1 Jean 2:13 - Nyanmien nde Ufle

¹³ N si mun, nh kleh fluwa nga ble amun, yele ke an si swran ng'o ô le i bôbôle nun'n. Gbanflen mun, nh kleh fluwa nga ble amun, yele ke an kwlali Klunwifue'n.

NYANMIƐN NDƐ'N 1998

¹³ N si mun, n ´klɛ fluwa nga m blɛ amun yɛlɛ kɛ an si sran ng'ɔ o lɛ i bo bolɛ nun'n. Gbanflɛn mun, n ´klɛ fluwa nga m blɛ amun yɛlɛ kɛ an kwlali Klunwifuɛ'n.

1 Jean 2:13 ပူးပေါင်းရင်းမြစ်များ

Matthieu 11:27

N Si ye o fa liké'n kwlaa maan mion. Swran fi si'a Nyanmien Wa'n san i Si kunngba ye o si io, ye swran fi si'a Nyanmien Wa'n i Si'n, san Ba'n bobo o nin swran ng'o klô ke oh feh i Si'n kléé'n, bé ye bé si io.

Matthieu 13:19

Ke bo swran kun ti Nyanmien siéle'n nde'n, b'o wunmen i wle'n, kpekuun Klunwifue'n o wa yô man nde ng'o tili'n o mlin i klun. I sofue'n ye o ti ke atin mma'm b'o awié'n toli nun nion.

Matthieu 13:38

Awié fié'n yele men'n, awié'n yele Nyanmien mma mun, ye awié idyré'n yele Klunwifue'n i mma mun.

Matthieu 5:37

Se an sé ke, iyô'n, mon o ka su, ye se an sé ke, tyetye'n, mon a ka su, afin nde nga bé kan gua su'n o fin Klunwifue'n.

JÉSUS-CHRIST I DYASIN FE'N BO LUC KLELI'N 10:22

N Si ye o fa liké'n kwlaa maan mion. Swran fi si'a Nyanmien Wa'n, san i Si kunngba ye o si io, ye swran fi si'a Nyanmien Wa'n i Si'n, san Ba'n bobo o nin swran ng'o klô ke o fe i Si kléé'n, bé ye bé si io.

Jean 14:7

Se an si min'n, wuun amuan si n Si'n. Ke o fin nde'n, amuan wuin, amuan sii.

Jean 14:9

Jésus sé i ke: ?Philippe, lalaa bo min nin amun ô wa'n, a nian si'a min? Swran ng'o wun min'n, wuun wa wun é Si'n. ?O yô se ye a sé n ke n klé amun é Si nion?

Jean 16:3

Béh yôh amun so yele ke bé si'a min nin é Si'n.

Jean 16:33

N ken i kwlaa so'n kléé amun nan amun wun dyo amun fouun swran wunmuan bo min nin amun ya katyi'n ti. Amun wa wun amun nyin su kpa, sannge anh tra amun awlen, men nga nun wa'n min ye n kwlaa.

Jean 17:21

N Si, nh sreh o ke bé katyi swran wunmuan, ye bé nin é é yô swran wunmuan ke min nin o é ti swran wunmuan'n sa nan men nunfue'm bé lafi su ke wo ye a sunmaan mion.

Jean 17:3

Ke bé sé ke béh nyanh anannganman nguan'n, i bô yele ke béh sih o bo o kunngba tye ye a ti Nyanmien'n nin Jésus-Christ bo a sunmenniin'n.

Jean 8:19

I so'n ti, bé use i ke: ?O Si'n wô nin? Jésus sé bé ke: An si'a min nin n Si'n. Se an si min'n, wuun an si n Si kusu.

2 Korɛntfuɛ Mun 4:6

Nyanmien b'o séé ke: Man lika'n kpadya'n, i kunngba'n ye man é wun sa wle wéiion. O man ke é nian Christ'n é wun wafa kwlaa nga Nyanmien Kpli'n ti'n, afin i ye man é sii io.

1 Timote 5:1

Nanh idyo kpenngben mun, sannge tu bé fo amannien su, fa bé bu o si, bu gbanflen mun o niaan,

Tite 2:6

Kan klé ngbanflen mun ke bé kusu bé yô sa i nuan su.

1 Jean 1:1

Nguan Nde b'o le anannganman'n i nde ye éh kleh ble amun ye nion. É tili, é bobo é wunniin nin é nyinma, é nienniin, é kennin.

1 Jean 2:1

M mma mun, ke o kô yô nan amuan yô'a sa te'n ti, nh kleh nde nga ble amun. Sannge se swran wié yô sa te'n, é le é ti nde kanfue, o ô é Si Nyanmien wun lo, yele Jésus-Christ b'o ti swran kpa'n.

1 Jean 2:12

M mma mun, nh kleh fluwa nga ble amun, yele ke Christ ti, Nyanmien a yatyi sa nga an yôlii'n wa tye amun.

1 Jean 2:14

Ba kanngan mun, nh kleh fluwa nga ble amun, yele ke an si é Si'n. N si mun, nh kleh fluwa so'n ble amun, yele ke an si swran ng'o ô le i bôbôle nun'n. Gbanflen mun, nh kle fluwa so'n ble amun, yele ke an dyran kéklé, an fa Nyanmien nde'n su, ye an kwlali Klunwifue'n.

1 Jean 3:12

Nanh man é yô ke Caïn b'o ti Klunwifue'n i lie'n ti, o kuun i niaan bian'n i lie'n sa. ?Nzu ti ye o kunnin io? Yele ke sa nga i bobo yô bé'n bé ko'a atin su, sannge i niaan bian lie'n ko atin su.

1 Jean 4:4

M mma mun, amun lie'n, an ti Nyanmien lie, o man an kwlali bé, afin Swran ng'o dyran amun sin'n ti dan tra nga b'o dyran men'n nunfue'm bé sin'n.

1 Jean 5:18

É si ke swran kwlaa ng'o ti Nyanmien wa'n, o ka'a sa te yôle'n su, afin Nyanmien Wa'n sese, o man Klunwifue'n kwla yô'e i sa fi.

1 Jean 5:20

É si kusu ke Nyanmien Wa'n bali, ye o kléé é ngwlele, nan é si Nanwlefue'n. É nin Nanwlefue so'n ya yô kun i wa Jésus-Christ ti. I ye o ti Nyanmien nion, i ye bé flee nguan nion.

Sa nglô yile 12:11

Bua Gbanflen'n i mmôdya'n nin nde nanwle bo bé kan'n ti bé kwlelii, ye ba bu'a bé bobo bé wun liké fi, ba srô'a wié'n.

Sa nglô yile 2:7

Swran ng'o si fa sié'n, mon o tié nde nga Nyanmien Wawe'n kan klé asonun mun'n. Swran ng'o kwla'n, m man oh dih waka b'o man nguan b'o ô Nyanmien fié'n su lo'n i mma.