1 Jean 2:27 - Nyanmien nde Ufle

²⁷ Amun lie'n, Christ fe i Wawe'n maan amun. Ke i Wawe so'n nin amun te ô le'n, an bô'a ye kunnde'a swran ke o klé amun liké. Afin o klé amun liké'n kwlaa, liké ng'o klé amun'n ti nanwle, o ti'a atô. I so'n ti, amunh nin i tran titi ke o kan kléé amun'n sa.

NYANMIƐN NDƐ'N 1998

²⁷ Amun liɛ'n, Krist fɛ i Wawɛ'n mannin amun. Kɛ i Wawɛ sɔ'n nin amun tɛ o lɛ'n, an bo-man wɛ kunndɛ-man sran kɛ ɔ kle amun like. Afin ɔ kle amun like'n kwlaa, like ng'ɔ kle amun'n ti nanwlɛ, ɔ ti-man ato. I sɔ'n ti, amun nin i `tran titi kɛ ɔ kan kleli amun'n sa.

1 Jean 2:27 ပူးပေါင်းရင်းမြစ်များ

Matthieu 13:11

Jésus sé bé ke: Amun ye bé yi Nyanmien siéle'n i wun akunndan bo swran wu'en i wle'n, i nglô kléé amuon, sannge bé nga'm bé lie'n, ba sié'e so.

Jean 14:16

Nh kôh sre é Si'n, oh bleh amun swran ufle b'o uka amun, yele Nyanmien Wawe'n b'o ti nanwlefue'n, o nin amunh tranh titi. Men nunfue'm bé kwla nyenmen, yele ke bé wunmen ye bé simen, sannge amun lie'n, an sii, afin o nin amun ye o traan, ye o wa tran amun awlen'n nun.

Jean 14:26

Sannge swran ng'o wa uka amun'n yele é Si i Wawe'n b'o wa sunmen n dunman nun'n, i ye o wa klé sa'n kwla, ye oh kpenh amun wla nde kwlaa nga n kan kléé amun'n suo.

Jean 16:13

Ke Nyanmien Wawe'n b'o ti Nanwlefue'n kô ba'n, oh kléh amun sa kwlaa ng'o ti nanwle'n, afin nde nga oh kanh'n, o su kpe'e i ti nun ye oh kaanh, sannge nde kwlaa ng'o tili'n ye oh kaanh, ye oh bôh sa nga bé wa ba'n su klé amun.

Jean 4:14

sannge swran ng'o non nzué nga nh fah men'n, nzué wé su ku'en kun lé, afin nzué nga nh fah men'n oh katyih ke nzué ti sa i nun b'o nyren piaa lélé o man oh nyanh anannganman nguan.

Jean 6:45

Nyanmien nuan idyofue'm bé klee ke: «Nyanmien wa klé bé kwlaa bé liké.» Swran kwla ng'o ti n Si nde'n b'o fa su'n, oh bah n sin.

1 Korɛntfuɛ Mun 2:12

Afin é lie'n, akunndan nga swran'm bé bu'n, nenh i wié ye Nyanmien man é buo, sannge Nyanmien fe i Wawe'n maan é, ke é si liké kwlaa ng'o maan é i klun-ufué'n ti'n.

1 Korɛntfuɛ Mun 2:13

Ke éh kanh ninngé so'm bé nde'n, nanh liké nga ngwlelefue'm bé klé yé'n i so nde ye é kaan, sannge nga Nyanmien Wawe'n klé yé'n ye é kaan. I so'n nun é fa nde nga Nyanmien Wawe'n man yé'n é fa tu Nyanmien ninngé'm bé bô.

2 Korɛntfuɛ Mun 1:21

Nyanmien ye o klé é nin amun wéiin kpa ke é nin Christ ya katyi swran wunmuaan, i bobo ye o siéli é ke é yô i lie mlonmlon,

Efɛzfuɛ Mun 4:21

Afin nanwle, an tii Jésus nde bo bé kan'n, ye swran wunmuan bo amun nin i katyili'n ti, bé kléé amun nanwle nde ng'o kléli'n.

Kolɔsfuɛ Mun 2:6

I so'n ti, ke an kpliin su ke Christ-Jésus yô amun Min'n, man amun nyôli'n klé ke amun nin i a katyi swran wunmuan,

1 Tɛsalonikfuɛ Mun 2:13

I so'n ti, é kusu é la Nyanmien asé titi, afin i nde bo é kan kléli amun'n, an tili ye an fa su. Amuan bu'e i ke o ti swran lie, sannge an wun i ke o ti Nyanmien nde sakpa b'o kwla yô amun bo an lafi Christ su'n, amun wun sa yé.

1 Tɛsalonikfuɛ Mun 4:9

Amun niaan klôle nde lie'n, é bô'a ye kle'a amun i su fluwa, afin Nyanmien bobo kléé amun ke an klô amun wun.

1 Timote 2:7

O sié min ke n kan nde so'n, ye o sunmaan min ke n kan nde nanwle'n nin i sulafile nde'n klé bé bo bé ti'a Juif'n. Nanwle ye n dio, m bua'a atô.

1 Piɛr 1:23

Nyanmien nde b'o katyimen, b'o ô le titi'n ti, o wuu amun ufle, o man amun si'n ti'a swran b'o wu, o ô le tititi.

1 Jean 2:28

M mma mun, amunh nin i tran titi, nan tyen nga oh bah, bo oh yih i wun nglô'n, é wla'n wa gua asé, nan ba ka'an é bô, ya wu'an nyannzuen.

1 Jean 3:24

Swran ng'o fa Nyanmien nde'n su'n, wuun o nin i ba katyi swran wunmuan, o nin i bé tran. Sa ti bo é si so'n, yele i Wawe'n b'o fa maan yé'n.

2 Jean 1:2

Afin é fa nde nanwle'n su, ye éh fah su tititi.