ye man n kwla yô'a baptêmeon?

Rɔmfuɛ Mun 3:25

Ke o yô nan ya si ke Nyanmien ti kpa'n, o fa Jésus maan é ke é fa yi é ti te, nan ke bé kô kuin'n, bé bo bé lafi i su'n, sa te nga bé yôli'n, Nyanmien yatyi tye bé i mmôdya'n ti. Afin laa sa nga bé yôlii'n, o blu su.

Efɛzfuɛ Mun 1:7

Ke Christ wuli bo i mmôdya'n guali'n ti, Nyanmien déli é ti, o yatyi sa nga é yôlii'n tyee é. I so'n nun é wun yé dan nga o yôô é

Kolɔsfuɛ Mun 1:4

afin é tii Christ-Jésus su bo an lafi'n, nin klôle nga an fa klô Nyanmien swran'n kwlaa'n i nde bo bé kan'n.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

Tite 3:5

o déli é. Nanh ke é yôli sa kpa wié ti ye o déli yéo, sannge i bobo ye o sili é aunnvue soo. Ke o Wawe'n wuu é ufle wunnzinle b'o wunnziin yé'n ti, b'o man é katyi swran ufle'n, ye o déli yéo.

Hébreu 10:29

?Se o ti so'n, an bu bé nga bé yô Nyanmien Wa'n i finfin'n, bo bé bu sa nga Nyanmien waan oh yôh man swran'n i mmôdya b'o man bé wun sa'n wié'n i ngben'n, bo bé kpe Nyanmien Wawe'n b'o yô swran yé'n i nzôwa'n bé lie'n se? Bé lie'n yôh te tra su.

Hébreu 12:24

nin Jésus b'o ti sa ufle nga Nyanmien waan oh yôh man swran'n i nun dyranfue'n bé wun. Jésus mmôdya b'o fa kpentenkpenten'n, se o kwla idyo'n, wuun oh kanh nde ke tra Abel lie'n.

Hébreu 13:20

Nyanmien tyennin é Min Jésus b'o ti Bua Tafue Dan'n, i mmôdya b'o man swran nin Nyanmien bé di anuanse tititi'n ti. Man Nyanmien b'o man swran di aladyé'n

Hébreu 9:14

Se o ti so'n, Christ kwla fe i mmôdya lie'n kusu yô liké b'o tra wun asô bôle'n fatifati! Ke o ti aôlia nun swran b'o ti anannganman'n ti'n, o fe i bobo bo fien kaan nu'en i wun'n maan Nyanmien. O man liké nga bé yô'a liké fi yé bo é yô bé man é klun titi yé'n, oh wiéh nan é kwla su Anannganman Nyanmien'n!

Hébreu 9:7

Sannge sua ba i nnyon su'n, Nyanmien nyrun dyranfue dan'n i ngunmin ye o wlu lo afue kun nun kpe kuon. Ke oh wluh lo'n, san oh feh i bobo i ti nnen'n i mmôdya'n nin swran'm bé fonle'n i ti nnen'n i mmôdya'n ye o wlu loo.

1 Piɛr 1:2

É Si Nyanmien faa amun, afin o dun mmua bu i akunndan so, nan i Wawe'n ti, an katyi i lie, amun nyin yi Jésus-Christ, ye i mmôdya'n ti amun wun sa'n wiéh. Nyanmien man an nyan yé titi, ye man amun wun dyo amun fouun!

1 Piɛr 3:21

Nzué so'n ti baptême b'o man amuan nyan amun ti nde'n i nzolie. Nanh ke o wunnzin bé wunnen su fieon, sannge o man é sre Nyanmien ke nanh man é klun titi é kun. Jésus-Christ i tyenle'n ti ye é nyaan é tio.

1 Jean 1:7

Se sa nga é yô'n é yôé wéinwéin'n ke i bobo yô sa wéinwéin sa'n, é nin amun di anuanse, ye i Wa Jésus i mmôdya'n man é wun sa'n kwlaa wiéh.

1 Jean 4:10

Klôle so'n, nanh é ye é klôô Nyanmieon, i ye o klôli yéo, nan wa sunmen i Wa kunngba'n ke o fe i wun yi é ti te.

Sa nglô yile 5:9

Bé tô dyué ufle kun, bé sé ke: Wo ye a ti fluwa'n i fafueo, bo a kwla kpekpe liké nga bé fa tyityili nuon. Afin bé kuun o, a fo o wun tô swran'm bo bé fin nvlénvlé'n kwlaa nun, nin bé bo bé anien'n ti wafawafa'n kwlaa, nin swran wafawafa'n kwlaa, nin bé nga bé fin menmen'n kwlaa nun'n, maan Nyanmien.

Sa nglô yile 7:14

N sé i ke: Nannan, wo ye a si béo. Ye o sé n ke: Bé nga bé fin afe dan'n nun muon. Bé kpuu bé trale mun Bua Gbanflen'n i mmôdya'n nun ye bé fiélio.