1 Jean 2:4 - Nyanmien nde Ufle

⁴ Swran ng'o sé ke o sii, sannge o fe'e i nde'n su'n, o ti atôfue, o di'a nanwle mlonmlon.

NYANMIƐN NDƐ'N 1998

⁴ Sran ng'ɔ se kɛ ɔ si i sanngɛ ɔ fɛ-mɛn i ndɛ'n su'n, ɔ ti atofuɛ yɛ ɔ di-man nanwlɛ mlɔnmlɔn.

1 Jean 2:4 ပူးပေါင်းရင်းမြစ်များ

Jean 8:44

Amun si'n yele mmusu'm bé si Satan'n, ye an klô ke amunh yôh amun si so'n i klun sa. Ke o fin i bôbôle nun'n, o ti swran kunfue, o di'a nanwle mlonmlon, afin o si'a nanwle'n. O bua atô, afin atô'n ti i nzuen, atô'n ti i dyunman, i ye o ti atô buafue'm bé si nion.

Tite 1:10

Afin swran kpanngban bé nyin ti kéklé, bé kan nde ngbenngben fa laka swran mun. Bé kpanngban lika bé fin Juif'm bo ba katyi Christfue'n bé nun.

Tite 1:16

Bé yô bé wun ke bé si Nyanmien, sannge sa nga bé yô'n o klé'a ke bé sii. Bé wun yô te, bé nyin ti kéklé, bé kwla yô'a sa kpa bo kun sa.

1 Jean 1:10

Se é sé ke ya yô'a sa te'n, é bu i atôfue, é fe'e i nde'n su.

1 Jean 1:6

Se é sé ke é nin i di anuanse, sannge é yô sa ke é te ô aôsin'n nun sa'n, wuun é su bua atô, é di'a nanwle.

1 Jean 1:8

Se é sé ke sa te nu'an é wun'n, wun'n é su laka é wun, é di'a nanwle.

1 Jean 2:3

Se é fa Nyanmien nde'n su'n i so'n nun ye éh sih ke é sii sakpaa.

1 Jean 2:9

Swran ng'o sé ke o ô wéiin'n nun, sannge o te kpo i niaan'n, wuun o te ô aôsin'n nun.

1 Jean 3:6

Swran kwlaa ng'o nin i bé ti swran wunmuan'n, o yô'a sa te, sannge swran kwlaa ng'o yô sa te'n, i min so'n wa wunmen, wa simen.

1 Jean 4:20

Se swran kun sé ke o klô Nyanmien, sannge o kpo i niaan'n, wuun atô ye o buaa. ?Afin se o klô'e i niaan'n b'o wuin'n, o yô se ye o kwla klô Nyanmien b'o wunmen nion?

1 Jean 4:7

N swran kpa mun, man é klô é wun, afin swran klôle'n, fin Nyanmien. Swran kwlaa ng'o klô swran'n, o ti Nyanmien wa, ye o si Nyanmien.