1 Jean 3:16 - Nyanmien nde Ufle

¹⁶ Anh nian sa nga b'o man é si liké nga bé flee swran klôle'n, yele ke é ti, Christ fe i wun mannin. É kusu é niaan'm bé ti, man é fa é wun man.

NYANMIƐN NDƐ'N 1998

¹⁶ An `nian, sa nga b'ɔ man e si like nga be flɛ i sran klolɛ'n yɛlɛ kɛ e ti Krist fɛ i wun mannin. E kusu e niaan'm be ti man e fa é wun man.

1 Jean 3:16 ပူးပေါင်းရင်းမြစ်များ

Matthieu 20:28

Ke m bo n katyii Swran'n m bale'n ke o ti soo, afin man baman ke bé su min, sannge m baa ke n su swran, nan n fa min wun kpo swran sunman bé ti.

Jean 10:11

N lie'n, n ti bua tafue kpa, bua tafue kpa'n fe i wun tô i bua'm bé ti.

Jean 13:34

Mh manh amun mmla kun ékun, anh klô amun wiéngu. Klôle nga n fa klôli amun'n, amun kusu anh fa klô amun wiéngu so.

Jean 3:16

Afin Nyanmien klôô men'n lélé o fe i Wa kunngba tye'n mannin nan swran kwlaa ng'o lafi i su'n, wa mlinman, sannge o nyan anannganman nguan.

Sa nga bé yôli'n 20:28

I so'n ti, anh nian amun bobo amun wun kpa, ye anh nian bua fa nga Nyanmien Wawe'n fa amun siéé bé su'n bé su kpa, ye anh ta Nyanmien i Asonun'n b'o fe i bobo wa'n tôli'n.

Rɔmfuɛ Mun 16:4

N ti bé fa bé wun maan wié'n, i so'n ti, n la bé asé, ye bé nga bé ti'a Juif bo bé ti asonunfue'n bé kwlaa bé la bé asé wié.

Rɔmfuɛ Mun 5:8

Sannge Nyanmien klé é ke o klô é, afin ke é te ti sa te yôfue'n, é ti o man Christ wuli.

2 Korɛntfuɛ Mun 4:12

É lie'n, wié'n su é su tititi, sannge amun lie'n, an le nguan.

Efɛzfuɛ Mun 5:2

Sa kwlaa nga amunh yôh'n, anh yôé swran klôle'n ti, ke Christ kusu klôli é b'o fe i wun maan Nyanmien é ti ke te nnen bo bé yre'n (*f41*) b'o bon fannin Nyanmien bué nun'n sa.

Efɛzfuɛ Mun 5:25

Yasua mun, ke Christ klôli Asonun'n, amun kusu anh klô amun yi mun so.

Filipfuɛ Mun 2:17

Nyanmien su bo an lafi'n ti ke nnen bo bé fa soe'n sa. Se bé fa min uka su men'n, oh dyoh n klun ye amun kwlaa amunh yô m mô.

Filipfuɛ Mun 2:30

afin Christ dyunman'n ti ye o wa dé wu nion. O fe i wun maan wié'n ke o di dyunman nga amuan nya'an amun ti a di'a ma'an min'n.

1 Tɛsalonikfuɛ Mun 2:8

Klôle bo bé fa klô amun'n ti, nanh Nyanmien dyasin fe'n ngunmin ye é fa man amuon, sannge se é fa é bobo é wun nannan su'n, o ti kpa, afin an ti é awlen su swran.

Tite 2:13

É yô so nan é minnde tyen kpa nga é wla ô su ke é Nyanmien Kpli'n nin é Défue Christ-Jésus bé wa yi bé wun nglô'n.

1 Piɛr 1:18

Afin an si liké nga bé fa tôô mun, b'o man an nyan amun ti sa ngbenngben nga amun nannan'm bé fa kléé amun'n bé nun'n. Nanh liké b'o satyio, nanh dyete ufuéo, nanh sika okwleo.

1 Piɛr 2:24

Christ bobo dyraan é sa te'n i nuan bé bôbôé waka'n su, nan é nin sa te'n é bu, ye é yô sa ng'o ti kpa'n. I wunnen sule'n ti ye man ya yô dyuédyuéo.

1 Piɛr 3:18

Amun ti te ye Christ fe i wun yilio. O yôé kpe kunngba o su yô'e kun. I b'o ti swran kpa'n, sa te yôfue'm bé ti o wuli, nan oh fah amun man Nyanmien. Bé kunniin, sannge Nyanmien Wawe'n tyenniin.

1 Jean 2:6

swran ng'o sé ke o nin Nyanmien ba yô kun'n, mon o yô sa nga Jésus yôli'n bé wié.

1 Jean 2:9

Swran ng'o sé ke o ô wéiin'n nun, sannge o te kpo i niaan'n, wuun o te ô aôsin'n nun.

Sa nglô yile 5:9

Bé tô dyué ufle kun, bé sé ke: Wo ye a ti fluwa'n i fafueo, bo a kwla kpekpe liké nga bé fa tyityili nuon. Afin bé kuun o, a fo o wun tô swran'm bo bé fin nvlénvlé'n kwlaa nun, nin bé bo bé anien'n ti wafawafa'n kwlaa, nin swran wafawafa'n kwlaa, nin bé nga bé fin menmen'n kwlaa nun'n, maan Nyanmien.