1 Jean 3:6 - Nyanmien nde Ufle

⁶ Swran kwlaa ng'o nin i bé ti swran wunmuan'n, o yô'a sa te, sannge swran kwlaa ng'o yô sa te'n, i min so'n wa wunmen, wa simen.

NYANMIƐN NDƐ'N 1998

⁶ Sran kwlaa ng'ɔ nin i be ti sran wunmuan'n, ɔ yo-man sa tɛ, sanngɛ sran kwlaa ng'ɔ yo sa tɛ'n, wuun ɔ'a wun-man i min sɔ'n yɛ ɔ'a si-mɛn i.

1 Jean 3:6 ပူးပေါင်းရင်းမြစ်များ

2 Korɛntfuɛ Mun 3:18

É kwlaa nga Nyanmien a yi é nyrun tannin ng'o kata é nyrun'n, é wun wafa kwlaa nga é Min'n i dan'n ti'n ke niannun nun sa. É katyi ke i wafa nga é fa wuin'n sa tititi lélélé éh feh kpa. É Min'n i Wawe'n ye man é yô soo.

2 Korɛntfuɛ Mun 4:6

Nyanmien b'o séé ke: Man lika'n kpadya'n, i kunngba'n ye man é wun sa wle wéiion. O man ke é nian Christ'n é wun wafa kwlaa nga Nyanmien Kpli'n ti'n, afin i ye man é sii io.

1 Jean 2:28

M mma mun, amunh nin i tran titi, nan tyen nga oh bah, bo oh yih i wun nglô'n, é wla'n wa gua asé, nan ba ka'an é bô, ya wu'an nyannzuen.

1 Jean 2:3

Se é fa Nyanmien nde'n su'n i so'n nun ye éh sih ke é sii sakpaa.

1 Jean 2:4

Swran ng'o sé ke o sii, sannge o fe'e i nde'n su'n, o ti atôfue, o di'a nanwle mlonmlon.

1 Jean 3:2

N swran kpa mun, sien'n é ti Nyanmien wa, sannge wafa nga éh katyih dyu'n, é nian wu'en ka, sannge é si ke, ke Christ wa yi i wun nglô'n, éh katyih ke i sa, afin éh wunh ke o fa ti'n.

1 Jean 3:9

Swran ng'o ti Nyanmien wa'n, o ka'a sa te yôle'n su, afin Nyanmien nzuen'n wa ke i nun, ye o kwla yô'a sa te, afin o ti Nyanmien wa.

1 Jean 4:8

Swran ng'o klô'a swran'n, wuun o si'a Nyanmien, afin Nyanmien'n ye o ti swran klôfue nion.

1 Jean 5:18

É si ke swran kwlaa ng'o ti Nyanmien wa'n, o ka'a sa te yôle'n su, afin Nyanmien Wa'n sese, o man Klunwifue'n kwla yô'e i sa fi.

3 Jean 1:11

N swran kpa, nanh nian sa te nga bé yô'n su, sannge nian sa kpa nga bé yô'n su. Swran ng'o yô sa kpa'n, o ti Nyanmien lie, swran ng'o yô sa te'n, o si'a Nyanmien.