1 Jean 2:22 - Nyanmien nde Ufle

²² ?Wan ye o ti atôfue nion? ?Nanh swran nga i waan, Jésus ti'a Christ (*f1*) nion? Swran so'n ye o ti Christ kpofue nion, afin o bu'a é Si'n nin i Wa'n bé liké fi.

NYANMIƐN NDƐ'N 1998

²² ?Wan yɛ ɔ ti atofuɛ nin-ɔn? ?Nán sran nga i waan Jésus ti-man Krist nin-ɔn? Sran sɔ'n yɛ ɔ ti Krist i kpɔfuɛ nin-ɔn, afin ɔ bu-man e Si'n nin i Wa'n be like fi.

1 Jean 2:22 ပူးပေါင်းရင်းမြစ်များ

Matthieu 24:24

Afin bé bo bé ton bé wun suen ke bé ti Christ'n, o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n bobo, se bé kwla nyan bé ô.

Matthieu 24:5

Afin wa ti ale i wun nde nin i ngannien, béh séh ke, bé ye bé ti Christ (*f1*) nion. Bé wa laka swran kpanngban.

Jean 8:44

Amun si'n yele mmusu'm bé si Satan'n, ye an klô ke amunh yôh amun si so'n i klun sa. Ke o fin i bôbôle nun'n, o ti swran kunfue, o di'a nanwle mlonmlon, afin o si'a nanwle'n. O bua atô, afin atô'n ti i nzuen, atô'n ti i dyunman, i ye o ti atô buafue'm bé si nion.

1 Jean 1:6

Se é sé ke é nin i di anuanse, sannge é yô sa ke é te ô aôsin'n nun sa'n, wuun é su bua atô, é di'a nanwle.

1 Jean 2:18

Ba kanngan mun, ya dyu men'n i bué nuan. An tii i ke Christ Kpofue'n oh bah. Christ kpofue kpanngban ba ba, o man é si ke ya dyu men'n i bué nuan.

1 Jean 2:23

Swran ng'o so'a Nyanmien Wa'n nun'n, wuun wa so'e i bobo nun. Swran ng'o so i nun'n, wuun wa so i Si'n nun.

1 Jean 2:4

Swran ng'o sé ke o sii, sannge o fe'e i nde'n su'n, o ti atôfue, o di'a nanwle mlonmlon.

1 Jean 4:20

Se swran kun sé ke o klô Nyanmien, sannge o kpo i niaan'n, wuun atô ye o buaa. ?Afin se o klô'e i niaan'n b'o wuin'n, o yô se ye o kwla klô Nyanmien b'o wunmen nion?

1 Jean 4:3

Sannge swran ng'o lafi'a su ke Jésus katyii swran'n, nanh Nyanmien Wawe'n nuan ye o idyoo, Christ Kpofue'n bo an tii i ke oh bah'n, bo ke é sé ye'n o ô men'n nun'n i nuan ye o idyoo.

1 Jean 5:1

Swran kwlaa ng'o lafi su ke Jésus ti Christ'n (*f1*), wuun o ti Nyanmien wa. Swran nga bé klôé'n, bé klôé nin i wa'n.

2 Jean 1:7

Afin swran kpanngban ba sanndi men'n nun, bé laka swran mun, bé waan, Jésus-Christ a katyi'a swran. Swran ng'o sé so'n ye o ti swran lakafue nin Christ kpofue nion.

Jude 1:4

Afin swran wié mun bo bé srô'a Nyanmien'n ba'a wlu é nun blelele. Bé fa yé nga Nyanmien yôô bé'n kata bé nyin yô sa tete'n kwlaa, bé bu'a Jésus-Christ bo i kunngba ye o ti é Min'n nin é Liké Kléfue'n i liké fi. Swran so'm bé fo bule nde'n bé kle siéé le lalaa.

Sa nglô yile 3:9

Anh nian, m man Satan (*f6*) i minnien atôfue'm bo bé ton bé wun suen ke bé ti Juif'n, bé wa kôtô amun bô, ye béh sih ke n klô amun.