1 Jean 4:9 - Nyanmien nde Ufle

⁹ Anh nian ke klôle nga Nyanmien fa klô yé'n i nyin fitéé daan, o sunmeen i Wa kunngba'n men'n nun nan é nyan nguan.

NYANMIƐN NDƐ'N 1998

⁹ An `nian kɛ klolɛ nga Nyanmiɛn fa klo ye'n i nyin fiteli dan-an: ɔ sunmɛnnin i Wa kunngba'n mɛn'n nun nan e `nyan nguan.

1 Jean 4:9 ပူးပေါင်းရင်းမြစ်များ

Marc 12:6

O man o ke i wa yasua'n b'o ti awlen su ba'n i kunngba tye. O sunmeen bé wun lo ékun, o sé ke: N wa lie'n, bé wa bui swran.

JÉSUS-CHRIST I DYASIN FE'N BO LUC KLELI'N 4:18

«É Min Nyanmien i Wawe'n su n su, Yele ke o guaa n su ngô (*f21*), nan m bô dyasin fe'n klé yalefue mun. O sunmaan n ke n kan klé bé bo bé traa bé lômuen'n, bé ke bé nyan bé ti, Ye n kan klé anyansifue'm bé ke bé wun asé. Ye n yô man mianfue'm bé nyan aladyé.

Jean 10:10

Bua'm bé wuale, nin bé kunle, nin bé nunnunle ti ye awiéfue'n baa, sannge n lie'n ke o kô yô nan bua'm ba nyan nguan, nan ba nyan bé ti, nan bé wun a dyo bé fouun'n ti ye m balio.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Jean 3:16

Afin Nyanmien klôô men'n lélé o fe i Wa kunngba tye'n mannin nan swran kwlaa ng'o lafi i su'n, wa mlinman, sannge o nyan anannganman nguan.

Jean 3:18

Swran ng'o lafi i su'n bé bu'e i fo, sannge swran nga wa lafi'e i su'n, Nyanmien a dun mmua bu i fo, afin wa lafi'e i a kunngba tye'n su.

Jean 5:23

nan swran'n kwlaa bé bui swran ke bé bu i Si swran'n sa. Swran ng'o bu'e i Wa'n swran'n, wuun o bu'e i Si b'o sunmenniin'n, i swran.

Jean 6:29

Jésus sé bé ke: Liké nga Nyanmien klô ke an yô'n, i waan anh lafi swran b'o sunmenniin'n su.

Jean 6:51

M bobo n ti kpaun b'o man nguan, n fin nyanmien su lo ye m balio. Swran ng'o di kpaun so'n wié'n, o su wu'a mlonmlon, min nnen'n ye o ti kpaun so'n bo nh fah man nion. Nh fah man so nan menmenfue'm béh nyanh nguan.

Jean 6:57

Ke n Si b'o ti anannganman'n sunmaan min'n, bo i ti ye n wô le'n, swran nga kusu b'o di min nnen'n, n ti oh tranh le.

Jean 8:29

Swran ng'o sunmaan min'n, o dyin n sin. Wa dyaô'a n sin, afin n yô i klun sa tyen kwlaa.

Jean 8:42

Jésus sé bé ke: Se Nyanmien ti amun Si sakpa'n, wuun amunh klôh n sa, afin n fin Nyanmien wun lo, i dunman nun ye n wô waa. Nanh n tiaun ye m balio, i ye o sunmaan mion.

Jean 9:3

Jésus sé ke: Nanh ke i bobo annze i si nin i nin bé yôô sa wié tio. Sannge bé wuu i so nan i ti bé wun sa nga Nyanmien yô'n.

Rɔmfuɛ Mun 8:32

Nyanmien bo wa sié'e i sa i Wa'n su, b'o fe mannin é kwlaa é ti'n, oh fah liké'n kwlaa uka su man é i klun-ufué su.

Hébreu 1:5

Afin ange'm bé nun ônin ye Nyanmien séé i ke, «o ti i Wa, ndeken wa katyi i sio»? ?Ye bé nun ônin ékun ye o ken i nde ke, «oh yôh i si, ye i kusu oh yôh i Waa»?

1 Jean 3:16

Anh nian sa nga b'o man é si liké nga bé flee swran klôle'n, yele ke é ti, Christ fe i wun mannin. É kusu é niaan'm bé ti, man é fa é wun man.

1 Jean 4:10

Klôle so'n, nanh é ye é klôô Nyanmieon, i ye o klôli yéo, nan wa sunmen i Wa kunngba'n ke o fe i wun yi é ti te.

1 Jean 4:16

É si ke Nyanmien klô é, o man é lafi i su. Nyanmien ye o ti swran klôfue nion, o man swran ng'o klô swran'n, wuun o nin Nyanmien ba katyi swran wunmuan, o nin i bé tran.

1 Jean 5:11

Anh nian nde so'n ye, Nyanmien maan é anannganman nguan, i Wa'n ti ye man é nyaan nguan so nion.

1 Jean 5:13

N kle nde so'n blee amun nan amun bo an lafi Nyanmien Wa'n su'n, an si ke an le anannganman nguan.