1 Jean 1:2 - Nyanmien nde Ufle

² Ke i bo bé flee Nguan'n o yii i wun nglô'n, é wunniin, o man é ken i nde, ye é ken i bo bé fle i Anannganman Nguan so'n, b'o ô é Si'n i wun lo, b'o yi i wun nglô kléé yé'n, i nde klé amun.

NYANMIƐN NDƐ'N 1998

² Kɛ i bɔ be flɛ i Nguan'n ɔ yili i wun nglo'n, e wunnin i, ɔ man e kɛn i ndɛ, yɛ i bɔ be flɛ i Anannganman Nguan sɔ'n, b'ɔ wo e Si'n i wun lɔ'n, b'ɔ yi i wun nglo kleli ye'n, e kɛn i ndɛ kle amun.

1 Jean 1:2 ပူးပေါင်းရင်းမြစ်များ

Jean 1:18

Swran fi nian wu'an Nyanmien lé. San i Wa kunngba'n b'o nin i ti kun b'o ti i awlen su ba'n, i ye man é sii io.

Jean 1:4

I sa nun ye nguan'n wôo, nguan so'n ti ke wia'n sa, o man swran'm bé wun asé.

Jean 10:28

M man bé anannganman nguan, bé su nunnu'an lé, ye swran fi su dé'a bé n sa nun.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Jean 15:27

Amun kusu, amunh kanh n nde wié, afin ke o fin i bôbôle nun'n min nin amun ye é wôo.

Jean 16:28

N fi é Si'n wun lo ye m balio. Sien'n n su dyaô men nga nun nh koh i wun lo ékun.

Jean 17:3

Ke bé sé ke béh nyanh anannganman nguan'n, i bô yele ke béh sih o bo o kunngba tye ye a ti Nyanmien'n nin Jésus-Christ bo a sunmenniin'n.

Jean 17:5

I so'n ti sien'n, n Si, nyrun nga ke n wô o wun lo'n n le'n nan w'a yi men'n, man n nyan nyrun kunngba so'n o wun lo ékun.

Jean 19:35

Swran ng'o wuun nun'n ye o kannion, ye i nde ng'o kan'n ti nanwle. I bobo si ke nde ng'o kan'n ti nanwle, o man amun kusu anh lafi su wié.

Jean 21:14

Ke Jésus tyennin'n, i kpe nsan su b'o fe i wun klé i sonnzonfue mun'n ye.

Jean 3:13

Swran fi nian wo'a nyanmien su lo lé, san m bo n katyii Swran'n bo n fin lo bali'n.

Jean 7:29

M bobo n sii, i wun lo ye n fion, i ye o sunmaan mion.

Jean 8:38

Liké nga n wuin n Si wun lo'n, i nde ye n kaan, ye amun kusu, liké nga amun si lie'n kléé amun'n, ye an yôo.

Sa nga bé yôli'n 1:22

ke Jean yô é Min Jésus baptême bo é nin i é wlanwlan'n, bé sunman é titi fa dyuu tyen nga Nyanmien felii é afien'n, bé nun kun.

Sa nga bé yôli'n 10:41

sannge swran ngba a wunmen, san é nga Nyanmien dun mmua siéé é ke é wuin'n, bo ke a tyennin'n, é nin i é di liké'n, é ye é wunnin io.

Sa nga bé yôli'n 2:32

Jésus so'n ye Nyanmien tyenniin nion, o yôô é kwlaa é nyrun.

Sa nga bé yôli'n 3:15

An man bé kuun swran ng'o man nguan'n, sannge Nyanmien tyenniin. Sa so'n yôô é bobo é nyrun.

Sa nga bé yôli'n 5:32

É nin Nyanmien Wawe'n b'o fa maan bé bo bé nyin yii'n, é ti sa so'n nun lalôfue.

Rɔmfuɛ Mun 8:3

Liké nga Moïse mmla'n kwle'e i yô'n klo swran i nzuen'n ti'n, Nyanmien bobo yôli. Ke o man i bobo Wa'n katyi ke klo swran b'o yô sa te'n sa, b'o sunmenniin ke o yô te nnen'n, o klé ke sa te b'o ti klo swran nzuen'n ti te, o man se o wié'n, o ti su.

Galasifuɛ Mun 4:4

Sannge ke ble nga Nyanmien siéli'n dyuli'n, o sunmeen i Wa'n, bla kun wulii, o di mmla'n su.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

2 Timote 1:10

É ble lie'n su ke é Ti Défue Christ-Jésus bali'n, ye o yii yé so'n i nglôo. O tuu wié'n i dyé'n, ye i dyasin fe'n ti o man ya si nguan b'o man swran wuman'n.

Tite 1:2

nan bé fa bé wla gua anannganman nguan'n su. Nyanmien b'o bua'a atô'n, ke o nian yi'a men'n o séé ke nh nyanh nguan so'n.

1 Piɛr 5:1

I so'n ti, m ma sre amun bo an ti asonun kpenngben'n amun liké kun. M bobo n ti asonun kpenngben ke amun sa, n kan Christ i nyrennen b'o wunniin'n i nde, ye anyrunnyan liké nga Nyanmien wa yi nglô'n, n dunman'n teh nun wié. Nh sreh amun,

1 Jean 1:1

Nguan Nde b'o le anannganman'n i nde ye éh kleh ble amun ye nion. É tili, é bobo é wunniin nin é nyinma, é nienniin, é kennin.

1 Jean 2:25

Anh nian liké nga Christ waan oh fah man yé'n, yele anannganman nguan'n.

1 Jean 3:5

Afin an si ke Christ baa sa te'n i nuan nnya bule, ye sa te kaan sa bo'en i wun.

1 Jean 3:8

Swran ng'o yô sa te'n, o ti mmusu'm bé si Satan'n i lie, afin ke o fin i bôbôle nun'n, mmusu'm bé si Satan'n ti sa te yôfue. Nyanmien Wa'n baa sa nga mmusu'm bé si Satan'n yô'n i nuan nnya bule.

1 Jean 4:14

É wun ke é Si sunmeen i Wa'n men'n nun ke o wa dé swran'm bé ti, ye man é kaan.

1 Jean 4:2

Anh nian sa wafa nga amun fa si swran ng'o idyo Nyanmien Wawe'n nuan'n. Swran kwlaa ng'o sé ke Jésus-Christ katyii swran o bali'n, i sofue'n ye o idyo Nyanmien Wawe'n nuaan.

1 Jean 5:11

Anh nian nde so'n ye, Nyanmien maan é anannganman nguan, i Wa'n ti ye man é nyaan nguan so nion.

1 Jean 5:13

N kle nde so'n blee amun nan amun bo an lafi Nyanmien Wa'n su'n, an si ke an le anannganman nguan.

1 Jean 5:20

É si kusu ke Nyanmien Wa'n bali, ye o kléé é ngwlele, nan é si Nanwlefue'n. É nin Nanwlefue so'n ya yô kun i wa Jésus-Christ ti. I ye o ti Nyanmien nion, i ye bé flee nguan nion.