1 Jean 4:6 - Nyanmien nde Ufle

⁶ É lie'n é ti Nyanmien lie, o man swran ng'o si Nyanmien'n, o sié i su é nde'n su, sannge swran ng'o ti'e i lie'n, o sié'e i su é nde'n su. I so'n nun ye éh sih Nyanmien Wawe'n i nde'n b'o ti nanwle'n, nin nde ng'o ti'a nanwle nion.

NYANMIƐN NDƐ'N 1998

⁶ E liɛ'n, e ti Nyanmiɛn liɛ, ɔ man sran ng'ɔ si Nyanmiɛn'n, ɔ sie i su e ndɛ'n su, sanngɛ sran ng'ɔ ti-mɛn i liɛ'n, ɔ sie-mɛn i su e ndɛ'n su. I sɔ'n nun yɛ e ´si Nyanmiɛn Wawɛ'n i ndɛ'n b'ɔ ti nanwlɛ'n, ɔ nin ndɛ ng'ɔ ti-man nanwlɛ nin-ɔn.

1 Jean 4:6 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 10:22

N Si ye o fa liké'n kwlaa maan mion. Swran fi si'a Nyanmien Wa'n, san i Si kunngba ye o si io, ye swran fi si'a Nyanmien Wa'n i Si'n, san Ba'n bobo o nin swran ng'o klô ke o fe i Si kléé'n, bé ye bé si io.

Jean 10:16

M bua'm bé wié ô le bo bé nu'an tuin nga nun. San nh fah bé sofue mun ba, béh tih min nen, bé akpasua'n yôh kun ye bé tafue kun.

Jean 10:27

M bua'm bé ti n nen, n si bé, ye bé su n su.

Jean 10:3

Swran ng'o nian anuan'n su'n, o tiké i anuan, bua'm bé ti i nen'n. Bua'm bé ti i lie, o fa bé dunman'n flefle bé, o fa bé fité guasu lo.

Jean 13:20

Nanwle, swran ng'o kô so swran nga n sunmen'n nun'n, wuun wa so min nun, ye swran ng'o so min nun'n, wuun wa so swran ng'o sunmaan min'n nun.

Jean 15:26

Swran ng'o wa uka amun'n oh bah, yele Nyanmien Wawe'n b'o ti Nanwlefue b'o fin é Si Nyanmien wun lo'n. Nh feh ble amun é Si dunman nun. Ke o kô ba'n, oh kanh min nde klé amun.

Jean 16:13

Ke Nyanmien Wawe'n b'o ti Nanwlefue'n kô ba'n, oh kléh amun sa kwlaa ng'o ti nanwle'n, afin nde nga oh kanh'n, o su kpe'e i ti nun ye oh kaanh, sannge nde kwlaa ng'o tili'n ye oh kaanh, ye oh bôh sa nga bé wa ba'n su klé amun.

Jean 18:37

O man Pilate use i ke: ?O man a ti famien? Jésus sé i ke: Ye o nuan ô su leo, n ti famien. Nian sa ti bo bé wu min'n, nian sa ti bo m baa men nun'n ye, m baa ke n kan nde ng'o ti nanwle'n klé swran mun. Swran kwlaa ng'o si nanwle'n, o ti nde nga n kan'n.

Jean 20:21

Ye o sé bé ékun ke: Anh gua amun wla asé! Ke n Si fa sunmaan min'n, n kusu nh fah sunman amun so.

Jean 8:19

I so'n ti, bé use i ke: ?O Si'n wô nin? Jésus sé bé ke: An si'a min nin n Si'n. Se an si min'n, wuun an si n Si kusu.

Jean 8:23

Ye o sé bé ke: An ti asie'n su wafue, n kusu n ti nglô lofue, an ti men nga nun fue, n ti'a men nga nunfue.

Rɔmfuɛ Mun 1:1

M Paul, n ti Christ-Jésus i swran. Nyanmien flee min ke o sunman min. O yii min ke m bô i dyasin fe'n

1 Korɛntfuɛ Mun 14:37

Swran ng'o sé ke o ti Nyanmien nuan idyofue'n, annze o sé ke Nyanmien Wawe'n ye o sié i'n, mon o wun i wle ke nde nga n kle ble amun ye'n, é Min'n i nuan ndeo.

2 Korɛntfuɛ Mun 10:7

Liké nga an wun bé'n ye an niaan! Se swran wié bu i klun lo ke o ti Christ lie'n, mon o bu i kusu ke, ke o ti Christ lie'n, é kusu é ti i lie wié.

2 Tɛsalonikfuɛ Mun 1:8

Oh bah sin b'o dyué'n nun nan oh tuh bé nga bé si'a Nyanmien'n nin bé nga bé fe'e i dyasin fe'n su'n bé fo.

1 Timote 4:1

Nyanmien Wawe'n ken i wéiin ke, tyen wié lélé ke men'n koh i bué nuan'n, swran wié'm bé su lafi'a Nyanmien su kun, béh fah liké nga mmusu bo bé laka swran'n bé klé'n su.

2 Piɛr 3:2

Anh bu nde nga Nyanmien nuan idyofue'm bé kan kléé amun laa'n, o nin sa nga é Min b'o ti é Défue'n séé ke é yô'n, bo bé nga o sunmaan bé amun sin'n, bé kan kléé amun'n, i akunndan.

1 Jean 4:1

N swran kpa mun, nanh an lafi bé nga bé sé ke bé idyo Nyanmien Wawe'n nuan'n, bé ngba su, anh sa bé nian, se bé idyo Nyanmien nuan sakpa ô, annze se liké wié ye bé idyo i nuan ô. Afin bé nga bé ton bé wun suen ke bé ti Nyanmien nuan idyofue'n, bé kpanngban kpa ba ba men'n nun.

1 Jean 4:4

M mma mun, amun lie'n, an ti Nyanmien lie, o man an kwlali bé, afin Swran ng'o dyran amun sin'n ti dan tra nga b'o dyran men'n nunfue'm bé sin'n.

1 Jean 4:8

Swran ng'o klô'a swran'n, wuun o si'a Nyanmien, afin Nyanmien'n ye o ti swran klôfue nion.

1 Jean 5:19

É si ke é ti Nyanmien lie, ye Klunwifue'n sié men wunmuan'n.

Jude 1:17

Sannge n swran kpa mun, amun lie'n, anh bu nde nga bé nga é Min Jésus-Christ sunmaan bé'n bé kan kléé amun'n i akunndan.