1 Jean 2:16 - Nyanmien nde Ufle

¹⁶ Liké kwlaa nga bé yô bé men'n nun'n, bé nyin b'o blô ninngé'm bé su, nin akunndan nga bé fa bu ninngé nga bé wun bé'n bé su'n, nin bé wun tule'n i kwlaa so'n i wié fi fi'an é Si'n, sannge bé ti men'n nun nzuen.

NYANMIƐN NDƐ'N 1998

¹⁶ Like nga be yo be mɛn'n nun'n i kwlaa'n: bé nyin b'ɔ blo ninnge'm bé su'n, nin akunndan nga be bu fa gua ninnge nga be wun be'n bé su'n, ɔ nin be wun tulɛ'n, i kwlaa sɔ'n i wie fi fin-man e Si'n, sanngɛ be ti mɛn'n nun nzuɛn.

1 Jean 2:16 ပူးပေါင်းရင်းမြစ်များ

Matthieu 4:8

Mmusu'm bé si Satan fe ékun oo ôka fléiin kpa kun su, o fa men'n i famien diwle'n kwlaa nin i nun ninngé b'o ba bé nyrunnyan'n klélii, o sé ke:

Matthieu 5:28

Sannge n lie'n, nh kanh klé amun ke, swran kwlaa ng'o wun bla kun b'o bu i kunndele akunndan'n, wuun wa kunnde bla so'n.

JÉSUS-CHRIST I DYASIN FE'N BO LUC KLELI'N 4:5

Mmusu'm bé si Satan fe oo lika nglônglô wié su, o fa men'n i famien diwle'n kwlaa klélii kpe kunngba,

Rɔmfuɛ Mun 13:14

Anh fa é Min Jésus-Christ yô ke amun nyren sa. Nanh an bu liké nga klo swran i kônvi soe'n i akunndan ke amunh yôh.

1 Korɛntfuɛ Mun 10:6

Sa so'n b'o too bé su'n o ti sa b'o fa klé é ke, nanh man é nyin tran sa tete'm bé su ke bé lie'n sa.

Galasifuɛ Mun 5:17

Liké nga klo swran klôé'n, Nyanmien Wawe'n klômen, ye liké nga Nyanmien Wawe'n klôé'n, klo swran klômen, bé nnyon'n bé nuan seman, o man sa nga an klô ke amunh yôh'n, an kwla yôman.

Galasifuɛ Mun 5:24

Bé nga bé ti Christ-Jésus lie'n, bé bôbôô bé waka'n su, o man ba wla bé kônvi'n i asé, bé nyin blô'a liké'm bé su kun.

Efɛzfuɛ Mun 2:3

Laa é kwlaa é ti ke bé sa, liké nga klo swran kônvi soe'n, ye é kunndeo, liké kwlaa ng'o yô é fe bo é bu i akunndan'n, ye é yôo. Nzuen so'n bo bé wulii nin yé'n ti, san Nyanmien fah é wun ya ke o fa swran wié'm bé wun ya'n sa.

Tite 2:12

Yé so b'o yôô yé'n, é yô sa ng'o ti i nuan su'n, nin sa ng'o ti kpa'n, ye é srô Nyanmien.

Tite 3:3

Afin laa é kusu é ti sinnglinfue, é ti nyin kékléfue, bé laka é man é yatyi atin kpafue'n, é nyin b'o blô ninngé wafawafa'n kwlaa nin men dile'n su'n ti é katyii ke kanga sa, é ti klunwifue, é nyin tyi swran nin liké, é wun yô te, é kpo é wun.

Jacques 3:15

I so ngwlele lie'n fi'an nyanmien su, o ti asie'n su wa lie, o ti klo swran lie, o fin mmusu'm bé si Satan.

Jacques 4:16

Sannge dyole tyatya'n ye an dio, an tu amun wun. Nuan dile so'n ti'n kpa.

1 Piɛr 1:14

Man amun nyin yi Nyanmien, nanh an yô liké nga i nun'n bo an nian wu'an sa wle'n amun nyin blô bé su bo an yôô bé'n, bé kun.

1 Piɛr 2:11

N swran kpa mun, an ti aôfue nin wlanwlanfue asie'n su, o man nh sreh amun ke an wla amun kônvi b'o man amun nyin blô ninngé'm bé su'n i asé, afin kônvi so'n kwla kun é.

2 Piɛr 2:10

Bé nga bé lie'n yôh te tra su'n, yele bé nga bé kônvi so sa tete'm bé yôle, bo bé bu'a Nyanmien liké fi'n. Bé yô sa nyin kéklé su, bé yô bé bobo bé klun sa. Bé srô'a nyanmien su lo swran nga bé le nyrun'n bé nzôwa kpele.

2 Piɛr 2:18

Bé idyo dandan ngben, bé fa ninngé nga klo swran nyin blô su'n laka bé nga bé nin bé wiéngu bo bé fa'a atin kpafue'n su'n bé su bu'n.