1 Jean 2:19 - Nyanmien nde Ufle

¹⁹ Swran so'n, ke bo bé ti'a éfue sakpa'n, i so'n ti ye bé yatyi é oli nion. Se bé ti éfue'n, wuun bé kaa é wun wa. Sannge bé yii bé wun so, nan swran'm bé si wéiin ke bé nun wié fi ti'a éfue.

NYANMIƐN NDƐ'N 1998

¹⁹ Sran sɔ mun'n, kɛ bɔ be ti-man e fuɛ sakpa'n, i sɔ'n ti yɛ be yaci ye ɔli nin-ɔn. Sɛ be ti e fuɛ'n, wuun be kali e wun wa. Sanngɛ be yili bé wun sɔ nan sran'm be si weiin kɛ be nun wie fi ti-man e fuɛ.

1 Jean 2:19 ပူးပေါင်းရင်းမြစ်များ

Matthieu 24:24

Afin bé bo bé ton bé wun suen ke bé ti Christ'n, o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n bobo, se bé kwla nyan bé ô.

Marc 13:22

Afin bé bo bé ton bé wun suen ke bé ti Christ'n (*f1*), o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n, se béh kwlah nyan bé ô.

JÉSUS-CHRIST I DYASIN FE'N BO LUC KLELI'N 8:13

Nga kusu b'o too akpue'n su'n yele bé nga ke bé ti Nyanmien nde'n bé klun dyo su, bé fa su kaan, sannge bé ti ke awié b'o le'a ndin'n sa, ke sa kaan to bé su'n, kpekuun ba yatyi.

Jean 15:2

N sama kwlaa ng'o suman'n, o kpe, ye ng'o su'n, o kpekpe su nan o yô kpa ye o su tra laa lie'n.

Jean 4:14

sannge swran ng'o non nzué nga nh fah men'n, nzué wé su ku'en kun lé, afin nzué nga nh fah men'n oh katyih ke nzué ti sa i nun b'o nyren piaa lélé o man oh nyanh anannganman nguan.

Sa nga bé yôli'n 15:24

É tii ke swran wié bo bé fin é wun wa bo nanh é ye é sunmaan bé'n, bé kô kan nde b'o bô amun wla, bé sanngan amun akunndan.

Sa nga bé yôli'n 20:30

Ye amun nun swran wié'm bé wa dyaô, béh kanh nde b'o ti'e i nuan su'n, bé fa laka Christfue mun nan bé su bé su.

Rɔmfuɛ Mun 9:6

Nanwle, nanh ke nde nga Nyanmien kannin'n wa kwle'e i yô tio. Afin bé kwlaa nga bé fin Israël ôsu'n nun'n, nanh bé ngba ye bé ti Israëlfue kpaa.

1 Korɛntfuɛ Mun 11:19

afin san amun wun nun bubule so'n nun ye éh wunh swran nga bé ti kpa sakpa nion.

2 Timote 2:10

I so'n ti ye sa so'n kwlaa nun bé nga Nyanmien kpaa bé'n bé ti, n tra min awlen nion, nan Christ-Jésus ti bé kusu bé nyan bé ti ye bé nyan nyrun b'o wiéman.

2 Timote 2:19

Sannge Nyanmien i sua'n i bô asé b'o wlali'n o dyran kéklé, bé klee su ke: «É Min'n si bé ti i lie'n,» ye: Swran kwlaa nga i waan o ti é Min'n i lie'n, mon o yatyi sa te yôle'n.

2 Timote 3:9

Sannge bé su kwla yô'e i so dyu'a mmua, afin bé sinnzin'n o wa fité nglô swran'n kwlaa bé nyrun ke swran nnyon so'n bé lie'n sa.

Hébreu 10:39

É lie'n, nanh bé nga bé tyuen bé wun ko sien'n b'o man bé mlin'n bé wié yele é, sannge é ti bé nga bé lafi Nyanmien su bo bé nyan bé ti'n bé wié.

2 Jean 1:7

Afin swran kpanngban ba sanndi men'n nun, bé laka swran mun, bé waan, Jésus-Christ a katyi'a swran. Swran ng'o sé so'n ye o ti swran lakafue nin Christ kpofue nion.

Jude 1:1

Amun bo é Si Nyanmien flee amun, b'o klô amun titi b'o fa amun siéé Jésus-Christ'n, min Jude bo n ti Jésus-Christ swran nin Jacques niaan'n, nh kleh fluwa nga ble amun.

Jude 1:19

Swran so'n bé ye man swran nin swran bé bu nion. Bé ti klo swran, Nyanmien Wawe'n sié'a bé.