1 Jean 3:1 - Nyanmien nde Ufle

¹ Anh nian klôle nga é Si Nyanmien fa klô yéo! Klôle dan so'n ti ye bé fle é i wa nion. Ye é ti i wa sakpa. Anh nian sa nga ti ye men'n nunfue'm bé si'a yé'n, yele ke bé si'a Nyanmien.

NYANMIƐN NDƐ'N 1998

¹ An `nian klolɛ nga e Si Nyanmiɛn fa klo ye-ɔ! Klolɛ dan sɔ'n ti yɛ be flɛ e i mma mun nin-ɔn. Yɛ e ti i mma mun sakpa. An `nian, sa nga ti yɛ mɛn'n nunfuɛ'm be si-man ye'n yɛlɛ kɛ be si-man Nyanmiɛn .

1 Jean 3:1 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 20:36

Ye bé su wu'a kun, yele ke béh katyih ke ange'm bé sa, tyenle bo Nyanmien tyen bé'n ti, béh yôh i mma mun.

Jean 1:12

Sannge bé kwlaa nga bé soo i nun bo bé lafi i su'n, o man bé katyi Nyanmien wa.

Jean 11:52

Nanh ke nvlé so'n ngunmin tio, sannge oh yôh so nan Nyanmien ken i mma'm bo bé sanndili'n bé kwlaa bô nun.

Jean 15:21

N ti ye béh yôh amun sa so'n kwlaaa, afin bé si'a swran b'o sunmaan min'n.

Jean 16:3

Béh yôh amun so yele ke bé si'a min nin é Si'n.

Jean 17:25

N Si bo a ti swran kpa, men nunfue'm bé simon, sannge n si o, ye bé nga bé ô ye'n, bé si ke wo ye a sunmaan mion.

Jean 3:16

Afin Nyanmien klôô men'n lélé o fe i Wa kunngba tye'n mannin nan swran kwlaa ng'o lafi i su'n, wa mlinman, sannge o nyan anannganman nguan.

Rɔmfuɛ Mun 5:8

Sannge Nyanmien klé é ke o klô é, afin ke é te ti sa te yôfue'n, é ti o man Christ wuli.

Rɔmfuɛ Mun 8:19

Liké kwlaa nga Nyanmien yii bé'n, bé wun blibli bé, bé minnde tyen nga Nyanmien wa yi i mma'm bé nglô'n.

Rɔmfuɛ Mun 8:21

yele ke tyen kun liké so'n kwlaa béh nyanh bé ti, bé su satyi'a kun, ye bé dunman'n teh nyrun nga Nyanmien mma'm béh nyenh tyen nga béh nyanh aladyé'n i nun wié.

Rɔmfuɛ Mun 8:32

Nyanmien bo wa sié'e i sa i Wa'n su, b'o fe mannin é kwlaa é ti'n, oh fah liké'n kwlaa uka su man é i klun-ufué su.

2 Korɛntfuɛ Mun 6:18

Nh yôh amun si, Ye amun kusu amunh yôh n wa yasua nin n wa bla. Ke é Min Nyanmien Kpli'n sé soo.»

Galasifuɛ Mun 3:26

Afin Christ-Jésus bo an lafi i su'n ti, amun kwlaa an ti Nyanmien wa.

Galasifuɛ Mun 3:29

Se an ti Christ lie'n, wuun an ti Abraham anunman, o man liké nga Nyanmien waan oh fah men i swran mun'n, amunh nyanh wié.

Kolɔsfuɛ Mun 3:3

afin an wuli, o man ôle nga an wô le nde'n, an wô Nyanmien sa nun, afin wa fa amun nin Christ a fie i wun lo.

1 Jean 3:10

I so'n nun ye bé fa si bé nga bé ti Nyanmien wa, nin bé nga bé ti mmusu'm bé si Satan'n i wa nion, fin swran kwlaa ng'o yô sa ng'o ti'a kpa'n, b'o kpo i niaan'n, o ti'a Nyanmien wa.

1 Jean 3:2

N swran kpa mun, sien'n é ti Nyanmien wa, sannge wafa nga éh katyih dyu'n, é nian wu'en ka, sannge é si ke, ke Christ wa yi i wun nglô'n, éh katyih ke i sa, afin éh wunh ke o fa ti'n.

1 Jean 4:17

Ke é klôle nga é fa klô Nyanmien'n i nyin fitéé wéiin'n, o man é si ke dyole dile tyen'n nun é wla'n guah asé. Afin ke o fa ti'n, ke é kusu é ti so men'n nuon.

Sa nglô yile 21:7

Swran ng'o kwla'n, sa nga nh yôh men'n ye: Nh yôh i Nyanmien ye oh yôh n wa.