1 Jean 3:12 - Nyanmien nde Ufle

¹² Nanh man é yô ke Caïn b'o ti Klunwifue'n i lie'n ti, o kuun i niaan bian'n i lie'n sa. ?Nzu ti ye o kunnin io? Yele ke sa nga i bobo yô bé'n bé ko'a atin su, sannge i niaan bian lie'n ko atin su.

NYANMIƐN NDƐ'N 1998

¹² Nán man e yo kɛ Kaɛn bɔ kɛ ɔ ti Klunwifuɛ'n i liɛ'n ti ɔ kunnin i niaan bian'n sa. ?Nzu ti yɛ ɔ kunnin i-ɔ? Yɛlɛ kɛ sa nga i bɔbɔ yo be'n be kɔ-man atin su, sanngɛ i niaan bian liɛ'n kɔ atin su .

1 Jean 3:12 ပူးပေါင်းရင်းမြစ်များ

Matthieu 13:19

Ke bo swran kun ti Nyanmien siéle'n nde'n, b'o wunmen i wle'n, kpekuun Klunwifue'n o wa yô man nde ng'o tili'n o mlin i klun. I sofue'n ye o ti ke atin mma'm b'o awié'n toli nun nion.

Matthieu 13:38

Awié fié'n yele men'n, awié'n yele Nyanmien mma mun, ye awié idyré'n yele Klunwifue'n i mma mun.

Matthieu 23:35

nan bé kwlaa nga ba yô'a sa te fi bo bé kuun bé'n ke o fin Abel nanwlefue'n i ble su lélé fa dyuu Barachie wa Zacharie bo an kunniin Nyanmien sua dan'n nin Nyanmien sowle'n bé afien'n, bé wié nde'n wa ka amun su.

Matthieu 27:23

Ye o usaa bé ékun ke: ?Sa te ônin bo tye ye o yôlio? Ye bé kpan kéklé kpa ékun ke: Man bé bôbôé waka'n su!

Matthieu 5:37

Se an sé ke, iyô'n, mon o ka su, ye se an sé ke, tyetye'n, mon a ka su, afin nde nga bé kan gua su'n o fin Klunwifue'n.

JÉSUS-CHRIST I DYASIN FE'N BO LUC KLELI'N 11:51

Ke o fin Abel lie'n su lélé fa dyu Zacharie bo bé kunniin Nyanmien sowle'n nin i sua dan'n bé afien i lie'n su'n, nanwle, bé wié nde'n adyulisufue nga'm bé su ye oh kaah.

Jean 10:32

Jésus sé bé ke: M man wunnin sa kpakpa bo n yô bé n Si fanngan nun'n. ?Sa so'm bé nun ônin ti ye man amun waan amunh finh n yebue kun mion?

Jean 8:40

N kan nde nanwle nga Nyanmien kan kléé min'n klé amun, sannge an klô ke amunh kunh min. Abraham a yô'a sa nga lé.

Jean 8:41

Liké nga amun si'n yô'n, i wié ye an yôo. Bé sé i ke: Nanh téklé ba yele é. É si ti kunngba tye, é si so'n yele Nyanmien.

Sa nga bé yôli'n 7:52

?Nyanmien nuan idyofue ônin ye amun nannan'm ba klé'a bé yaleo? Bé kunnin bé nga bé dun mmua kaan Nanwlefue'n i bale nde'n, i ye an fe maan swran mun bo bé kunniin nion.

1 Tɛsalonikfuɛ Mun 2:14

Nanwle, aniaan mun, amuan yô ke Nyanmien asonunfue'm bo bé ô Judée lo bo bé nin Christ-Jésus ba yô swran wunmuan'n bé sa, afin nyrennen kunngba nga Juif'm bé kléé bé'n, amun bobo amun nvléfue'm bé kléé amun wié.

Hébreu 11:4

Nyanmien su bo abel lafi'n ti ye i liké nga o fa solii'n i kpa tra Caïn lie nion. I su b'o lafi'n ti, Nyanmien bobo sé ke o ti swran kpa, afin o soo liké nga o fa menniin'n nun. O wuli, sannge Nyanmien su b'o lafi'n ti, o te idyo.

Hébreu 12:24

nin Jésus b'o ti sa ufle nga Nyanmien waan oh yôh man swran'n i nun dyranfue'n bé wun. Jésus mmôdya b'o fa kpentenkpenten'n, se o kwla idyo'n, wuun oh kanh nde ke tra Abel lie'n.

1 Piɛr 4:4

Ke bé nga bé ti'a Christfue'n bé wun ke amun nin bé sa'an nun yô'a sa tete so'm bé kun'n, o bô bé nuan, bé kpe amun nzôwa.

1 Jean 3:8

Swran ng'o yô sa te'n, o ti mmusu'm bé si Satan'n i lie, afin ke o fin i bôbôle nun'n, mmusu'm bé si Satan'n ti sa te yôfue. Nyanmien Wa'n baa sa nga mmusu'm bé si Satan'n yô'n i nuan nnya bule.

Jude 1:11

I sofue'm bé yakô! Afin bé fa atin kunngba nga Caïn faa su'n su wié. Ke o yô nan ba nyan sika'n, bé fa bé wun wlaa sa tete yôle'n nun ke Balaam lie'n sa. Ke bé yôô nyin kéklé ke Coré lie'n sa'n, ye bé mlinnion.

Sa nglô yile 17:6

N wuun bla so'n, Nyanmien i swran nin bé nga bé lafi Jésus su ti bé kuun bé'n bé mmôdya'n wa bô bla so'n ke nzan sa. Ke n wunniin'n, o bô n nuan dan kpa.