1 Jean 4:1 - Nyanmien nde Ufle

¹ N swran kpa mun, nanh an lafi bé nga bé sé ke bé idyo Nyanmien Wawe'n nuan'n, bé ngba su, anh sa bé nian, se bé idyo Nyanmien nuan sakpa ô, annze se liké wié ye bé idyo i nuan ô. Afin bé nga bé ton bé wun suen ke bé ti Nyanmien nuan idyofue'n, bé kpanngban kpa ba ba men'n nun.

NYANMIƐN NDƐ'N 1998

¹ N sran kpa mun, be nga be se kɛ be ijɔ Nyanmiɛn Wawɛ'n nuan'n, nán an lafi be ngba su. An `sa be nian, sɛ be ijɔ Nyanmiɛn nuan sakpa o, annzɛ sɛ like wie yɛ be ijɔ i nuan o. Afin be nga be tɔn bé wun suɛn kɛ be ti Nyanmiɛn nuan ijɔfuɛ'n, be kpanngban kpa b'a ba mɛn'n nun.

1 Jean 4:1 ပူးပေါင်းရင်းမြစ်များ

Marc 13:21

O man se swran wié sé amun ke: Nian, Christ ô wa'n, annze: Nian, o ô lé sa'n, nanh an lafi su mlonmlon.

JÉSUS-CHRIST I DYASIN FE'N BO LUC KLELI'N 12:57

?O yô se ye an kwla wu'an liké ng'o ti kpa'n i wleo?

JÉSUS-CHRIST I DYASIN FE'N BO LUC KLELI'N 21:8

Ye o sé bé ke: Anh sasa amun wun, nanh man bé laka amun, afin swran kpanngban bé wa fa n dunman'n béh séh ke bé ye bé ti Christ nion, ye béh séh ke, ble'n wa mantan. Nanh an fa su.

Sa nga bé yôli'n 17:11

Juif so'm bé nzuen'n ti kpa tra Thessalonique lie mun, bé fa Nyanmien nde'n su ndende, tyen kwlaa bé fa Nyanmien Nde nga bé kleli'n nin nde nga Paul kan klé bé'n, bé sunnzun nian se o ti kun ô.

Sa nga bé yôli'n 20:29

N si ke, ke n kô wo'n, gbôklô wlefue'm bé wa wlu amun nun, béh satyih bua fa so'n.

1 Korɛntfuɛ Mun 12:10

O man wié'm bé yô sa kéklééklé, wié idyo Nyanmien nuan wié si liké nga bé ti Nyanmien lie'n nin nga bé ti'e i lie'n bé ngbatyie, wié kan anien wafawafa, wié katyi anien b'o timan'n.

1 Korɛntfuɛ Mun 14:29

Nyanmien nuan idyofue'm bé lie'n, man swran nnyon annze nsan bé idyo, ye man bé nga'm bé bu i akunndan nian.

1 Tɛsalonikfuɛ Mun 5:20

Nanh an bu Nyanmien nuan nde nga bé kan'n ke o ti ngben,

1 Tɛsalonikfuɛ Mun 5:21

sannge anh bu i kwlaa i akunndan nian, anh fa ng'o ti kpa'n,

2 Tɛsalonikfuɛ Mun 2:2

nanh man nde nga bé ken i ke é Min'n i bale tyen'n wa dyu'n o sanngan amun akunndan, nanh man sre kun amun kpekun ke nga sa. Wiénuon swran wié waan, o idyo Nyanmien Wawe'n nuan ye o ken i soo, annze bé sé ke é ye é kan soo, annze é ye é kle amun fluwa soo.

1 Timote 4:1

Nyanmien Wawe'n ken i wéiin ke, tyen wié lélé ke men'n koh i bué nuan'n, swran wié'm bé su lafi'a Nyanmien su kun, béh fah liké nga mmusu bo bé laka swran'n bé klé'n su.

2 Timote 3:13

Sannge swran nga bé klun yô wi bo bé ti gblefue'n, bé sa te nga bé yô'n i te'n oh trah laa lie'n, béh lakah swran mun ye béh lakah bé bobo bé wun.

2 Piɛr 2:1

Ke bé nga bé ton bé wun suen ke bé ti Nyanmien nuan idyofue'n bé traan swran'm bé nun'n, bé nga bé ton bé wun suen ke bé ti liké kléfue'n ke bé wa tran amun nun soo. Béh kléh amun liké nga bé ti atô, b'o satyi swran'n gble nun. Ke bé bu'a bé Min'n b'o kpo bé ti'n liké kun'n, o man béh kah le mlin.

1 Jean 2:18

Ba kanngan mun, ya dyu men'n i bué nuan. An tii i ke Christ Kpofue'n oh bah. Christ kpofue kpanngban ba ba, o man é si ke ya dyu men'n i bué nuan.

1 Jean 2:7

N swran kpa mun, nanh mmla ufle ye nh kleh ble amuon, sannge mmla laa lie kunngba nga bé fa maan amun i bôbôle nun nion. Mmla laa so'n yele nde nga an tili'n.

2 Jean 1:7

Afin swran kpanngban ba sanndi men'n nun, bé laka swran mun, bé waan, Jésus-Christ a katyi'a swran. Swran ng'o sé so'n ye o ti swran lakafue nin Christ kpofue nion.

3 Jean 1:11

N swran kpa, nanh nian sa te nga bé yô'n su, sannge nian sa kpa nga bé yô'n su. Swran ng'o yô sa kpa'n, o ti Nyanmien lie, swran ng'o yô sa te'n, o si'a Nyanmien.

Sa nglô yile 2:2

N si amun nyôlie'n, nin fele nga an feli'n, nin amun awlen bo an tre'n. N si ke amun nin swran tete mun sonman. An sa bé nga bé ton bé wun suen ke n sunmaan bé'n niannin, an wuun ke bé bua atô.