1 Jean 2:1 - Nyanmien nde Ufle

¹ M mma mun, ke o kô yô nan amuan yô'a sa te'n ti, nh kleh nde nga ble amun. Sannge se swran wié yô sa te'n, é le é ti nde kanfue, o ô é Si Nyanmien wun lo, yele Jésus-Christ b'o ti swran kpa'n.

NYANMIƐN NDƐ'N 1998

¹ M mma mun, kɛ ɔ ko yo nan amu'an yo-man sa tɛ'n ti, n ´klɛ ndɛ nga blɛ amun. Sanngɛ sɛ sran wie yo sa tɛ'n, e lɛ é ti ndɛ kanfuɛ, ɔ o e Si Nyanmiɛn wun lɔ, yɛlɛ Jésus-Krist b'ɔ ti sran kpa'n.

1 Jean 2:1 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 10:22

N Si ye o fa liké'n kwlaa maan mion. Swran fi si'a Nyanmien Wa'n, san i Si kunngba ye o si io, ye swran fi si'a Nyanmien Wa'n i Si'n, san Ba'n bobo o nin swran ng'o klô ke o fe i Si kléé'n, bé ye bé si io.

Jean 13:33

M mma mun, n te ô amun wun wa kan. Amun wa kunnde min. N séé Juif'm bé ke, «Lika nga nh koh lo'n, bé su kwla ko'a lo wié.» Nde kunngba'n ye n kan klé amun ye'n.

Jean 14:16

Nh kôh sre é Si'n, oh bleh amun swran ufle b'o uka amun, yele Nyanmien Wawe'n b'o ti nanwlefue'n, o nin amunh tranh titi. Men nunfue'm bé kwla nyenmen, yele ke bé wunmen ye bé simen, sannge amun lie'n, an sii, afin o nin amun ye o traan, ye o wa tran amun awlen'n nun.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Jean 21:5

Jésus usaa bé ke: ?Gbanflen mun amuan nya'an dyué'n wié? Bé waan, Een.

Jean 5:14

I sin, Jésus kô wuun bian'n Nyanmien sua dan'n nun lo, o sé i ke: Nian, w'a yô dyuédyué sien'n, nanh yô sa te kun man liké nga i te'n tra nga'n, o yô o.

Jean 5:36

Lalôfue nga n le'n i nde b'o kan'n ti dan tra aye nga Jean yii min'n, afin liké nga n Si klé n ke n yô'n, bo n yô bé'n, o klé ke n Si ye o sunmaan mion.

Jean 6:27

Nanh an di dyunman alie b'o satyi'n ti, sannge anh di dyunman alie ng'o satyiman b'o man swran nyan anannganman nguan'n ti. Alie so'n, m bo n katyii Swran'n min ye nh fah man amuon, afin min ye n ti swran bo é Si Nyanmien klé wéiin ke o dyin n sion.

Jean 8:11

Ye i waan: Een, Ndya. Ye Jésus sé i ke: N kusu, n sé'a ke bé kun o. Ko, sannge nanh yô so kun].

Sa nga bé yôli'n 7:52

?Nyanmien nuan idyofue ônin ye amun nannan'm ba klé'a bé yaleo? Bé kunnin bé nga bé dun mmua kaan Nanwlefue'n i bale nde'n, i ye an fe maan swran mun bo bé kunniin nion.

Rɔmfuɛ Mun 5:10

Afin se laa bo é ti Nyanmien i kpofue'n b'o fe i Wa'n siésié é afien'n, sien'n bo é nin i é afien a se'n, i Wa'n i nyin b'o ô su'n ti, oh déh é ti kpe blu.

Rɔmfuɛ Mun 6:15

?Se o ti so'n, éh yôéh se? ?Ke Nyanmien dyra'an mmla'n su ye o sié é, b'o yô é yé titi'n, i so'n ti, éh yôh sa te? É su yô'e i so mlonmlon?

Rɔmfuɛ Mun 8:34

?Wan ye o kwla sé ke ba di foo? Christ-Jésus ye o wulio, kusu o tyennin, o ô Nyanmien Kpli'n i fama su, o kpete man é.

