1 Jean 2:5 - Nyanmien nde Ufle

⁵ Sannge swran ng'o fa Nyanmien nde'n su'n, i sofue'n ye o klôé kpa sakpaa. Sa nga é yô nan ya si wéiin ke é nin Nyanmien ya yô kun'n ye:

NYANMIƐN NDƐ'N 1998

⁵ Sanngɛ sran ng'ɔ fa i ndɛ'n su'n, i sɔfuɛ'n yɛ ɔ klo i kpa sakpa-a. Sa nga e ´yo nan y'a si weiin kɛ e nin i y'a yo kun'n yɛ:

1 Jean 2:5 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 11:28

Jésus a kpli'an su, nan wa sé ke: Sé ke, swran ng'o tié Nyanmien nde'n b'o fa su'n, i lie su ti yé!

Jean 14:21

Swran ng'o ti min nde'n b'o fa su'n, swran so'n ye o klô mion. Swran ng'o klô min'n, n Si wa klôé, n kusu m ma klôé, ye nh yih min wun kléé.

Jean 14:23

Jésus sé i ke: Swran ng'o klô min'n, oh fah min nde'n su, ye n Si wa klôé, éh beh i wun, é nin i éh tranh.

Jean 15:5

Min ye n ti raisin'n i bô nion, an ti i sama. Swran ng'o nin min a yô swran wunmuan bo é tran titi'n, o ti ke waka sama b'o su kpanngban sa, afin se n nu'an nun'n, an kwla yô'a liké fi.

Jean 6:56

Swran ng'o di min nnen'n b'o non min mmôdya'n, min nin i ya katyi swran wunmuan, é su ti'a nun.

Rɔmfuɛ Mun 8:1

O man sien'n bé nga bé nin Christ-Jésus ba katyi swran wunmuan'n, bé wun sa lie'n wa wié.

1 Korɛntfuɛ Mun 1:30

Afin i ye man amun nin Christ-Jésus amuan katyi swran wunmuaan, ye Christ ti é katyi ngwlelefue, o bu é swran kpa, é katyi i lie mlonmlon, ye o kpo é ti.

2 Korɛntfuɛ Mun 5:17

Se swran kun nin Christ bé katyi swran wunmuan'n wuun Nyanmien wa bôé ufle, i akunndan'n nin i nzuen laa'n wa wié, i akunndan'n nin i nzuen'n kwlaa a katyi.

2 Korɛntfuɛ Mun 5:21

Ke o kô yô nan é nin Christ ya katyi swran wunmuan nan ya yô swran kpa Nyanmien nyrun'n ti, o man Christ b'o wa yô'a sa te fi lé'n o dyraan é sa te'n i nuan.

Jacques 2:22

?An wunmen? I Nyanmien sulafile'n nin i sa kpa yôle'n bé san nun, o man i Nyanmien sulafile'n i nyin fitéé wéiin i sa kpa b'o yôli bé'n ti.

1 Jean 3:24

Swran ng'o fa Nyanmien nde'n su'n, wuun o nin i ba katyi swran wunmuan, o nin i bé tran. Sa ti bo é si so'n, yele i Wawe'n b'o fa maan yé'n.

1 Jean 4:17

Ke é klôle nga é fa klô Nyanmien'n i nyin fitéé wéiin'n, o man é si ke dyole dile tyen'n nun é wla'n guah asé. Afin ke o fa ti'n, ke é kusu é ti so men'n nuon.

1 Jean 4:18

Sre ku'an bé swran nga bé klôé'n i wun, se bé klôé sakpa'n, sre kwla ku'an bé i wun. I so'n ti, swran nga sre te kuin'n, wuun o klô'a Nyanmien kpa, afin fo tule'n ti ye sre kun swran nion.

1 Jean 5:2

Se é klô Nyanmien bo é fe i nde'n su'n, ye é si ke é klô i mma muon.

1 Jean 5:20

É si kusu ke Nyanmien Wa'n bali, ye o kléé é ngwlele, nan é si Nanwlefue'n. É nin Nanwlefue so'n ya yô kun i wa Jésus-Christ ti. I ye o ti Nyanmien nion, i ye bé flee nguan nion.

2 Jean 1:6

Bé wun klôle so'n yele i nde'n su fale, ye i nde'n bo an tili i bôbôle nun'n, yele ke an klô amun wun.

Sa nglô yile 12:17

Ya kuun dragon'n bla'n i wun kpa, o man o nin bla'n i ôsufue nga bé ka le, bo bé fa Nyanmien nde'n, nin nde nanwle nga Jésus yii nglô'n su'n, bé kô kunnin.

Sa nglô yile 14:12

Wa ye béh wunh Nyanmien i swran bo bé tra bé awlen bé fe i mmla'n su, bo bé lafi Jésus su kpa nion.