1 Jean 2:29 - Nyanmien nde Ufle

²⁹ An si ke Christ ti swran kpa, i so'n ti, swran kwlaa ng'o sa ng'o ti i nuan su'n, o ti Nyanmien wa.

NYANMIƐN NDƐ'N 1998

²⁹ An si kɛ Krist ti sran kpa, i sɔ'n ti, sran kwlaa ng'ɔ yo sa ng'ɔ ti i nuan su'n, ɔ ti Nyanmiɛn wa.

1 Jean 2:29 ပူးပေါင်းရင်းမြစ်များ

Jean 1:13

Nyanmien wa bo bé ti'n, ba wu'a bé ke bé fa wu ba'n sa, b'o fin yasua nin bla bo bé klô ke béh nyanh ba'n, sannge Nyanmien bobo ye o wuu béo.

Jean 7:18

Swran ng'o kpe i bobo klun ké liké'n, o kunnde i bobo dunman. Sannge swran ng'o kunnde ke swran ng'o sunmenniin'n nyan dunman'n, o ti swran kpa, sa te kaan sa bo'en i wun.

Sa nga bé yôli'n 10:35

sannge nvlé'n kwlaa nun swran ng'o srôé, b'o yô i klun sa'n, i klun dyo i wun.

Sa nga bé yôli'n 22:14

O sé ke: É nannan'm bé Nyanmien'n, o faa o sié ke a si i klun sa'n, a wun Nanwlefue'n, ye a ti i nuan nde'n.

Sa nga bé yôli'n 3:14

An yili Nyanmien i Swran'n nin Nanwlefue'n i blô, an kpataa swran kunfue'n i ti ke bé yatyi i nun man amun.

2 Korɛntfuɛ Mun 5:21

Ke o kô yô nan é nin Christ ya katyi swran wunmuan nan ya yô swran kpa Nyanmien nyrun'n ti, o man Christ b'o wa yô'a sa te fi lé'n o dyraan é sa te'n i nuan.

Hébreu 7:2

Ye Abraham fa liké kwlaa ng'o nyenniin'n i blusu'n (*f16*) menniin. I dunman'n i bô kun yele famien b'o yô sa i nuan su, ye kun ékun yele Salem i famien bo i bô yele aladyé'n i min.

Hébreu 7:26

Nanwle, Nyanmien nyrun dyranfue dan nga ya nyen ye'n, ye é kunnde nion. O ti Nyanmien lie tyrôlôlô, sa te kaan sa nu'en i wun, o nin sa te yôfue'm bé sa'an nun, Nyanmien meen i tranwle kpa nglô mmuamua lo.

Jacques 1:18

I nde nanwle'n ti o fa é katyi i wa i klun klô su, nan ya yô liké kwlaa ng'o yii bé'n, bé nun klikli.

1 Piɛr 1:23

Nyanmien nde b'o katyimen, b'o ô le titi'n ti, o wuu amun ufle, o man amun si'n ti'a swran b'o wu, o ô le tititi.

1 Piɛr 1:3

É Min Jésus-Christ i Si Nyanmien Kpli, i kwla ô! I aunnvue sile dan'n ti, o wuu é ékun, o man é wla ô liké bo é si wéiin kpa ke o ô lo'n su, Jésus-Christ i tyenle'n ti.

1 Piɛr 3:18

Amun ti te ye Christ fe i wun yilio. O yôé kpe kunngba o su yô'e kun. I b'o ti swran kpa'n, sa te yôfue'm bé ti o wuli, nan oh fah amun man Nyanmien. Bé kunniin, sannge Nyanmien Wawe'n tyenniin.

2 Piɛr 1:4

Ke o yôô so'n, o kan nde fe klé é ke o wa yô liké dan man é nan ke an kô nyan liké so'n, an yatyi liké nga bé nyin blô su b'o man men'n satyi'n, nan an katyi ke Nyanmien sa.

1 Jean 2:1

M mma mun, ke o kô yô nan amuan yô'a sa te'n ti, nh kleh nde nga ble amun. Sannge se swran wié yô sa te'n, é le é ti nde kanfue, o ô é Si Nyanmien wun lo, yele Jésus-Christ b'o ti swran kpa'n.

1 Jean 3:5

Afin an si ke Christ baa sa te'n i nuan nnya bule, ye sa te kaan sa bo'en i wun.

1 Jean 3:7

M mma mun, nanh an fa amun wun man swran fi mon o laka amun. Swran ng'o yô sa b'o ko atin su'n, o ti swran kpa ke Christ ti swran kpa'n sa.

1 Jean 4:7

N swran kpa mun, man é klô é wun, afin swran klôle'n, fin Nyanmien. Swran kwlaa ng'o klô swran'n, o ti Nyanmien wa, ye o si Nyanmien.

1 Jean 5:1

Swran kwlaa ng'o lafi su ke Jésus ti Christ'n (*f1*), wuun o ti Nyanmien wa. Swran nga bé klôé'n, bé klôé nin i wa'n.

1 Jean 5:18

É si ke swran kwlaa ng'o ti Nyanmien wa'n, o ka'a sa te yôle'n su, afin Nyanmien Wa'n sese, o man Klunwifue'n kwla yô'e i sa fi.

1 Jean 5:4

Men'n nun ninngé kwlaa nga bé ti ke é kpofue'n sa'n, bé kwlaa nga bé ti Nyanmien wa'n, bé kwla bé. Nyanmien su bo é lafi'n ti ye man é kwla men'n nun ninngé kwlaa nga bé ti ke é kpofue sa muon.

3 Jean 1:11

N swran kpa, nanh nian sa te nga bé yô'n su, sannge nian sa kpa nga bé yô'n su. Swran ng'o yô sa kpa'n, o ti Nyanmien lie, swran ng'o yô sa te'n, o si'a Nyanmien.