1 Korɛntfuɛ Mun 15:34

Anh klô amun nyin yô sa ng'o ti i nuan su'n, nanh an yô sa te kun, afin bé wié'm bé si'a Nyanmien. N ken i so fa gua amun nyin asé.

2 Korɛntfuɛ Mun 5:21

Ke o kô yô nan é nin Christ ya katyi swran wunmuan nan ya yô swran kpa Nyanmien nyrun'n ti, o man Christ b'o wa yô'a sa te fi lé'n o dyraan é sa te'n i nuan.

Galasifuɛ Mun 4:19

M mma mun, amun ti n su wun nyrennen kpa ékun ke bla bo wa kôtô awulie sa, lélé béh wunh Christ nzuen'n kwlakwlakwla amun nun.

Efɛzfuɛ Mun 2:18

afin é kwlaa, se é ti Juif ô, se é ti'a Juif ô, Christ ti é kwla ko é Si Nyanmien wun lo i Wawe'n i fanngan nun.

Efɛzfuɛ Mun 4:26

Se an fa ya'n, nanh an yô sa te. Nanh an fa ya so'n lélé man wia'n to su.

1 Timote 2:5

Afin Nyanmien'n ti kun, ye kpatafue ng'o dyran swran'm bé nuan kpata Nyanmien'n ti kun kusu, yele Christ-Jésus, o ti swran.

1 Timote 3:14

Fluwa nga nh kleh ble o ye'n, o ô n klun ke o tye kan'n nh koh o wun lo.

Hébreu 9:24

Afin nanh Nyanmien lika b'o ti swran sa nuan b'o ti kpafue'n i sonnzon su'n i nun ye Christ wlulio, sannge o oo nyanmien bobo su lo Nyanmien wun o, o man ke é sé ye'n, o dyran é nuan.

Jacques 1:27

Nyanmien sule b'o ti kpa bo fien fi nu'en i wun é Si Nyanmien mien nyrun'n, yele aika nin angbôti mmla'm bo bé wun nyrennen'n, bé lika nianle, nin bé wun su nianle men nun sa tete yôle'm bé nun.

Jacques 3:9

É nuan so'n ye é fa manman é Min'n b'o ti é Si nion. I kunngba'n ye é fa wua swran bo Nyanmien yii bé bo bé ti ke i sa'n bé amuen nion.

1 Piɛr 2:22

Wa yô'a sa te lé, ba ti'a gble nde fi i nuan nun lé.

1 Piɛr 3:18

Amun ti te ye Christ fe i wun yilio. O yôé kpe kunngba o su yô'e kun. I b'o ti swran kpa'n, sa te yôfue'm bé ti o wuli, nan oh fah amun man Nyanmien. Bé kunniin, sannge Nyanmien Wawe'n tyenniin.

1 Jean 3:18

M mma mun, nanh man amun swran klôle'n yô amun nuan bui su, nin nuan nun fe su, sannge man bé wuin sakpa liké nga amun yôh'n nun.

1 Jean 3:5

Afin an si ke Christ baa sa te'n i nuan nnya bule, ye sa te kaan sa bo'en i wun.

1 Jean 3:7

M mma mun, nanh an fa amun wun man swran fi mon o laka amun. Swran ng'o yô sa b'o ko atin su'n, o ti swran kpa ke Christ ti swran kpa'n sa.

1 Jean 4:4

M mma mun, amun lie'n, an ti Nyanmien lie, o man an kwlali bé, afin Swran ng'o dyran amun sin'n ti dan tra nga b'o dyran men'n nunfue'm bé sin'n.

1 Jean 5:17

Sa kwlaa nga bé yô b'o ko'a atin su'n ti sa te. Sa te'n wié ô le o ti'a be wié lie.

1 Jean 5:21

M mma mun, anh nian amun wun amuen'm bé lika.

3 Jean 1:4

Sa fi dyo'a n klun ke n ti i ke m mma'm bé di nanwle titi'n sa.